اعتراضات علي المنتدي الجديد [الأرشيف]

مشاهدة النسخة كاملة : اعتراضات علي المنتدي الجديد

Shatla

10-05-2009, 02:42 PM

بعض الملاحظات علي المنتدي الجديد :
1-التوقيع في الاول كان متظبط في حدود الشاشة بعدين لقيت علي حسب العضو توقيعه يعني احيانا واحد حاطط صورة كبيرة قوي في التوقيع وظهرا بحجمها الطبيعي عكس بداية المنتدي.
.................................................. .....................
2-شريط المواضيع مش عارف اعملة ريلود لوحده لازم اعمل للصفحة كلها.
.................................................. .....................
3-العزبة سابقا لسة مفتوحة؟؟!!
.................................................. .....................
4- عدد المشرفين علي جميع الاقسام كتير جدا يعني احيانا بحس ان عدد المشرفين اكتر من عدد الاعضاء المشاركين.يعني بحس في حته المتواجدون الان كرنفال الوان؟!
.................................................. .....................
5-الصفحة الاساسية للمنتدي كبير قوي وفي بعض الاقسام تقريبا قله اللي هيخشوا عليا كانت ممكن تدمج في قسم اخر اه ممكن اقللها باني اخفي بعض الاقسام بس شكلها رخم
يعني ممكن نقللها عن طريق ان اسم القسم هو الرئيسي وجو اقسام فرعية
زي منتدي اولي قسم الكمبيوتر السنة اللي فاتت.
.................................................. .....................
6-كان الاول بدل ما بتلونوا المشرفين بالوان انكوا تعملوا اولي بلون وتانية بلون وتالته بلون
عشان ناخد بالنا مش كل الاعضاء كاتبة السنة الدراسية المفروض تبقي اساسية وممنوع التسجيل من غيرها.
.................................................. .....................
7- ده رجاء من الادارة والاعضاء انا احيانا بلاقي واحد عامل اكتر من خمس مواضيع يوميا سواء المنتدي الجديد والمنتدي القديم فارجو ان يكوا عمل الموضوع للضرورة ومش بغرض النقل وخلاص.
.................................................. .....................
8-انتوا عمللتوا بعض الاقسام للرغبات الافراد يعني مثلا زي خمسة فرفشه تقريبا كان ممنوع في اولي السنة اللي فاتت وتقريبا سعد دخل قال انه اللي عمله في منتي تانية كان تعبان منه. فايه اللي غير الكلام ده مع العلم اني شايف ان المنتدي بقي جمع لجميع اقسام النتديات الثلاثة السابقة.
.................................................. .....................
9- المفروض ان يبقي في انتخابات في الاقسام الدراسية عشان يبقي في تنافس ده اللي احنا المفروض نفكر فيه...يعني ازاي تعمل انتر فيو في منصب رئيس الجمهورية وتعين رئيس علي كيفيك والشعب مرضيش بيه.
.................................................. .....................
واخيرا ارجو الاجابة علي هذه التساؤلات من الادارة.
مع العلم انا مش بعمل الكلام ده من مبدأ الهجوم انا بعمبه من مبدأ المناقشة يعني لو حد من الاعضاء عند رد تاني ياريت يعرفني.

Saad Saleh

10-05-2009, 02:45 PM

تمام ,
جزاك الله خيرا عن المناقشة الطيبة دي
و الحاجات اللي قلتها كلها تقريبا اخدت جزء من تفكيرنا , فانت معاك حق في حاجات

و حاجات عاوزة تتوضح و هكذا

همسكهملك نقطة نقطة اشرحلك مشكلتها ايه ,

انا بس حبيت ارد عليك اول ما اشوف الموضوع , بس الرد هياخد وقت شوية على ما يستوي

:D

Shatla

10-05-2009, 02:47 PM

شكرا علي الرد السريع ومنتظرك

Saad Saleh

10-05-2009, 03:23 PM

1-التوقيع في الاول كان متظبط في حدود الشاشة بعدين لقيت علي حسب العضو توقيعه يعني احيانا واحد حاطط صورة كبيرة قوي في التوقيع وظهرا بحجمها الطبيعي عكس بداية المنتدي.
.................................................. .....................

تمام
دي عندك حق فيها ,
و إن شاء الله تتظبط في أسرع وقت , لأننا من صلاحياتنا اننا نحدد حجم التوقيع المقاس و الحجم
و فعلا في ناس بتسيء استخدام التوقيع ..
و حتى مش بتراعي الشكل العام و لا بتراعي الناس اللي عندهم سرعات بطيئة
إن شاء الله تتحل دي خلال يوم او يومين بالكتير

2
-شريط المواضيع مش عارف اعملة ريلود لوحده لازم اعمل للصفحة كلها.السؤال دا تقني , و لازم حد من الـ IT هو اللي يجاوب
بس هقولك حاجة ,
ان الشريط دا غير اللي كنا مركبينه السنة اللي فاتت في الاي بي
دا برنامج مختلف خااااالص
فمش بالضرورة تلاقي نفس الامكانيات بتاعة هناك هنا
زي ما انت هتلاقي ان هنا في امكانيات كتير احسن من هناك
منها السرعة مثلا

و لا ايه ؟

3-العزبة سابقا لسة مفتوحة؟؟!!
مفتوحة لـ3 اسباب :
- في ناس بتدخل المنتدى لأول مرة دلوقتي , لازم نديهم فرصة يدخلو القسم قبل ما يتقفل عشان يعرفوه
- الناس سجلت بأسماء جديدة , و احنا منعرفش الاعضاء , و بما ان كل اعضاء الاقسام دي بيهتم بالسرية , فلازم نرجع نتأكد من الأعضاء اللي بتدخل تاني و دا محتاج تركيز و جهد كبير و هياخد وقت
- ان الإشراف العام و الإدارة في فترة افتتاح المنتدى اللي هي دلوقتي , عندهم اعباء كبيرة جدا خاصة في تفعيل العضويات اللي بياخد ساعات كل يوم , فمش منطقي نفتح باب كبير قوي لتحرير العضويات و احنا مضغوطين دلوقتي

لكن ..
غالبا إن شاء الله
هيتقفل على الأسبوع اللي جاي اخره أو أوله حسب الظروف

4- عدد المشرفين علي جميع الاقسام كتير جدا يعني احيانا بحس ان عدد المشرفين اكتر من عدد الاعضاء المشاركين.يعني بحس في حته المتواجدون الان كرنفال الوان؟!

عدد المشرفين كتير , دي ضرورة , لأن المشاركات كتير و الأقسام الدراسية كتير , أحب اقولك إنه خلال ايام في عدد لا يقل عن 150 هيتعين تاني للإشراف ,
لكن مسألة ان المشرفين اكتر من الاعضاء دي مبالغة لأني مشفتهاش لغاية دلوقتي ..
و دا مش عاوزينه يعمل قلق ,
الأول كنا 400 عضو في اليوم بـ 40 مشرف
دلوقتي بقينا 1500 عضو في اليوم , هل هيفضلو 40 مشرف ؟؟
هدفنا اننا نوصل للكلية كلها .. لا شك إن العدد اللي يقدر يخدم الكلية كلها بجودة عالية مش هيكون 40 ,,, و لا 100 حتى

لكن مشكلة الألوان هنجتهد في حلها إن شاء الله

5-الصفحة الاساسية للمنتدي كبير قوي وفي بعض الاقسام تقريبا قله اللي هيخشوا عليا كانت ممكن تدمج في قسم اخر اه ممكن اقللها باني اخفي بعض الاقسام بس شكلها رخم
يعني ممكن نقللها عن طريق ان اسم القسم هو الرئيسي وجو اقسام فرعية
زي منتدي اولي قسم الكمبيوتر السنة اللي فاتت.

تمام ,
دا اقتراح يدرس ,
لكن هقولك الحكمة من كدا ايه ,
لو المنتدى الأدبي بينزل فيه 5 مواضيع في الاسبوع هنسيبه منتدى واحد بس ..
لما ينزل فيه 100 موضوع في الاسبوع معنى كدا ان في تنوع و في طلبات للأعضاء و ساعتها ممكن نقسمه قسم للروايات و قسم للشعر مثلا و هكذا
اللي حصل دلوقتي كدا ..
ان العدد زاد , فوجود المواضيع في أقسام مكدسة , هيضر المواضيع نفسها
دا لمصلحة الأعضاء
و الفترة اللي احنا فيها دي اللي هي الترم الأول هي فترة تعتبر تجريبية
مجرد ما يخلص , هنعمل وقفة تقييم و نشوف ايه اللي يتشال و ايه اللي يتساب , بس لازم نسيب فرصة للتجربة عشان نقدر نقول عليها تجربة و نبني عليها آراءا

تمام ؟

6-كان الاول بدل ما بتلونوا المشرفين بالوان انكوا تعملوا اولي بلون وتانية بلون وتالته بلون
عشان ناخد بالنا مش كل الاعضاء كاتبة السنة الدراسية المفروض تبقي اساسية وممنوع التسجيل من غيرها.

فكرنا فيها ..
و الالوان كان فيها اقتراحين هقولهوملك دلوقتي عشان الناس هتسأل بعد كدا كتير فنبقى قلنا مرة واحدة
الأول : نمشيها بالدفعات , و ساعتها هنلغي التدرج في الأعضاء (لسة هيتضاف اساسا) و الألوان نفسها هتكون كتير برضو
التاني : نمشيها بالتدرج (حسب النشاط) و نعمل حاجة للتفرقة بين الدفعات

و لما فكرنا و وازنا بين ايجابيات و سلبيات كلا الاقتراحين , اخترنا التاني
ممكن نلاقي الأول احسن بالتجربة ...

بس دا كان اختيار الإدارة انها تدي فرصة للحافز بين الأعضاء
و في نفس الوقت مخسرناش نقطة التفرقة اللي موجودة في البروفايل و في التوبيكات

7- ده رجاء من الادارة والاعضاء انا احيانا بلاقي واحد عامل اكتر من خمس مواضيع يوميا سواء المنتدي الجديد والمنتدي القديم فارجو ان يكوا عمل الموضوع للضرورة ومش بغرض النقل وخلاص.

تمام ,
دا رجاء من الأعضاء مش من الإدارة
يعني انا باسمك , بوجه نداء لكل الأعضاء انها نتنقي المادة اللي تعرضها و تقدمها لباقي الناس
لكن انا مقدرش احاسبك و اقولك موضوعك تافه او مفيد ..
لأني حهاسبك على وجهة نظري الشخصية كـ"سعد"

8-انتوا عمللتوا بعض الاقسام للرغبات الافراد يعني مثلا زي خمسة فرفشه تقريبا كان ممنوع في اولي السنة اللي فاتت وتقريبا سعد دخل قال انه اللي عمله في منتي تانية كان تعبان منه. فايه اللي غير الكلام ده مع العلم اني شايف ان المنتدي بقي جمع لجميع اقسام النتديات الثلاثة السابقة.

الكلام دا غير صحيح
اتعمل دراسة للأقسام , و ايه اللي محتاجيينه و ايه اللي مش محتاجيينه
و بعض أجزاء الدراسة دي محكم جدا من فضل الله
و مش واحد اللي اشتغل فيها , دا 33 واحد على وقت طويل جدا
و قسم "خمسة فرفشة" خاصة من النقاط اللي اثير حوليها جدل في الادارة ,
ما بين مؤيد و معارض
ناس شايفة ان دا مجال للترفيه المقنن , و نحافظ على جدية بقية المنتدى
و ناس شايفة انه دا بيجرنا في الاتجاه الغلط
بعد مناقشة الموضوع و اخد اراء الناس استقرينا على فتحه بضوابط معينة
و اي منتدى او قرار هنا بناخده , مش بيتبني على رأي فرد مهما كان الفرد دا مين , لا أدمن و لا مشرف و لا اي حاجة ..
لكن دا قرار الفريق ككل
و طالما الفريق اختار حاجة مخالفة لرأي واحد من الفريق حتى لو الأدمن , يبقى دا رأينا كلنا

9- المفروض ان يبقي في انتخابات في الاقسام الدراسية عشان يبقي في تنافس ده اللي احنا المفروض نفكر فيه...يعني ازاي تعمل انتر فيو في منصب رئيس الجمهورية وتعين رئيس علي كيفيك والشعب مرضيش بيه.

الحمد لله دي السنة الرابعة للمنتدى و كل سنة بتكون أكبر من اللي قبلها و بنتعلم فيها اكتر
احنا جربنا الانتخابات في الاشراف العام و الاشراف

الانتخابات ليها عيوبها و مميزاتها و كذلك الترشيح ... و الانترفيو

مشاكل الانتخابات الكبرى :
- اوقات كتير جدا الانتخابات بترشحلك ناس غير كفيء للوظيفة دي .. يعني لا يمتلك المهارات اللازمة للشغلة دي لكن نجح للشعبية

- الانتخابات بتجمع بين ناس متفرقين جدا , و التعاون بينهم في فريق واحد بعد كدا اوقات بيكون صعب

الانترفيو بالتجربة ,
بيدي فرصة للناس اللي عاوزة تدخل انها تقدم
بعدين بيتحدد job description للشغل دا سواء مشرف او غيره
بعدين بناء على دا بيتحدد criteria في الشخص دا , مثلا انه يكون عنده مهارات اتصال جيدة , و يكون عنده تفكير ابداعي مثلا يعني

بعدين نبتدي نشوف مين الاصلح بناء على المعايير دي
و النتيجة بالتجربة .. كانت في صالح الترشيح عن طريق الانترفيو

و بأكدلك ان موضوع الانترفيو دا مفيش فيه مجاملة و لا صحوبية و لا سن و لا دين و لا اي حاجة .. بيكون بأمانة تامة لأننا مدركين خطورة الأمانة

و النبي صلى الله عليه و سلم حذرنا من تضييع الأمانة .. ألا و تضييع الأمانة , و قال عنها انها توسيد الأمر لغير أهله

لكن .. من الخطأ انك تقارن المنتدى هنا بنظام دولة او باتحاد الكلية ...

لأننا عمل طلابي , عكس الاتحاد مثلا او عكس الجمهورية

و النظام الطلابي له قواعد و نظم بتحركه بناء على هدفه

_______________________

أخيرا بحب أشكرك على مداخلتك اللطيفة دي
و اتمنى اكون جاوبتك ,

و لو عندك اي تعليق او اقتراح تاني

احب اعرفه

جزاكم الله خيرا

AhmedKashifSchrodinger

10-05-2009, 04:11 PM

Zeinotronics

10-05-2009, 04:19 PM

تاجر سلاح و عبيد و مخدرات كمان P:

هههههههههههههههههههههههههههههههه
كاشف والله انت مسخرة ..
:lol::lol::lol::lol:

-------

طيب بص يا كاشف أنا عايز اسألك وان كويتشن -الله يرحم :P-
لأ بجد انت حاسس ان المنتدى بغض النظر عن الجانب الدراسى غيّر فيك ولا لأ ؟؟
و لو غيّر فيك , غيّر ايه ؟؟

вutterғly ⊱ї⊰ omηia

10-05-2009, 04:25 PM

احم:e7m:

صاحب التوبيك ادانا حق الرد هييييييييييه:e7m:

انا بردوا متضايقه من معظم الى حضرتك كتبوا

بس بردوا فى حاجه

ان المنتدى مفتوح من مش اكتر من شهر او شهر ونص

المنتديات التانيه كانت من سنين

منتدى الفرقه التانيه دا انا كنت لسه جديده فيه ودخلاه النص التانى كان فيه حاجات من سنه اولى

معنى كده انه معمول من سنين

انا بردوا متضايقه من حكايه الزحمه وناس كتير جداا بردوا متضايقه بس اى حد بيروح مكان جديد وعارف انه لازم يعيش فيه هتحس انه متضايق لحد ماياخد على المكان

اه ناس كتير جدااااااا مش اعرفهم وناس اعرفهم بس مغيرين اساميهم وتاهوا فى الزحمه بس ندى المنتدى فرصه

انا كنت عامله توبيك شبه دا بالظبط بس بعدها عرفت انى لازم ارضى بالامر الواقع ليه؟؟!!عشان مضلحتى فيه اكبر من انى اتعامل مع احاسيسى بانى متضايقه وكده

ربنا معاهم بجد بس هنصبر عليهم

ياما نتعود يااما نتعود هانعمل ايه:^^:

بس والله الامانه تخالينى لازم اقول ان الناس دى مش مقصره اوى

اه هم بنى ادمين وبيغلطوا بس هم لسه فى الاول وفكره ان الكليه كلها فى منتدى واحد جديده وصعبه

والى يحضر العفريت يعرف يصرفه مايعرفش يصرفه يتحمل ازاه:evil::^^:

لازم احنا نتعود وهم بردوا شاغلين على العيوب الى فى المنتدى

ملحوظه بس:

انا واحده من الناس الى كانوا بيلحوا على الاداره ان خمسه زغزغه مش تتشال

اه عملت مشاكل كتير بس تخيل لو المنتدى من غيرها والمنتدى اتملى شيتات وكويزات وسكاشن ومحاضرات

اكيد مش هدخل المنتدى تانى كفايه الى عندى فى الكليه هى ناقصه

والحمد لله الناس بتوع عين شمس ناس محترمه وعارفه حدودها كويس فمفيش مانع ان خمسه زغزغه تفضل

بس خلاااص

AhmedKashifSchrodinger

10-05-2009, 04:25 PM

هههههههههههههههههههههههههههههههه
كاشف والله انت مسخرة ..
:lol::lol::lol::lol:

-------

طيب بص يا كاشف أنا عايز اسألك وان كويتشن -الله يرحم :P-
لأ بجد انت حاسس ان المنتدى بغض النظر عن الجانب الدراسى غيّر فيك ولا لأ ؟؟
و لو غيّر فيك , غيّر ايه ؟؟
lol xD mashy ya 3m ana t7t amrak fe ay 7aga :P

بص يا سيدى انا حكملك عن اعدادى هى دى

السنة اللى كنت بتكلم فى كل حتة مع المنتدى

و مع كل الناس و فى اى حاجة الكلام ان المنتدى

غير فيا اه غير لكن بأمانة مش كتير

بسبب نقطة واحدة بس

اختلاف الفكر

و دا برضو السبب اللى للأسف خلانى ابعد

شوية فى أولى و برضو السنة دى

Shatla

10-05-2009, 05:39 PM

1-التوقيع في الاول كان متظبط في حدود الشاشة بعدين لقيت علي حسب العضو توقيعه يعني احيانا واحد حاطط صورة كبيرة قوي في التوقيع وظهرا بحجمها الطبيعي عكس بداية المنتدي.

تمام
دي عندك حق فيها ,
و إن شاء الله تتظبط في أسرع وقت , لأننا من صلاحياتنا اننا نحدد حجم التوقيع المقاس و الحجم
و فعلا في ناس بتسيء استخدام التوقيع ..
و حتى مش بتراعي الشكل العام و لا بتراعي الناس اللي عندهم سرعات بطيئة
إن شاء الله تتحل دي خلال يوم او يومين بالكتير

معاك في الرد ده
.................................................. ......
2-شريط المواضيع مش عارف اعملة ريلود لوحده لازم اعمل للصفحة كلها.

السؤال دا تقني , و لازم حد من الـ IT هو اللي يجاوب
بس هقولك حاجة ,
ان الشريط دا غير اللي كنا مركبينه السنة اللي فاتت في الاي بي
دا برنامج مختلف خااااالص
فمش بالضرورة تلاقي نفس الامكانيات بتاعة هناك هنا
زي ما انت هتلاقي ان هنا في امكانيات كتير احسن من هناك
منها السرعة مثلا

و لا ايه ؟

طالما ده سؤال تقني يبقي مدخلش فيه
انا كنت بحسب ان دي خاصية ممكن تفعلوها في اي وقت
اه..المنتدي فعلا سريع في دخلوه
.................................................. ......
3-العزبة سابقا لسة مفتوحة؟؟!!

مفتوحة لـ3 اسباب :
- في ناس بتدخل المنتدى لأول مرة دلوقتي , لازم نديهم فرصة يدخلو القسم قبل ما يتقفل عشان يعرفوه
- الناس سجلت بأسماء جديدة , و احنا منعرفش الاعضاء , و بما ان كل اعضاء الاقسام دي بيهتم بالسرية , فلازم نرجع نتأكد من الأعضاء اللي بتدخل تاني و دا محتاج تركيز و جهد كبير و هياخد وقت
- ان الإشراف العام و الإدارة في فترة افتتاح المنتدى اللي هي دلوقتي , عندهم اعباء كبيرة جدا خاصة في تفعيل العضويات اللي بياخد ساعات كل يوم , فمش منطقي نفتح باب كبير قوي لتحرير العضويات و احنا مضغوطين دلوقتي

لكن ..
غالبا إن شاء الله
هيتقفل على الأسبوع اللي جاي اخره أو أوله حسب الظروف

السؤال ده مش فارق معايا قوي بس انا قولت كل اللي ناقشته من الناس اللي اعرفهم علي المنتدي
فاغلبيتهم اعترضوا علي فتح العزبه امام الناس
.................................................. ......
4- عدد المشرفين علي جميع الاقسام كتير جدا يعني احيانا بحس ان عدد المشرفين اكتر من عدد الاعضاء المشاركين.يعني بحس في حته المتواجدون الان كرنفال الوان؟!

عدد المشرفين كتير , دي ضرورة , لأن المشاركات كتير و الأقسام الدراسية كتير , أحب اقولك إنه خلال ايام في عدد لا يقل عن 150 هيتعين تاني للإشراف ,
لكن مسألة ان المشرفين اكتر من الاعضاء دي مبالغة لأني مشفتهاش لغاية دلوقتي ..
و دا مش عاوزينه يعمل قلق ,
الأول كنا 400 عضو في اليوم بـ 40 مشرف
دلوقتي بقينا 1500 عضو في اليوم , هل هيفضلو 40 مشرف ؟؟
هدفنا اننا نوصل للكلية كلها .. لا شك إن العدد اللي يقدر يخدم الكلية كلها بجودة عالية مش هيكون 40 ,,, و لا 100 حتى

لكن مشكلة الألوان هنجتهد في حلها إن شاء الله

بدون مبالغة
انا شايف ان العدد كبير جدا..مثال بسيط...تقريبا كل الناس اللي كانت فري اكتيف علي منتدي اولي مشرفين هنا...وبلاش لو لاحظت العدد اللي بيشارك بفاعليه علي المنتدي هتلاقيهم قله بالنسبة للمشرفين..انا مش معترض..بس بقول المنظر بتاعها مش لذيذ كانه منتدي مشرفين.
.................................................. ......
5-الصفحة الاساسية للمنتدي كبير قوي وفي بعض الاقسام تقريبا قله اللي هيخشوا عليا كانت ممكن تدمج في قسم اخر اه ممكن اقللها باني اخفي بعض الاقسام بس شكلها رخم
يعني ممكن نقللها عن طريق ان اسم القسم هو الرئيسي وجو اقسام فرعية
زي منتدي اولي قسم الكمبيوتر السنة اللي فاتت.

تمام ,
دا اقتراح يدرس ,
لكن هقولك الحكمة من كدا ايه ,
لو المنتدى الأدبي بينزل فيه 5 مواضيع في الاسبوع هنسيبه منتدى واحد بس ..
لما ينزل فيه 100 موضوع في الاسبوع معنى كدا ان في تنوع و في طلبات للأعضاء و ساعتها ممكن نقسمه قسم للروايات و قسم للشعر مثلا و هكذا
اللي حصل دلوقتي كدا ..
ان العدد زاد , فوجود المواضيع في أقسام مكدسة , هيضر المواضيع نفسها
دا لمصلحة الأعضاء
و الفترة اللي احنا فيها دي اللي هي الترم الأول هي فترة تعتبر تجريبية
مجرد ما يخلص , هنعمل وقفة تقييم و نشوف ايه اللي يتشال و ايه اللي يتساب , بس لازم نسيب فرصة للتجربة عشان نقدر نقول عليها تجربة و نبني عليها آراءا

تمام ؟

طالما تجربيه خلاص غير كده فهي زيادة بشكل مبالغ فيه جدا

Shatla

10-05-2009, 05:39 PM

6-كان الاول بدل ما بتلونوا المشرفين بالوان انكوا تعملوا اولي بلون وتانية بلون وتالته بلون
عشان ناخد بالنا مش كل الاعضاء كاتبة السنة الدراسية المفروض تبقي اساسية وممنوع التسجيل من غيرها.

فكرنا فيها ..
و الالوان كان فيها اقتراحين هقولهوملك دلوقتي عشان الناس هتسأل بعد كدا كتير فنبقى قلنا مرة واحدة
الأول : نمشيها بالدفعات , و ساعتها هنلغي التدرج في الأعضاء (لسة هيتضاف اساسا) و الألوان نفسها هتكون كتير برضو
التاني : نمشيها بالتدرج (حسب النشاط) و نعمل حاجة للتفرقة بين الدفعات

و لما فكرنا و وازنا بين ايجابيات و سلبيات كلا الاقتراحين , اخترنا التاني
ممكن نلاقي الأول احسن بالتجربة ...

بس دا كان اختيار الإدارة انها تدي فرصة للحافز بين الأعضاء
و في نفس الوقت مخسرناش نقطة التفرقة اللي موجودة في البروفايل و في التوبيكات

بص لو عايز فكرة احسن بس معرفش هيبقي ازاي عملها
انك تخاي اسم العضو بلون علي حسب دفعته
وتبقي في صورة زي بتاعت منتدي اولي بتاعت فري اكتيف ونونو وهكذا تحت الاسم
مده ميزت الناس بالتدرج والفرقة
يعني دي احسن؟؟!!
.................................................. ......
7- ده رجاء من الادارة والاعضاء انا احيانا بلاقي واحد عامل اكتر من خمس مواضيع يوميا سواء المنتدي الجديد والمنتدي القديم فارجو ان يكوا عمل الموضوع للضرورة ومش بغرض النقل وخلاص.

تمام ,
دا رجاء من الأعضاء مش من الإدارة
يعني انا باسمك , بوجه نداء لكل الأعضاء انها نتنقي المادة اللي تعرضها و تقدمها لباقي الناس
لكن انا مقدرش احاسبك و اقولك موضوعك تافه او مفيد ..
لأني حهاسبك على وجهة نظري الشخصية كـ"سعد"

خلاص وانا من موقعي :D بقول ان الميزة في الموضوع انه يبقي معمول بمجهودك مش كوبس بيست ومنقول والحوارات الفكسانة دي!
معلش علي الصيغة بس انا شايف ان ما اكتر انك تلاقي واحد عمل موضوع منقول واتكرر قبل كده
.................................................. ......
8-انتوا عمللتوا بعض الاقسام للرغبات الافراد يعني مثلا زي خمسة فرفشه تقريبا كان ممنوع في اولي السنة اللي فاتت وتقريبا سعد دخل قال انه اللي عمله في منتي تانية كان تعبان منه. فايه اللي غير الكلام ده مع العلم اني شايف ان المنتدي بقي جمع لجميع اقسام النتديات الثلاثة السابقة.

الكلام دا غير صحيح
اتعمل دراسة للأقسام , و ايه اللي محتاجيينه و ايه اللي مش محتاجيينه
و بعض أجزاء الدراسة دي محكم جدا من فضل الله
و مش واحد اللي اشتغل فيها , دا 33 واحد على وقت طويل جدا
و قسم "خمسة فرفشة" خاصة من النقاط اللي اثير حوليها جدل في الادارة ,
ما بين مؤيد و معارض
ناس شايفة ان دا مجال للترفيه المقنن , و نحافظ على جدية بقية المنتدى
و ناس شايفة انه دا بيجرنا في الاتجاه الغلط
بعد مناقشة الموضوع و اخد اراء الناس استقرينا على فتحه بضوابط معينة
و اي منتدى او قرار هنا بناخده , مش بيتبني على رأي فرد مهما كان الفرد دا مين , لا أدمن و لا مشرف و لا اي حاجة ..
لكن دا قرار الفريق ككل
و طالما الفريق اختار حاجة مخالفة لرأي واحد من الفريق حتى لو الأدمن , يبقى دا رأينا كلنا

اولا انا مش معترض علي القسم بس انا معترض علي اعتراضه في الاول
حد فهم حاجة!!
قصدي ان القسم ده كمثال كان معترض عليه السنة اللي فاتت زي مواضيع كتير مرة واحدة اتوافق عليه؟؟ ده كان الاعتراض؟!
وتاني جزئية من السؤال ان المنتدي بقي تجميع للمنتديات السابقة يعني تقريبا كان مثلا هناك 10 اقسام في كل منتدي قديم فالمنتدي الجديد بقي 30 قسم بس المفروض يبقيوا نقس 10!!
ارجو ان تكون ملاحظتي وصلت!!
.................................................. ......
9- المفروض ان يبقي في انتخابات في الاقسام الدراسية عشان يبقي في تنافس ده اللي احنا المفروض نفكر فيه...يعني ازاي تعمل انتر فيو في منصب رئيس الجمهورية وتعين رئيس علي كيفيك والشعب مرضيش بيه.

الحمد لله دي السنة الرابعة للمنتدى و كل سنة بتكون أكبر من اللي قبلها و بنتعلم فيها اكتر
احنا جربنا الانتخابات في الاشراف العام و الاشراف

الانتخابات ليها عيوبها و مميزاتها و كذلك الترشيح ... و الانترفيو

مشاكل الانتخابات الكبرى :
- اوقات كتير جدا الانتخابات بترشحلك ناس غير كفيء للوظيفة دي .. يعني لا يمتلك المهارات اللازمة للشغلة دي لكن نجح للشعبية

- الانتخابات بتجمع بين ناس متفرقين جدا , و التعاون بينهم في فريق واحد بعد كدا اوقات بيكون صعب

الانترفيو بالتجربة ,
بيدي فرصة للناس اللي عاوزة تدخل انها تقدم
بعدين بيتحدد job description للشغل دا سواء مشرف او غيره
بعدين بناء على دا بيتحدد criteria في الشخص دا , مثلا انه يكون عنده مهارات اتصال جيدة , و يكون عنده تفكير ابداعي مثلا يعني

بعدين نبتدي نشوف مين الاصلح بناء على المعايير دي
و النتيجة بالتجربة .. كانت في صالح الترشيح عن طريق الانترفيو

و بأكدلك ان موضوع الانترفيو دا مفيش فيه مجاملة و لا صحوبية و لا سن و لا دين و لا اي حاجة .. بيكون بأمانة تامة لأننا مدركين خطورة الأمانة

و النبي صلى الله عليه و سلم حذرنا من تضييع الأمانة .. ألا و تضييع الأمانة , و قال عنها انها توسيد الأمر لغير أهله

لكن .. من الخطأ انك تقارن المنتدى هنا بنظام دولة او باتحاد الكلية ...

لأننا عمل طلابي , عكس الاتحاد مثلا او عكس الجمهورية

و النظام الطلابي له قواعد و نظم بتحركه بناء على هدفه

دي الحته اللي انا معترض عليه بشكل كبير..
انت دلوقتي المفربوض تفصل بين المشريفين اللي متصلين بالاعضاء بشكل مباشر والمشريفين اللي ملهمش دعوة بالاعضاء..
يعني كمثال ازاي تجيب عضو ملوش دعوة بالمنتدي الاعن طريق مشاركتين عمي وتعمله مشرف مادة دراسية
حصل معانا السنة اللي فاتت
النتيجة المشرف محدش كان بيشوفه علي المنتدي اساسا

لو عايز المفيد
المفروض تعمل انتر فيو وبعديم منه هتلاقي 5 من اصل عشرة ينفعوا مثلا في الاشراف وانت عايز واحد فتسيب الاختيار للاعضاء
مثال اخر انتوا لما عملتوا الاشراف الدراسي مين قالك اللي انتوا اخترتوه هيعرف يعمل علاقة ناجحة مع الباقي من الاعضاء
مثال مجرب منتصر السنة اللي فاتت كان ونعم المشرفين كانت علاقته كويسه جدا بالاعضاء عشان كده هتلاقي ان القسم بتاعه كان ناجح جدامع الاعضاء

وتاني حاجة هما ليه اخترعوا انتخابات عشان تعرف الناس كل واحد ممكن يقدم ايه ليهم
واحنا كطلاب مثلا عايزين محاضرات سكانر والمشرف ده عنده سكانر(انا بقول مثلا)
مثلا عايزين طالب يبقي ليه علاقة جيدة بالدكتور احنا اللي بنطلب واحنا اللي بنلاقي مش تعمل واحد ملوش دعوة بالمنتدي مشرف انا مش بتكلم عن حد بالخصوص بس انا بتكلم عن المبدأ؟!

Shatla

10-05-2009, 05:42 PM

Shatla

10-05-2009, 05:49 PM

حقول رأيى و محدش راح يزعل منى

شتلة و سعد الاتنين اصحابى عادى ^^

انتم الاتنين مكبرين الموضوع اوى اوى

يا جدعان المنتدى اه محتاج نظام لكن مننساش

انه بتاع دراسة و بس يعنى خلاص مش لازم

نظام و مقابلات و مواضيع انا اتصحلى فى الاسبوع

الأول من الدراسة دا ان فى ناس خلااااص عقلها اتاكل

تماما بالمنتدى و اللى عملوه فى الشهور الأخيرة

طبعا مجهود مقدره لكن زيادة اوى خلاص هو مش

الرايخ التالت يعنى xD حبيت بس أقول

رأيى و انكم يا ريت تخفو على نفسكم شوية انتم تعبانين كتير

بص يا كاشف مميزات المنتدي
عرفنا علي بعض
حملنا مسؤليه لما مسكنا اشراف
زاكرنا مع بعض عليه
تشاركنا باحزانا وافرحنا
تبادلنا خبرات اللي اكبر منك واللي اضغر
وغيره وغيره.........الخ

انا عامل الموضوع لسبب احنا دلوقتي كلنا قاعدين في شقة واحدة
المفروض نحاول نساعد بعضنا عشان تبقي اجمد شقة

وعلي فكرة يا كاشف المنتدي كل واحد شارك بحاجة فيه سواء مجهود او معلومة او اشرف وهكذا

Kamal

10-05-2009, 05:52 PM

طيب مبدأيا أعرفكم بنفسي .. أنا كمال محمد دفعة تالتة اتصالات .. مسئول الأقسام الدراسية وفرق الدعم الدراسي في المنتدي والقرار اللي حضرتك اتكلمت عنه قرار مشترك بيني وبين الفريق المسئول عن الاقسام الدراسية وهما كلهم اشخاص مجتهدين جدا ومعروفين بشكل كبير جدا وسط دفعاتهم ..

محمد عبد الحميد .. كهرباء ..
أسامة حسام .. ميكانيكا
محمد البحراوي .. مدني
أحمد سعيد .. عمارة .. وأحد الأعضاء النشطين جدا في الاتحاد

هرجعلك تاني ونتناقش شوية في الموضوع ده ايه عيوبه وايه مزاياه وليه عملنا كده .. وايه التجارب السابقة اللي خلتنا ما ناخدش الاتجاه ده ..

Shatla

10-08-2009, 02:05 PM

محدش رد عليا ؟؟!!

ReeVo

10-08-2009, 02:24 PM

انا كمان بأيد كلام شتلة في الموضوع ده
فعلا معاه حق
وبخصوص الاقتراح الأخراني بتاعه اقتراح حلو برضو

منتظرينك يا كمال

Mahmoud ABD el LATIF

10-08-2009, 07:11 PM

كيمو

فين تعيين الدعم الدراسي
احنا كدا متأخرين في المنهج

:)

Shatla

10-08-2009, 08:13 PM

انا كمان بأيد كلام شتلة في الموضوع ده
فعلا معاه حق
وبخصوص الاقتراح الأخراني بتاعه اقتراح حلو برضو

منتظرينك يا كمال

مع اني مش عارف انت قصدك علي اني اقتراح
لكن طالما قولت اسم شتله في الحوار يبقي بتتكلم صح
:^^::^^:

AhmedKashifSchrodinger

10-08-2009, 09:14 PM

ولا انت مش ناوى تجبها لبر D:

مش بتكلم على انها اجمل شقة

انت ليه اصلا مكبر الموضوع للدرجة دى

شوفو دا رأيى حبيت أخفف عنكم اللود الضخم دا

شوية و انت يا شتلة حقنعك مهما كان التمن

ReeVo

10-09-2009, 12:26 AM

أنا أقصد كلامك عن الاشراف يا شتلة اللي انت قولت انك معترض عليه بشكل كبير

Shatla

10-09-2009, 11:37 AM

ومازلت..

Shatla

10-09-2009, 06:15 PM

http://tell.fll.purdue.edu/JapanProj/FLClipart/Verbs/wait1.gif