Mohammed Abdel Hamid
12-24-2009, 11:10 PM
السلام عليكم يا شباب
طبعاً كلنا عرفنا الجدول الغريب اللي نزل لنا ده
الكلام ده حصل امبارح العصر تقريبا
المهم بعد ما شفت التوبيك اللي كان عمرو عامله
كلمت الدكتور محمود عبدالحميد في التليفون في ساعتها
بيني وبينكم أنا ماكنتش متوقع منه تجاوب بس الراجل قال لي تعالى لي بكرة الساعة 12:00
رحت له وريته الجدولين القديم و الجديد
قام قال لي :"النسخة اللي نازلة دي نهائية و الدكتورة هادية مضت؟"
قلت له أيوة
قام قال لي مبدئياً اعمل حسابك أنه صعب أوي أوي يتغير لدرجة تصل الى الاستحالة
و اداني ورقه منه بطلب مراجعة من ادارة الامتحانات و بعتني عى حد أنا أعرفه هناك
لا تتخيلوا أد ايه توقيع د/محمود بيفرق هناك :^^:
بعد ما رحت للراجل قال لي تلاقيكم قدمتوا طلب
فخليت الراجل دور في كل الطلبات اللي عنده و مالقاش حاجة بخصوص تالتة حاسبات (و ده كان شئ متوقع :^^::^^:)
قفال لي "مافيش حد من الدكاترة طلب التغيير؟"
أنا كنت قبل ما أنزل الكلية أساساً مكلم دكتور حسين و دكتور مصطفى و الاتنين مشكورين قالوا لي أنهم ماطلبوش حاجة و اننا نحط المكان وقت ما يعجبنا بس المهم نبلغهم بيه :^^::^^:
و أسامة كلم بشمهندس أحمد عبد الفتاح و اتأكد منه أن د/أيمن وهبة ماطلبش حاجة والمعاد مش فارق معاه
فأنا قلت له الكلام ده كله
قام قال لي أن الموضوع ده احتمال كبير يكون غلط من عندهم
و حاول يكلم الدكتور المسئول عن الجداول
بعد شوية الدكتور ده جه
و انا اتكلمت معاه و الراجل بصراحة متجاوب بشدة و قال لي أنه أساساً المفروض أن العميدة لما تمضي على الجدول يبقى قضي الأمر لكن احنا هانعمل اللي علينا
الكلام ده كنا وصلنا تقريباً للساعة 1:00
المهم الراجل اداني تليفونه و قال لي كلمني الساعة 3 كدة ولا حاجة
كان هايروح للدكتورة هادية و يقعد معاها
المهم كلمته و قال لي أن الرد الأخير هايكون يوم السبت الجاي
فأنا هاكلمه يوم السبت الجاي و أشوف ايه القصة و أقول لكم ان شاء الله
كل اللي في ايدينا دلوقتي هو ...... الدعاء
فربنا يسهل كدة
طيب ........
لو محصلش؟؟؟؟
بصوا يا شباب
أنتم أثقل و أكبر حجما و علماً من أن أي وضع في جدول الامتحانات يزعلكم أو يفرق معاكم في المذاكرة
و أدينا عرفنا من دلوقتي فنعمل حسابنا لحد ما ييجي لنا جديد .
حاجة كمان
مش هانقدر نعترض أوي عالموضوع ده لأن لو اعترضنا ممكن يرجعوا للائحة الأساسية اللي بتقول أنهم يحطوا جدول ثابت للكلية سواء امتحانات او محاضرات و يتكرر بنفس الترتيب على مر السنين
و ساعتها بجد هانتبهدل البهدلة اللي على حق ربنا
سواء جداول محاضرات أو امتحانات
الملخص:
محدش يحبط يا شباب خلاص قدر الله و ما شاء فعل
الموضوع ده كان غلطة من ادارة الامتحانات باعترافهم شخصياً
و فعلاً ماكانش لنا يد في الموضوع
و تأكدوا أننا عملنا كل ما يمكن عمله في الموضوع ده
و تأكدوا أن لو فيه أي حاجة ممكن تتعمل في أي وقت والله ما هانتأخر عليكم
حبيت بس أحكي لكم بتفصيل ممل شويتين:^^:لأنكم طرف في الموضوع و من حقكم تعرفوا اللي بيحصل
جزاكم الله خيرا و ........... دعواتكم
طبعاً كلنا عرفنا الجدول الغريب اللي نزل لنا ده
الكلام ده حصل امبارح العصر تقريبا
المهم بعد ما شفت التوبيك اللي كان عمرو عامله
كلمت الدكتور محمود عبدالحميد في التليفون في ساعتها
بيني وبينكم أنا ماكنتش متوقع منه تجاوب بس الراجل قال لي تعالى لي بكرة الساعة 12:00
رحت له وريته الجدولين القديم و الجديد
قام قال لي :"النسخة اللي نازلة دي نهائية و الدكتورة هادية مضت؟"
قلت له أيوة
قام قال لي مبدئياً اعمل حسابك أنه صعب أوي أوي يتغير لدرجة تصل الى الاستحالة
و اداني ورقه منه بطلب مراجعة من ادارة الامتحانات و بعتني عى حد أنا أعرفه هناك
لا تتخيلوا أد ايه توقيع د/محمود بيفرق هناك :^^:
بعد ما رحت للراجل قال لي تلاقيكم قدمتوا طلب
فخليت الراجل دور في كل الطلبات اللي عنده و مالقاش حاجة بخصوص تالتة حاسبات (و ده كان شئ متوقع :^^::^^:)
قفال لي "مافيش حد من الدكاترة طلب التغيير؟"
أنا كنت قبل ما أنزل الكلية أساساً مكلم دكتور حسين و دكتور مصطفى و الاتنين مشكورين قالوا لي أنهم ماطلبوش حاجة و اننا نحط المكان وقت ما يعجبنا بس المهم نبلغهم بيه :^^::^^:
و أسامة كلم بشمهندس أحمد عبد الفتاح و اتأكد منه أن د/أيمن وهبة ماطلبش حاجة والمعاد مش فارق معاه
فأنا قلت له الكلام ده كله
قام قال لي أن الموضوع ده احتمال كبير يكون غلط من عندهم
و حاول يكلم الدكتور المسئول عن الجداول
بعد شوية الدكتور ده جه
و انا اتكلمت معاه و الراجل بصراحة متجاوب بشدة و قال لي أنه أساساً المفروض أن العميدة لما تمضي على الجدول يبقى قضي الأمر لكن احنا هانعمل اللي علينا
الكلام ده كنا وصلنا تقريباً للساعة 1:00
المهم الراجل اداني تليفونه و قال لي كلمني الساعة 3 كدة ولا حاجة
كان هايروح للدكتورة هادية و يقعد معاها
المهم كلمته و قال لي أن الرد الأخير هايكون يوم السبت الجاي
فأنا هاكلمه يوم السبت الجاي و أشوف ايه القصة و أقول لكم ان شاء الله
كل اللي في ايدينا دلوقتي هو ...... الدعاء
فربنا يسهل كدة
طيب ........
لو محصلش؟؟؟؟
بصوا يا شباب
أنتم أثقل و أكبر حجما و علماً من أن أي وضع في جدول الامتحانات يزعلكم أو يفرق معاكم في المذاكرة
و أدينا عرفنا من دلوقتي فنعمل حسابنا لحد ما ييجي لنا جديد .
حاجة كمان
مش هانقدر نعترض أوي عالموضوع ده لأن لو اعترضنا ممكن يرجعوا للائحة الأساسية اللي بتقول أنهم يحطوا جدول ثابت للكلية سواء امتحانات او محاضرات و يتكرر بنفس الترتيب على مر السنين
و ساعتها بجد هانتبهدل البهدلة اللي على حق ربنا
سواء جداول محاضرات أو امتحانات
الملخص:
محدش يحبط يا شباب خلاص قدر الله و ما شاء فعل
الموضوع ده كان غلطة من ادارة الامتحانات باعترافهم شخصياً
و فعلاً ماكانش لنا يد في الموضوع
و تأكدوا أننا عملنا كل ما يمكن عمله في الموضوع ده
و تأكدوا أن لو فيه أي حاجة ممكن تتعمل في أي وقت والله ما هانتأخر عليكم
حبيت بس أحكي لكم بتفصيل ممل شويتين:^^:لأنكم طرف في الموضوع و من حقكم تعرفوا اللي بيحصل
جزاكم الله خيرا و ........... دعواتكم