المساعد الشخصي الرقمي

مشاهدة النسخة كاملة : عتاب إلى الدفعه وإلى اللمسؤلين عن الدفعه


amrtaha85
12-23-2009, 07:01 PM
أولا أنا فى منتهى الأسف والضيق مما حدث من تغيير الجدول دون الأعلان أو حتى التنبيه وكأن من غير الجدول هو ومن عاونه فقط هم الذين يدرسون بهذه الدفعه وأخيرا لمن غير الجدول ومن عااونه أقول لهم
حسبنا الله ونعما الوكيل
ثانيا كنت أتمنى أن يكون أول مشاركه لى هنا ان تكون أفضل من ذلك
أخيرا
(هذا لمحمد عبد الحميد وأسامه شريف)
أرجو تفعيل دوركم أكثر من ذلك أن كاان تغيير الجدول دون علمكم
أما ان كنتم تعرفون فهذا ليس له رد غير
:you::TT:
3obaid allah
12-23-2009, 07:13 PM
بص انا مش من حاسبات
بس تغير الجدول عشان يتم
لازم موافقه على الاقل نص الدفعه
معتقدش ان محمد و اسامه نص الدفعه
Mahmoud ABD el LATIF
12-23-2009, 07:18 PM
i think enak momken matkonsh 3ereft b gam3 al tawki33aaat

bs lw more than 60 % agree en el gadwal yetchange yeb2a 5alas fat 7adretak bs enak t agree or not bs makansh hayefre2



حلو العربي المكسر ده :^^:



و انا اثق في كفاءة محمد عبد الحميد في القيام بمثل هذه الامور
Saad Saleh
12-23-2009, 07:19 PM
أولا أنا فى منتهى الأسف والضيق مما حدث من تغيير الجدول دون الأعلان أو حتى التنبيه وكأن من غير الجدول هو ومن عاونه فقط هم الذين يدرسون بهذه الدفعه وأخيرا لمن غير الجدول ومن عااونه أقول لهم
حسبنا الله ونعما الوكيل
ثانيا كنت أتمنى أن يكون أول مشاركه لى هنا ان تكون أفضل من ذلك
أخيرا
(هذا لمحمد عبد الحميد وأسامه شريف)
أرجو تفعيل دوركم أكثر من ذلك أن كاان تغيير الجدول دون علمكم
أما ان كنتم تعرفون فهذا ليس له رد غير
:you::TT:




سبحان الله يا أخي ..
اسمحلي بعد إذنك يعني .. أرد عليك في لمحة عتاب من باب الإخوة يعني

سواء أسامة شريف أو محمد عبد الحميد فكلاهما بيبذل جهد غير طبيعي في خدمة بقية الناس سواء عن طريق المنتدى أو حتى قبل ما ينضمو لفريق عمل المنتدى


و كل واحد في دفعتنا عارف كويس جدا كل واحد من الناس دي جهده ايه , نسأل الله أن يتقبله و يجعله خالصا لوجهه

نقول اول ما يحصل موقف قدامنا نكون مش متأكدين مين اللي عمله و عمله ليه نقولهم

"حسبنا الله و نعم الوكيل"



أنا هرد بدالهم .. عشان حسيت إن الكلمة جت فيا انا

"ربنا يسامحك"




و لو على تغيير الجدول ..
انا اول مرة اشوف الجدول الجديد انهارده , و بما اني في إدارة المنتدى و بما اني اعرف محمد و قاعد معاه ليل و نهار في الكلية و اعرف اسامة و شغالين مع بعض في فريق واحد ..

انا اول مرة اعرف انهم هما اللي غيرو الجدول ..
و لو كانو سعو في كدا كنت عرفت





و على كل حال , مش فارقة سينا من سونيا :D

و مش شايف اي داعي للغضب





و سامحني لو كنت قلت كلمتين "شداد" شوية ..


و أهلا بيك عـ المنتدى و إن شاء الله متكنش آخر مشاركة

:):)
Mohammed Abdel Hamid
12-23-2009, 07:23 PM
أولا أنا فى منتهى الأسف والضيق مما حدث من تغيير الجدول دون الأعلان أو حتى التنبيه وكأن من غير الجدول هو ومن عاونه فقط هم الذين يدرسون بهذه الدفعه وأخيرا لمن غير الجدول ومن عااونه أقول لهم
حسبنا الله ونعما الوكيل
ثانيا كنت أتمنى أن يكون أول مشاركه لى هنا ان تكون أفضل من ذلك
أخيرا
(هذا لمحمد عبد الحميد وأسامه شريف)
أرجو تفعيل دوركم أكثر من ذلك أن كاان تغيير الجدول دون علمكم
أما ان كنتم تعرفون فهذا ليس له رد غير
:you::TT:

انا مقدر أنك في حالة غضب

بس الفكرة أنك مش متابع أساساً ايه اللي بيحصل

بدليل أن دي أول مشاركة لك

و الطبيعي أن لما الجدول ينزل نسخة مبدئية لو محدش طلب تعديلها بتفضل زي ما هي

حضرتك عاوزنا نكون متابعين أكتر

دي محتاج أعرف منك تتعمل ازاي ؟؟؟؟؟؟؟؟

و لعلمك

لو الأمور سهلة أوي كدة زي ما انت فاكر

يبقى انت ماتعرفش لما الجداول بتتغير ايه اللي بيحصل

الكلام ده عمري ما كنت أحب أقوله

بس معلش أصلك ماشفتش تغييرات الجداول السنة اللي فاتت بما أنك ماكنتش معانا في الدفعة السنة اللي فاتت

السنة اللي فاتت اتبهدلنا في التوقيعات و اللف على ادارة الامتحانات و غيره أنا و كمال و حسيني من قبلي

كان ممكن نستحمل غلط فينا شخصياً علشان مصلحة الناس

احنا السنة اللي فاتت مغيرين جداول الاتنين ميدتيرم و الاتنين فاينال برضاء الدفعة كلها

و لو كان الموضوع بمزاجي زي ما أنت بتقول

كنت غيرت جداول الكلية و جداول الامتحانات على حسب ظروفي

و بعيد عن أن ده مستحيل بقوانين الكلية

لكن مش هابهدل جدول بني آدم واحد (مش دفعة) علشان نفسي

أنا ممكن أكون وحش بس مش للدرجة دي

أرجو أنك تتأكد من كلامك و تكون متابع أساساً قبل ما تتهم حد اتهام زي ده

و زي ما سعد قال

يارب ماتكونش دي آخر مشاركة لك و أهلا بيك

لو كلامي بان غلس فأنا آسف
amrtaha85
12-23-2009, 08:18 PM
أولا أخى وحبيبى فى الله سعد
بجد أنا مبسوط من ردك جدا عشان حسيت فييه مدى حبك لمحمد و أسامه وكمان أن لما قلت حسبنا الله ونعما الوكيل والله ما كنت أقصد محمد أو أسامه بأى شىء لأن أنا شايف مدى أخلاصهم فى خدمة الدفعه ومقدره أما ان الكلمه انك حاسس انها جت فيك فأنا بعتذر بجد وأوعى تكون انك اللى غيرت الجدول


انا مقدر أنك في حالة غضب
جزاك الله خيرا
بس الفكرة أنك مش متابع أساساً ايه اللي بيحصل

بدليل أن دي أول مشاركة لك
لأ أنا متابع كويس أوى لكنى مش شايف حاجه تستهل أنى أرد فيه مش عشان المواضيع مش كويسه
لأ عشان بششوف ناس تانيه بترد أحسسن من اللى أنا هكتبه
و الطبيعي أن لما الجدول ينزل نسخة مبدئية لو محدش طلب تعديلها بتفضل زي ما هي
عارف
حضرتك عاوزنا نكون متابعين أكتر

دي محتاج أعرف منك تتعمل ازاي ؟؟؟؟؟؟؟؟
أولا معروف عشان الجدول يتغير لازم تجميع توقيعات الطلبه يعنى أكيد انتو شوفتو ورق بيعدى بالجدول اللجديد صح؟!
لو صح كان لازم تنبهه
طب لو غلط ديه بئه ياأما انتو مش بتحضروا وديه طبعا انا مستبعدها
ياأما الموضوع أتفبرك وفى الحاله ديه لازم نقدم ورق لأدارة الامتحانات ونلغى التغيير و لو ده طبعا هيكون فى ضرر لللناس اللى عملت كده يبئه خالص نسكت عشان منضرش حد
و لعلمك

لو الأمور سهلة أوي كدة زي ما انت فاكر
معلش انت مش عارف انت بتكلم مين عشان كده قلت كده





أانا محسن بيه يا بنى:^^:
يبقى انت ماتعرفش لما الجداول بتتغير ايه اللي بيحصل
بقولك أنا محسن بيه مش خايف:^^:
الكلام ده عمري ما كنت أحب أقوله
لأ أنا ديمقراطى قول اللى فى نفسك:^^:
بس معلش أصلك ماشفتش تغييرات الجداول السنة اللي فاتت بما أنك ماكنتش معانا في الدفعة السنة اللي فاتت

السنة اللي فاتت اتبهدلنا في التوقيعات و اللف على ادارة الامتحانات و غيره أنا و كمال و حسيني من قبلي

كان ممكن نستحمل غلط فينا شخصياً علشان مصلحة الناس

احنا السنة اللي فاتت مغيرين جداول الاتنين ميدتيرم و الاتنين فاينال برضاء الدفعة كلها

و لو كان الموضوع بمزاجي زي ما أنت بتقول
والله ظلمنى أنا ما قلتش ان الموضوع بمزاجك
كنت غيرت جداول الكلية و جداول الامتحانات على حسب ظروفي

و بعيد عن أن ده مستحيل بقوانين الكلية

لكن مش هابهدل جدول بني آدم واحد (مش دفعة) علشان نفسي

أنا ممكن أكون وحش بس مش للدرجة دي
أنا ما قلتش كده
أنا عارف أنك بنى أدم جميل جدا والله بحبك أنت وأسامه فى الله

أرجو أنك تتأكد من كلامك و تكون متابع أساساً قبل ما تتهم حد اتهام زي ده
ييا حبيبى راجع الرساله اللى كتبتها وانت تكتشف انى لم أتهمك انت او أسامه بتغيير الجدول
و زي ما سعد قال

يارب ماتكونش دي آخر مشاركة لك و أهلا بيك

لو كلامي بان غلس فأنا آسف
خد بالك عبيد الله قال عليك غلس:^^:
أما انا فبقول انك بنى أدم جميل
ييا محمد انا عارف كويس انك انت واسامه لم يكن لديكم يد فى تغيير الجدول لأنى كنت سألت أسامه يوم قبل الميدتيرم بتاع السوفت وكان رده عليا الجدول كده جميل هنسيبه زى ما هو وأكتشفت انه أتغير وشخص جميل زى أسامه لم ولن ولا أتوقع منه كذب أطلقا ده واحد من أعز الناس على قلبى فأكيد ان اللى غير الجدول لم يعلمكم ونفذ من تلاقاء نفسه عشان كده أنا بعتذر ليك أنت وأسامه ان كان فهم كلامى أنكم انتو اللى غيرته
وربنا يجزيكم خيرا كثيرا لمجهودكم الرائع
Ahmed El-Serafy
12-23-2009, 08:23 PM
مين قال اصلا ان اللي غير الجدول من الدفعة؟!
مش عارف حضرتك افترضت الجزء دا على اساس ايه... و بنيت عليه "عتابك"... ان صح اصلا اطلاق عليه كلمة "عتاب" للهجته!

عامة... لو الجدول كان اتغير برضا الدفعة... فدا حقها حتى لو قلة مش موافقين... و حتى لو في الحالة دي... مش من حق القلة انهم يتكلموا بالطريقة دي!

@اسامة و عبد الحميد: معلش، يكفيكم ان الدفعة كلها و معاها اتصالات و باور شايلالكم فضلكم عليها نفر نفر :)

=============================

الجدول بقى... ايه اللي حصل؟! :D

هوا احنا علشان ماعترضناش لازم يضايقونا؟!

يا ريت يبقى في مساعي اننا نغير ترتيب الجدول دا في نفس الاماكن... زي مثلا اننا نبدل الكنترول و الهاردوير :(
Mohammed Abdel Hamid
12-23-2009, 08:28 PM
أولا معروف عشان الجدول يتغير لازم تجميع توقيعات الطلبه يعنى أكيد انتو شوفتو ورق بيعدى بالجدول اللجديد صح؟!
لو صح كان لازم تنبهه
طب لو غلط ديه بئه ياأما انتو مش بتحضروا وديه طبعا انا مستبعدها
ياأما الموضوع أتفبرك وفى الحاله ديه لازم نقدم ورق لأدارة الامتحانات ونلغى التغيير و لو ده طبعا هيكون فى ضرر لللناس اللى عملت كده يبئه خالص نسكت عشان منضرش حد
أولاً (يا محسن بيه حفظاً للألقاب :D :D )

أنا أؤكد لك أن مافيش أي ورقة زي دي عدت في أي محاضرة ولا أي سكشن

كمان دفعتنا مش ناس ساذجة علشان أي حد يمضيهم على ورقة هما مش عارفين فيها ايه

و لو ورقة زي دي عدت

تأكد أني هاكون أنا اللي كاتب عنوانها و مسئول مسئولية كاملة عن محتواها و مجرى تنفيذها

القصة اللي كل الناس ماتعرفهاش بقى أن موضوع الجدول النسخة غير نهائية ده مش لينا احنا بس

ممكن يكون للدكاترة كمان

يعني ممكن يكون حد من الدكاترة حب يغير ميعاده


وكأن من غير الجدول هو ومن عاونه فقط هم الذين يدرسون بهذه الدفعه وأخيرا لمن غير الجدول ومن عااونه أقول لهم
بصراحة الجملة دي مش محتاجة تعليق

هو و من عاونه دي مش موجودة في دفعتنا أساساً

احنا طول عمر دفعتنا كلمتها واحدة

قصة بقى أن حد يعمل حاجة بينه و بين نفسه أياً كان مين

تأكد أني هاعرف قبل ما تتنفذ

و بغض النظر عن كدة

محدش هايعمل كدة لأن دي ناس محترمة

أنا بصراحة مش حابب الاتهام الخطير ده يتوجه لحد من دفعتي لأنه لو اتوجه لحد منهم يبقى اتوجه ليا

الكلام ده محصلش يا (محسن بيه :D :D )
3obaid allah
12-23-2009, 08:32 PM
مين قال اصلا ان اللي غير الجدول من الدفعة؟!
مش عارف حضرتك افترضت الجزء دا على اساس ايه... و بنيت عليه "عتابك"... ان صح اصلا اطلاق عليه كلمة "عتاب" للهجته!

عامة... لو الجدول كان اتغير برضا الدفعة... فدا حقها حتى لو قلة مش موافقين... و حتى لو في الحالة دي... مش من حق القلة انهم يتكلموا بالطريقة دي!

@اسامة و عبد الحميد: معلش، يكفيكم ان الدفعة كلها و معاها اتصالات و باور شايلالكم فضلكم عليها نفر نفر :)

=============================

الجدول بقى... ايه اللي حصل؟! :D

هوا احنا علشان ماعترضناش لازم يضايقونا؟!

يا ريت يبقى في مساعي اننا نغير ترتيب الجدول دا في نفس الاماكن... زي مثلا اننا نبدل الكنترول و الهاردوير :(


بعدين دفعه تالته كلها شيل جميل لمحمد

حد فاكر السنه اللى فاتت لما كرمناه مع بشمهندسه سوزان

انتو احرجتونى اوى يا جماعه :^^:
كان عسل
amrtaha85
12-23-2009, 08:42 PM
بص يامحمد (مش أسمك برضه ؟):^^:
ممكن يكون فى قله قليله مندسه بين الدفعه جت من السنه اللى فاتت أو من السنه اللى قبلها وهى اللى عملت كده أعترف علييها واانا هعتبرك شاهد ملك أاو شاهد وزير أو أى شاهد


وعموما
هل لديك أقول أخرى؟




أمضى على المحضر وأمشى دلوقتى
بس لازم تعرف أنت هتيجى تانى لو محدش من الطلبه أو تيت أو تييييييت أعترف وسعتها بئه مش هقولك هنعمل معاك أيه
:uu::uu::uu:
Mohammed Abdel Hamid
12-23-2009, 08:50 PM
بص يامحمد (مش أسمك برضه ؟):^^:
ممكن يكون فى قله قليله مندسه بين الدفعه جت من السنه اللى فاتت أو من السنه اللى قبلها وهى اللى عملت كده أعترف علييها واانا هعتبرك شاهد ملك أاو شاهد وزير أو أى شاهد


وعموما
هل لديك أقول أخرى؟




أمضى على المحضر وأمشى دلوقتى
بس لازم تعرف أنت هتيجى تانى لو محدش من الطلبه أو تيت أو تييييييت أعترف وسعتها بئه مش هقولك هنعمل معاك أيه
:uu::uu::uu:










الموضوع ده لو كان حصل

تأكد أني يوم ما حد يغير في الجدول (و الناس معتمدة عليا أني مندوب عنهم)

هاعتذر للناس دي واحد واحد

و ساعتها مش هاكون أستحق أني أكون ممثل للناس المحترمة دي و انا مش قادر أحقق أقل رغبة لهم
basoma
12-23-2009, 09:50 PM
وارد جدا يا بشمهندس الجدول يتغير طبقا لظروف الكلية...و الدكاترة ....و الاماكن......

اصل احنا متعودين عشان يحصل اى تغيير مبيبقاش بسهولة كده و بعدين محدش اعترض ع الجدول اصلا....مين بقى هيروح يغير الجدول من ورا الدفعة كلها؟!!!!

و ده ع اساس ان الكلية اول ما نقول غيروا الجدول هيلبوا طلبنا فى لمح البصر.........الموضوع بيحتاج شغل اكتر من كده و توقيعات ........و مفيش حاجة زى دى حصلت.......

و دى فرصة عشان اشكر م/اسامة و م/ محمد عشان تعبهم معانا و للأمانة هما قايميين بواجبهم و اكتر تجاه دفعتنا.....:)
Rahma
12-23-2009, 10:27 PM
السلام عليكم:
بغض النظر عن الكلام اللى اتقال والجدول ومش عارفة ايه ده انا عايزة أشكر الباشمهندس محمد عبد الحميد والباشمهندس أسامة جزيل الشكر على المجهود اللى بيبذلوه لمصلحة الدفعة كلها وبجد ربنا يجازيهم عنا كل خير ولو حصل فى اى موقف ايا كان حاجة مش عاجبانا "مع انه ما حصلش"الناس دى اخر ناس مفروض "نعاتبها" لان مجهودهم وحرصهم على مصلحة الناس تشفعلهم وبعدين شغلهم ده مهما كان فهو تطوع فى المقام الاول فربنا بجد يباركلهم ويجازيهم عنا كل خير.
amrtaha85
12-23-2009, 11:57 PM
أخيرا

فليعلم الجميع
أننى مقدر مجهود أسامه ومحمد
ودائما أقول ربنا يجزيكم كل خير
أما بالنسبه للمقوله ديه
(وكأن من غير الجدول هو ومن عاونه فقط هم الذين يدرسون بهذه الدفعه وأخيرا لمن غير الجدول ومن عااونه أقول لهم
حسبنا الله ونعما الوكيل)
لم أكن أقصد شخص بعينه أو طالب أو أى حد كل اللى كنت أقصده ان بالنسبه لى حدث شىء مش كويس فعبرت بكلمة حسبنا الله ونعم الوكيل ولم اكن أقصد إى شىء
أخيرا أعلموا انى أحمل لمحمد وأسامه والهيلبفول تيم وكل الدفعه كل تقدير


أيوه صحيح
محدش ينسى يوم السبت والاحد سيوافق يوم عاشوراء يعنى الكل ان شاء الله يجى الكليه صيام :^^::^^::^^: