ضايع/ه في الـ phase diagram ؟ تعالى واتعامل/ي

[M7MD'z]

بسم الله الرحمن الرحيم

بشرى سارة لكل طلبة الثانوية العامة .... صدر بالمكتبات كشكووول الأول .... فاكرين الاعلان دا ؟؟

خلينا في المهم

لكل اللي حاسس انه متسوح في الفيس دياجرام ... تعالى هنا ....
جه اليوم اللي ان شاء الله تفهم كل حاجة فيه !!!

بصراحة انا كنت ضايع فيه والله .... بس بعيدن قولت لا ... مش معقول المادة الوحيدة اللي بحبها كمان هتقع مني في الفهم !!! .... انا مش عارف المشكلة في ايه !!! وايه اللي مخلينا مش فاهمينه اكتر من 80 % من الدفعة مش فاهماه !!!

وانا قولت بقى يا انا يا هو .... يا قاتل يا قاتل .... " يا فاشل يا فاشل "

المهم اني قفشت الكتاب الابيض مع الاخضر ... وجبت اللاب توب كدة وظبطت الكلام على النت كمان !! وحلفت بالله لأفهم بقى !!!

والحمد لله التعب جه بفايدة ... انا كدة فاهم بنسبة 90 % من الـ phase diagram ... واوعدك ان شاء الله تفهم بنسبة 70 % بعد الكلام دا وإذا صحصحت وفتحت الجمجمة توصل للـ 90 % ان شاء الله ... طب والباقي ... الباقي دا يا سيدي هو المهم بقى ... الحل ... وانا قولت لـ د.راوية و م. احمد سيف ووعدوني يجيبولنا مسائل عشان التمرين عليها ان شاء الله

المهم ازاي بقى تفهم
-تجيب الكتاب بتاع د. الصباغ .
- تفتح على الصفحة اللي بقولها في الورق .
- تقرأ الكلام اللي انا كاتبه وتتابع على الرسمه ...
- افتح الكتاب الاخضر وحاول تطبق .

ان شاء الله تفهم حلو .... والله انا تعبت جدا في الورق دا عشان اعملهولكوا .... وبالذات عشان سببين .... خطي وحش في العربي ... واني اترجم كلامي للعربي !!!

اهم حاجة بقى فوق دا كله اللي هقوله

وانت بتذاكر كدة .... اول ما تفهم جزء كدة ... افرح وقول ..... ربنا يكرمك يا حمااااااااادة ..... كمان جزء .... قول ربنا يهديك ويصلح بالك يا ميدو ..... جزء زيادة .... قول ربنا يجازيك خير يا محمدز .... الخ الخ الخ .... ومتنساش اني حاولت الحقك وانت كنت ضايع فيها !! فمتبخلش عليا بالدعاء .... :^^:

دا الشرح بتاعي + ملاحظة كدة من م. احمد سيف ( اول ورقة ... بس سيبوها للآخر خالص )

اتفضلوا ... دا لينك الالبوم وسيفوة عندكو

http://s258.photobucket.com/albums/hh270/eagle1_1eye/phase/ (http://s258.photobucket.com/albums/hh270/eagle1_1eye/phase/)

[Eng.Sam]

ههههههههههه

تمام يا جميل ..

ربنا يكرمك يا ياسر .. سوري حمادة حمادة :p

حبيبي يا بمبو من قبل ما اشوفك :D

وربنا يستر وتكون شارح الحتة اللي واقعة مني ..

عشان انا معظم الفيس دياجرام الحمدلله معايا .. ماعدا سكشن واحد وقع مني دمرلي داات بيز الماتيريال كلها ..

اللي كان في ريبورت 6 ..

[Sakrawy]

انا مش عارف يا جماعة المشكلة فين بالظبط

انا بقعد في السكشن بقعد فاهم وكل حاجة اجي اتكوز معرفش احل المطلوب بالظبط

بس هي الصراحة مادة حلوة والفيز حلو بس هي سمعته سبقاه



:hurt::hurt::hurt:

[Shatla]

انا الفيس ديجرام ده كنت بحلة بصباع رجلية الصغير السنة اللي فاتت


































بس للاسف رجلي كانت منملة طول السنة
:D

[Eng.Sam]

ههههههههههههههههههههههههههههههههههههههههه

ايه اللي جابك يا شتلة .. دانا حاسس انك فاضي كاتر مننا :p

[som3aa]

الفيس دياجرام اللى بتدرسه شىء واللى بيجى فى امتحان اخر السنه شىء اخر

[M7MD'z]

يا شباب معلومة صغنونة ....
الشرح دا شرح الاساسيات !!!
advanced level لسه بعدين ... هنزلها مرة تانية ان شاء الله .... بس اما اخلصها بس

[NoHa SaLaH El-DiN]

جزاك الله خير يا حمـــــــــــادة ..شغل جاااامد ربنا يكرمك :)

[Shatla]

والله يا سامي لما تطلع تانية ان شاء الله
هتحس باللي احنا فيه
(ايموشن واحد بيعمل حاجة وحشة )

[eng.dark angle]

تسلم ايدك يا حماده

تسلم ايدك يا ميدو

تسلم ايدك يا بمبو

يخرب عقلك يا راجل ايه يا بني ده

خلصت كل الكلام والله

:D :D

هههههههههههههههههههههه

تسلم يا محمد باشا

[hady_hady]

ده سهل خالص اصلا.....بلاش تهريج....

[ENG. AHMED ATEF]

جزاك الله كل خير يا بشمهندس حماده
فعلا مجهود رائع منك
والف شكر يا مان

[m abdalhak]

انا لسه ما شوفتش حاجه بس اللى بيتعب لازم يتقاله شكرا يا حماده
وربنا يجعله فى ميزان حسناتك

[M7MD'z]

ده سهل خالص اصلا.....بلاش تهريج....


بجد ؟؟؟؟
ما شاء الله عليك والله !!!!

انا بعد ما فهمته بقول كدة بكن دل ميخليش انكر اني قبل ما افهمه كنت حاسس انه معضلة !!!

[Eng.Sam]

ههههههههههههههه

انت مش واخد بالك ولا ايه يا محمد ..

الفيس دياجرام دا انا بسخن بيه قبل ما بخش في اي مادة ..

هو بس محتاج شوية زيت عالوش و كله تمام :D

نفسي اشوفك يا جدع .. شكلك ........... و اكيد تعرف مصطفى فور ام .. :D

----

خير ..

وبالنسبة لبشمهندس هادي .. اكيد يا بيهزر يا بيتكلم على حاجة تانية :D ..

[hsha382]

انا مليش نفس ابدأ فيه
و معنديش مصدر تانى اذاكر منه
بس بما انى ضايع فيه
جارى التحميل

ربنا يكرمك يا حمادة :^^:

[M7MD'z]

نفسي اشوفك يا جدع .. شكلك ........... و اكيد تعرف مصطفى فور ام .. :D

----

خير ..


ههههههههههههههههههههههههههههههههههههه

شوف مين احلى 5 شباب في دفعتكوا ......... هتلاقيني مش منهم




دا لأني احلى منهم ... ^_^ .... شوفت وصفة سهلة ازاي !!!!

لا بجد لو تعرف مصطفى يعني خليه يشاورلك عليا :D

بس الصدمة على مسئوليتك بقى

انا بكرة موجود في السكشنين اللي مصطفى بيحضرهم ( الاولى والتانية )
ولو شوفت مصطفى النهاردة ( الجمعة ) .... انا كنت راشق جنبه طول اليوم ماشيين مع بعض

[M7MD'z]

انا مليش نفس ابدأ فيه
و معنديش مصدر تانى اذاكر منه
بس بما انى ضايع فيه
جارى التحميل

ربنا يكرمك يا حمادة :^^:



اعتمد على الله وعلى الورق دا من بعده .... بس حاول تبدأ دلوقت عشان تخلص منه وتركنه بقى وتركز في المذاكرة بتاع التيرم

[Eng.Sam]

ههههههههههههههههههههههههههههههههههههه

شوف مين احلى 5 شباب في دفعتكوا ......... هتلاقيني مش منهم




دا لأني احلى منهم ... ^_^ .... شوفت وصفة سهلة ازاي !!!!

لا بجد لو تعرف مصطفى يعني خليه يشاورلك عليا :D

بس الصدمة على مسئوليتك بقى

انا بكرة موجود في السكشنين اللي مصطفى بيحضرهم ( الاولى والتانية )
ولو شوفت مصطفى النهاردة ( الجمعة ) .... انا كنت راشق جنبه طول اليوم ماشيين مع بعض

هههههههه

حلاوتك ..

يبقى انت اللي ركبت العربية البيضة و كنت هتدوسنا :D

انت اللي ندهت مصطفى عشان هيروح معاك ولا لا ؟؟!!

انا وهيستا كنا في وش العربية و هيستا كان قاعد عالعربية وانا في وشه :D

[M7MD'z]

يبقى انت اللي ركبت العربية البيضة و كنت هتدوسنا :D

انت اللي ندهت مصطفى عشان هيروح معاك ولا لا ؟؟!!

انا وهيستا كنا في وش العربية و هيستا كان قاعد عالعربية وانا في وشه

as i told u
w7yat mamy ana