ورق دكتور تيسير

[m abdalhak]

يا جماعه انا عايز بعد اذنكو حد يكون عنده الورق كامل ينزله بنظام بدل الموضوع المثبت اللى نازل فيه المحاضرات بطريقه غريبه كده وعشوائيه ومحدش بيجدد حاجه واهو مثبت وخلاص يا ريت المشرف هنا يهتم بالموضوع ده بدل ما كل واحد عنده الورق بيديه لصحابه فى الكليه وخلاص على فلاشه ولا حاجه وتتحرق الناس اللى عالمنتدى دول:you::you::you:بجد حرام

[CrOcEvIa]

انزل جيبو من المكتبة
لان مافيش حد هيساعدك هنا
هنا منتدى اخبار وبس
زي الريحة المنتدى ده زي ريحة الاكل تشم بس ماتكلش
اي خبر في الكلية سواء اشاعه او حقيقة
تلاقي ريحته فاحت قوام هنا
انما ورق محاضرات
لازم انت الي تعملها بايدك
وادارة المنتدى السنادي مليون صفر على الشمال من ادارة السنين السابقة حتى ولو هي نفس الادارة

ومتاسف

[CrOcEvIa]

وده رائي الشخصي

[CrOcEvIa]

حتى الان لم اجد عضو واحد راضي عن المنتدى !!!

[CrOcEvIa]

ومش شايف اني قولت حاجة غلط
دي حقيقه
(( المنتدى ليس له اهمية سوا للاخبار فقط )) ..

[Ghost]

ومش شايف اني قولت حاجة غلط
دي حقيقه
(( المنتدى ليس له اهمية سوا للاخبار فقط )) ..


معااااااااااااااااك حق

[eng m.kottb]

ومش شايف اني قولت حاجة غلط
دي حقيقه
(( المنتدى ليس له اهمية سوا للاخبار فقط )) ..
صح

[M7MD'z]

انا معاك انه فعلاً بقى تعبان .... ومحتاج اللي يقوموا ... بس عايز اسأل حاجة !!! ... يعني سيبك من الإدارة وبتاع .... انت عملت ايه عشان يكون احسن !!!

حاولت تكون مفيد ولا عايز بس تكون مستفيد .... كل الناس عايزة تدخل تلاقي الحاجات اللي بتدور عليها جاهزة !!! اساساً احنا كان واحد بيدخل من دفعتنا !!! والله مش قليلين ... بس كام واحد بيشارك بقى ؟؟؟؟

كل واحد بيقول انا مالي ... انا مش بتكلم عليك شخصياً ... انا معرفش انت بتشارك ولا لا اساساً .... بس حاول انت تنشطة ... لأن دا بتاعنا احنا مش بتاع الإدارة !!! ... يعني لو كان جامد هيبقى لينا ولو وحش بردو لينا !!! شوف كدة تقدر تعمل ايه واعمله .... حد طلب حاجة رد .... حاول ...

وان شاء الله يبقى منتدى جاد لأن اكتر منتدى نايم على مستوى كل المنتديات هو 1 ميكانيكا !!! زي دفعته يعني

[Eng.Sam]

للاسف ..

بس عبده كان بيتشغل في الاول وبعد كدا نيمناه معانا :D

في حاجة عايزة تتظبط يا محمد ..

ايه هيا بقا ..!؟

الادارة ملهاش دعوة غير انها بتعين ناس تمسك القسم و تتابعهم من فترة لأخرى ..

ونبيل كان بينشط في الاول وكل حاجة بعد كدا نام هو كمان معانا :D

[hsha382]

العيب فى الدفعة :^^::^^:
احنا اللى نايمييييييييييييييين :zzz:

لو حد فيكوا شاف منتدى كهربا هيتصدم
عامل زى ميدان التحرير :^^:

منتدى نشيط بدرجة غير عادية

[CrOcEvIa]

انا معاك ياm7md'z (http://www.h3sonline.com/forums/member.php?u=229)
في كلامك بس زي ماقال سام انا كنت نشيط جدا بس انا وقفت نشاطي لاني حاسس اني بشتغل لوحدي
ومعترض على النظام
حتى الي كان بيشوف شغلة كويس اتشال من الاشراف
والمشرفين الباقين معرفش مش بيظهرو غير للاخبار

:: انا تعرف لما قولت ل(زيما) انت مش بتنزل محاضرات تكنولوجيا التشغل لييه قالي ايه ؟؟؟
قالي محدش قالي نزلها ومحدش بيسال عليها ؟؟؟
لما انا سالت عليها !!راح منزلها !!
وقلت ((لنبيل )) انا عايز انزل امتحنات وحلول امتحنات قالي ماينفعش
قلتله دي حلول امتحانات يعني حاجة عامة
قالي ماتنزلش او مش دلوقت !!
*مافيش تشجيع
بالزمة فيه كدا
ياجماعه اكيد كلنا شفنا منتدى اولى السنى الي فاتت
شوفوا الفرق

(( بس مازلت ااكد كلامي ان العيب الاول في الادارة )
::((لان المشرفين ليس على دراية كاملة بالمسؤلية ))::

[ZeMa.FeRRaRi]

ولا ولا ولا إيه يا عم الاتهامات دي كلها بس

المحاضرات وبنتزل وبنظام وكل حاجة .....بلاش تحوير بس يا جماعة
دي حاجة
الامتحانات تيجي تكلمني أنا مش نبيل مفروض أنا الأول بعد كده هو وأنا آخد رأيه كمان !!!!

لما إنت قلتلي فين المحاضرات نزلتها والكلام ده كان على المحاضرة االرابعة والخمسة :@:@:@:@:@
ركز يا عم إنت !!!! متظلمش بس كده وخلاص

وكمان إنت كنت نشيط بتعمل إيه في الأول أصلا !!!!! إنت كنت بتبقى على طول عايز عايز :D :D إيه يا عم !!!!

مفيش مرة كده لقيتك حطت حاجة كده ولا كده !!!!!

ساعدونا برده يا جماعة لازم أنتم تضيفه برده شوية حاجات كده :)

وأنا والله بحضر المحضرا مش بعرف أكتب إيه أصلا فيها :S:S أنتم مش بتحضروا ولا إيه :S:S:S:S:S

[ZeMa.FeRRaRi]

وعلى العموم لو أنتم شايفين تقصير من المشرفين ,,,,تقدروا بكل بساطة تعمله تقرير
ولو حتى فيَّ أنا

واللي شايف إنه هيفيد أكتر مني أو من أي حد من زميلي :)
أكيد هانواسعله طبعا

ومش هنسيبه برده....هنساعده وفي نفضل معاه

وياريت يا جماعة كلنا نشارك برده وكده يعني...احنا أصلا حوالي 20 واحد هم اللي بيخشوا :S:S

ومعلش لو كنت متنرفز أو غلط في حد وإن شاء الله هنبقى عند حسن ظنكم :) :)

[ZeMa.FeRRaRi]

عايزين نبدأ بقى الهمه كده

وهنبدأ بالإنتاج كمان إن شاء الله

عايز أشوف بقى الناس بتساعد مش بتطلب بس :D

ياريت يعني :)

[m abdalhak]

بص يا عم انت وهو انا معرفش ولا واحد فيكو خالص على فكره وانتو اكيد متعرفونيش انا بس كنت عايز اللى بينزل الورق ينزله علشان دى مش محاضرات اى حد يكتب واى حد ينزل ده ورق بيتاخد من ايد دكتور تيسير وبعدين المفروض انو بيوصل للدفعه كلها انتو بقى بتستسهلو وتصوروه من بعض مش عارف بقى المنتدى بيعمل ايه بقى ولا ايه لزمته ده غير ان الدكتور نفسه كان قايل ان الورق ينزل عالمنتدى كله فاكر ان اول ما هيطلع من ايده هيبقى عالمنتدى بعد ساعه ده اللى انا اعرفه واللى انا عايزه مش عارف بقى انتو دخلتو فى حودايه غريبه وقلبتوها خناقه وعملتوا زى الموظفين بتوع الحكومه كده ليه

[CrOcEvIa]

وكمان إنت كنت نشيط بتعمل إيه في الأول أصلا؟؟

يارجل مش بقولكم المنتدى نايم

[Ghost]

الحل هو تنزيل حلول و ورق شرح و كل حاجة
اللى عايز ينقل ينقل
و اللى عايز يتشقلب يتشقلب
و اللى عايز يذاكر يذاكر

أنا جيت أحل دليل الرياضة و مش عارف إجابات
روحت ماسح اللى أنا كاتبه و نقلت من المشرف

ثانيا المشرف كل حاجة لأ
بيقول "أسكت خالص" أو "لالالالا أنت بتستعبط"

قال يعنى لو الحلول منزلتش على المنتدى يبقى الدفعة هتنجح
هههههههههههههههههههههههههههههههه

قابلونى يا إدارة

و فى الختام
تبااااااااااااا
BullShit

[CrOcEvIa]

صح
المنتدى مش بيفيد باي شيء للطلاب غير الاخبار
والا الدارة عامله منع وضع الحلول للمنفعة فين المنفعة دي
فين المنفعه
ليه منساعدش بعض ونرفع الحلول اكيد في كتير ناس المنتدى الوسيلة الوحيدة لها الي بيقى مسافر ومثلا مش عارف يحل ريبورت او شيت يعمل ايه
حرام

حسبي الله ونعم الوكيل

[ramy]

fe3lan el montada aswa2 ma yakon
mesh bstafad meno ay ma3loma fel manhag
kolo a5bar , 3amel zay el nashra
bsra7a...
wgodo zay 3adamo
ya3ni ely 3ayez yn2ell sheet hyla2i 5amsin wa7ed yn2el meno
w 7lol el dalil betetba3 fel makateb
d tafkeer salby mn el edara

[M7MD'z]

رجالة
انا عن نفسي خدت قرار ... انا بحاول والله اعمل حاجة .... وممكن يكون في حد منكم متابع السلسة بتاعتي ... بس بردو دي بتيجي على حساب وقتي .... فمقدرش اعمل اكتر من كدة في المنتديات الدراسية ... وبردو يا شباب عشان اثبت حسن نيتي وان انا عايز فعلاً اعمل حاجة انا في خلال الاسبوع دا ان شاء الله هنزل شرح الـ phase diagram لكل الليس مش فاهمينه
وعد مني ان شاء الله تفهموه على الاقل بنسبة 70 % لأن انا نفسي مش قادر المه حلو !!!

[eng gogo]

محنا قولنا من الاول نساعد بعض ونرفع الحلول وكدة قالك لاة قولنا طيب نرفعها بعد ما تتصحح قالو ماشى ومفيش اى حاجة بتحصل منتدى عناوين وخلاص ومفيش مشاركات انا زهقت منة ومن الناس العيلنة اللى فية ومعاك يا عبد الحق فى كل حاجة قولتها والله والحل انك تنزل تجيبة من المكتبة وامرك لله بس ابقى كلمنى اروح معاك عشان انا عايزة وعجبى:boss:

[Ghost]

أنا بقترح نعمل منتدى جديد