الرد فى مشروع microsoft [الأرشيف] - منتدى هندسة عين شمس

Osama_Sherif

12-03-2009, 08:23 PM

أنا وصلني ميل الحمد لله

هيبقى فيه Meeting إن شاء الله مع Sandra Aldana، ودينا لاشين، ودكتور حسام
يوم الخميس الجاي 10-12 الساعة 6:00 AM ـ Pacific Time، يعني 16:00 PM على التوقيت بتاعنا (2+ GMT يعني 10+ Pacific)، يعني الساعة 4 مع بداية محاضرة الكنترول بالضبط ولمدة ساعتين، مش عارف بقى ايه العمل؟ وأشك إننا نقدر نغير مواعيد زي دي

الـMeeting هيكون من خلال Microsoft Office Live Meeting، وطبعا لازم يكون عندنا على الأقل الـClient بتاعه عشان نقدر نحضر الـMeeting ده، فنقدر ننزله من هنا
http://office.microsoft.com/en-us/help/HA101733831033.aspx

بعد ما نكون نزلنا البرنامج، نيجي وقت الاجتماع ندخل على اللينك اللي اتبعت لنا على الميل، أو يفضل قبلها بنص ساعة عشان التضبيط، وممكن ندخل في أي وقت عموما للتجربة

marwa shokry

12-03-2009, 08:45 PM

فى اول الايميل الدكتور كاتب لو فى اى مشكله ممكن نقوله

Eng.Basim

12-03-2009, 09:27 PM

Osama_Sherif

12-03-2009, 09:43 PM

فى اول الايميل الدكتور كاتب لو فى اى مشكله ممكن نقوله
ممكن نقول له لما نشوفه في المحاضرة ان شاء الله
او نبعت له ميل، انا ممكن ابعت له
ولو انه الظاهر بيبقى مشغول لدرجة إنه مش بيرد على ميلات، بعت له أسئلة مرتين كده ما ردش عليّ
هو بالعافية بيبعت لي السلايدز من غير ولا كلام ولا سلام عادة

تمام ... انا جربت موضوع الاوفيس لايف ميتينج واشتغل تمام .. بس ملاقيتش حد ''\
بس انت متأكد من موضوع التوقيت ده
يعني انت عامل الحسابات دي صح ؟؟
ده اللي انا اعرفه :D
يا ريت لو حد يؤكد كلامي ياجماعة

مش احنا نعتبر GMT+2
وSandra كاتبه إنه المعاد GMT-8
يعني نزود الـ8 ونزود الـ2
هو عموما بيننا وبين الـPacific ده 10 ساعات
ده اللي اعرفه من حسابات خسوف الشمس وكسوف القمر وظهور الكواكب :D، كانوا بيكتبوها في بعض المواقع المشهور بالـPacific وانا احولها للتوقيت بتاعنا

marwa shokry

12-03-2009, 10:36 PM

احنا لازم نتاكد من حكايه الميعاد ده

marwa shokry

12-03-2009, 10:50 PM

انا كمان دورت على حكايه الميعاد طلع زى ما بشمهندس اسامه قال فى نفس ميعاد المحاضره

Tarek.M.Hesham

12-04-2009, 01:51 PM

that's right GMT-8=PST(Pasific Time)....our time=GMT+2
:TT::TT::TT::TT::TT:
no mail arrived to me

Good Luck to everyone
Let Egypt be proud of you:):^^:

mai ahmed

12-05-2009, 06:31 PM

does it join the meeting now ? will u try for me. . cause I tried joining the meeting now and it says try later

Osama_Sherif

12-06-2009, 12:00 AM

أنا بعتت للدكتور أسأله على المعاد والمحاضرة
رد وقال لي

We will have the training once ...So please attend the training and apologize for your lecturer...فالظاهر اننا هنضطر نغيب عن محاضرة الكنترول الجاية ان شاء الله

does it join the meeting now ? will u try for me. . cause I tried joining the meeting now and it says try later
أنا دخلت دلوقتي، دخل عادي
أنا منزل عندي Microsoft Office Live Meeting Client، ودخلت باللينك اللي اتبعت لنا في الميل
فتح على طول الحمد لله
فيا ريت تتأكدي إن البرنامج عندك، أو جربي تاني دلوقتي

عموما Sandra بتقول انها هتكون موجودة قبل الاجتماع بنص ساعة، والدكتوربيقول بربع ساعة إن شاء الله
الفترة دي عشان نقعد نجرب فيها ونشوف الدنيا ماشية مع البرنامج ولا لا

Eng.Basim

12-06-2009, 12:21 AM

وانا برضو فتحته عادي علي فكرة .. وشغال تمام

marwa shokry

12-06-2009, 07:57 AM

يعنى مفيش اى احتمال لتغير الميعاد
من اولها كده ربنا يستر

mai ahmed

12-06-2009, 10:20 PM

شكرا هو اشتغل معايا خلاص ... بس انا عندى اقتراح تانى .. المفروض بما ان ده حاجة منظمة و تبع الجامعة برضة ممكن نستأذن الدكتور انه يأجل المحاضرة أو يعملها الاولى و التانية مثلا الاسبوع ده لانها هتبقى مهمة و دى قبل الميد تيرم يعنى ممكن يتكلم عن الامتحان و انا بصراحة عايزة احضرها انا حاسة انها مش فارقة معاكوا بس الطبيعى ان النشاطات متأثرش بالسلب على الدراسة .... ارجو الاهتمام و ممكن نخلى دكتور حسام يكلم الدكتور لانه هو المسئول

Osama_Sherif

12-07-2009, 01:12 AM

هو مش موضوع انه هاممنا ولا لا
الفكرة دلوقتي في التضحية بإحدى الحسنيين، المحاضرة، أو الـmeeting
بالنسبة لتغيير معاد المحاضرة فصعب بصراحة عشان اكتر من مشكلة
1- ما ينفعش احنا بعددنا البسيط ده نؤثر على مواعيد الدفعة كلها
2- مافيش مكان فاضي يقدر ياخدنا في الأولى ولا التانية ولا التالتة كمان يمكن

احنا ممكن نحاول نفكر في بديل للمحاضرة
تسجيل مثلا، صوت، أو فيديو، بالإضافة لورق الهلبفول تيم (ورق بشمهندسة نهى)
وساعتها أعتقد ممكن نطلب من الدكتور طلب زي ده
فإيه رأيكم؟

marwa shokry

12-07-2009, 10:02 AM

وكمان مننساش ان الدكتور مصطفى بياخد الغياب والموضوع ده مهم عنده بناءا على كلامه

mai ahmed

12-07-2009, 08:45 PM

انا موافقة على فكرة التسجيل بس يا ريت الدكتور يوافق

Mohammed Abdel Hamid

12-07-2009, 08:56 PM

أولا يا شباب التسجيل دي هاتكون نوع من أنواع العك مع دكتور مصطفى خصوصاً أنه مش بيرضى ينزل محاضراته في المكتبة أساساً

أنا بسهولة ممكن أكلم لكم دكتور مصطفى على قصة الغياب و هو مش هايكون عنده مشكلة بس جمعوا أساميكم و أنا أوديهاله في المحاضرة

Osama_Sherif

12-07-2009, 09:18 PM

هي المشكلة في حاجتين لا يقلوا أهمية عن بعض
1- الاستفادة من المحاضرة
2- الغياب

أعتقد لو استأذناه إننا نسجل المحاضرة دي فقط، وللناس بتوع المشروع ده فقط
ونقول له ان ده تبع دكتور حسام حسن ومش بإيدينا
أعتقد ده كلام منطقي، ودكتور مصطفى أتوقع إنه هيتفهم الوضع إن شاء الله، غير دكاترة تانية

لو ماكانش يبقى قدامنا حل من اتنين
1- نكلم دكتور حسام حسن يتوسط لنا عند دكتور مصطفى
2- هنعرف نتصرف احنا بقى ان شاء الله :D

marwa shokry

12-07-2009, 09:47 PM

ان شاء الله نتوصل لحل بكره مع دكتور حسام وربنا يسهلها ان شاء الله

Osama_Sherif

12-08-2009, 10:33 PM

وصلتني النهاردة رسالتين من دكتور حسام حسن، وأعتقد إنها اتبعتت لكل الناس المقبولين في المشروع

الأولى مش مهمة دلوقتي لأن Sandra الظاهر ردت عليه بعد كده، وده المهم

المهم إن الرسالة التانية قال فيها

OK GUYS
Sandra suggested that we can make the training early next week on Monday or Tuseday. For me, Monday is not working. So Tuseday at 4:00 PM will be OK for me. Let me know if that conflicts with anything you have. Otherwise, let us know your available times.
Thanks

فده شيء يحترم من الدكتور ومن Sandra بصراحة
وأنا أعتقد إن المعاد الجديد ده (الثلاثاء الساعة 4) مناسب لينا كلنا
احتمال أرد عليه وأقول له إن ده مناسب لينا كلنا ان شاء الله

Eng.Basim

12-08-2009, 10:54 PM

طيب مناسب ليا .. ان شاء الله يوم التلات 15/12 .. نستني تأكيد معظم الناس وبعد كدة واحد يبعت للدكتور يقولوا ..

mai ahmed

12-08-2009, 10:56 PM

خلاص يا جماعة وصلكوا الميل بتاع ان الميعاد يبقى التلات الجاى الساعة 4 ..... اعتقد ده مناسب لينا ولا ايه يا ريت يا اسامة تبعتلوا ايميل واحد بالنيابة عننا انه مناسب

Osama_Sherif

12-08-2009, 11:17 PM

طيب أنا مبدأيا بعتت للدكتور قلت له

Dear Dr. Hossam,
Thank you for your concern, and also special thanks to Sandra.
According to our time table we (3rd year CSE department) are free on Tuesday at 4:00 PM (GMT +2:00).
So, we are waiting for your confirmation.
Regards,
Osama Sherif.

الرسالة دي ممكن نعتبرها اتبعتت بصفة شخصية، وممكن لو تحبوا تعتبروها اتبعتت باسم الدفعة
لأن أنا قلت بس اننا مبدأيا وبناءً على الجدول ماعندناش حاجة في الوقت ده ان شاء الله
هل فيه حد عنده تعليق أو رأي آخر؟

بالمناسبة.. احتمال نقدر نخلي سكشن الـData Communication اليوم ده يبقى الثالثة إن شاء الله زي الأسبوع الدراسي قبل اللي فات
عشان الناس اللي عندهم سكشن يلحقوا يروحوا قبل الـmeeting بوقت كافي ان شاء الله
أنا لسه ما اعرفش الناس اللي كان عندهم سكشن النهاردة اتكلموا مع بشمهندسة دينا ولا لا، بس انا هابعت لها اسألها وارجع ابلغكم ان شاء الله

Mohammed Abdel Hamid

12-08-2009, 11:47 PM

السكشن احتمال يبقى التانية مش التالتة يا أسامة

الأسبوع الجاي مافيش سوفت وير أساساً

mar_essam

12-09-2009, 12:22 AM

يا جماعه بعد كده لو حصل تتعارض
انا ممكن اسجل ليكم المحاضره و احطها ليكم على siteبس ده لو الدكتور وافق حيكون
و ربنا يوفقكم

Osama_Sherif

12-09-2009, 01:10 AM

السكشن احتمال يبقى التانية مش التالتة يا أسامة
الأسبوع الجاي مافيش سوفت وير أساساً
اه بالضبط، بس ده حسب مواعيد البشمهندسة
عموما انا بعت لها اقول لها لو ينفع يبقى الثانية او الثالثة

يا جماعه بعد كده لو حصل تتعارض
انا ممكن اسجل ليكم المحاضره و احطها ليكم على siteبس ده لو الدكتور وافق حيكون
و ربنا يوفقكم
تمام كويس جدا
جزاكِ الله خيرا

marwa shokry

12-09-2009, 07:49 AM

الحمد لله المعاد كده جميل جدا خصوصا ان يوم التلات مفيش سوفت وير يعنى يعتبر معندناش الا محاضره واحده بس

marwa shokry

12-09-2009, 08:11 AM

انا بعت ايميل لدكتور حسام ومستنيه التأكيد

johnnyever

12-10-2009, 12:42 PM

طيب يا جماعة ، هو كده آخر كلام أيه ؟ مفيش النهاردة و هيبقى التلات ؟ كلنا اتبعتلنا أيميل بإنه هيبقى كده لكن حد اتبعتله تأكيد بكده و لا إحنا مش محتاجين تأكيد و كده كده مفيش النهاردة ؟
طلب تاني : لو حد اتبعتله أيميل يأكد موضوع التلات ده يقول يا جماعة
شكراً

حسن الهندساوي

12-12-2009, 09:19 PM

حصيله نتائج الأمتحان

Border Line ------->5
Border line pass--------->7
no pass----------->13
pass---------->22

لأ و ايه الreviews زي العسل

بالنسبالي

There are many spelling errors. Candidate doesn't seem familiar with the basic terminology used in the text.

NO PASS

طبعا

marwa shokry

12-12-2009, 09:21 PM

الكلام ده منين؟

marwa shokry

12-12-2009, 09:24 PM

حد جاله2 ايميل النهارده
انا عايزة اعرف لو فيهم حاجه ضروريه ؟اصلهم مليانين كلام متناقد

marwa shokry

12-12-2009, 09:26 PM

بالنسبه للى كان بيسال المعاد ان شاء الله الثلاثاء الساعه الرابعه

حسن الهندساوي

12-12-2009, 09:31 PM

الكلام ده منين؟

من ملف الاكسيل اللي اتبعت للناس الي pass

لكن معمول filter لو حد شال الfilter هيشوف كل النتائج و الreviews

Osama_Sherif

12-12-2009, 10:09 PM

marwa shokry

12-12-2009, 10:29 PM

ايه؟

Eng.Basim

12-12-2009, 10:44 PM

الايميل اللي جالنا بعنوان
Accepted: Translation Wiki - Logoport training‏
هو ده اللي يهمنا، وده اللي فيه المعاد الجديد

أما الايميل اللي بعنوان
Contract sent to sign for Ain Shams University‏
أعتقد ده اتبعت لنا بالخطأ، ومش عارف ايه احساس دكتور حسام لو عرف إنه اتبعت لنا بالخطأ :D
لأن فيه أسرار ما ينفعش تتبعت لنا، نتايج الناس، وكلام بينه وبين Sandra عن توقيع العقد وحاجات كده
هو أصلا ماكانش راضي يقول لي مين الناس اللي نجحت من دفعة حاسبات، يبقى هيبعت لنا تفاصيل كل الناس؟ أكيد لا

مش عارف بافكر أبعت له أنبهه
ولا ايه؟

احم .. طيب انا بعت اقول للدكتور الكلام ده المفروض نبقا عارفينه ولا لأ؟
وهل الايميل ده جالنا بالخطأ ولا لأ؟

وبعدين ده فيه طرف رابع اول مرة اسمع عنه اللي هوة الديركتور بتاع ساندرا ودينا
وفيه طرف خامس اللي هوة العميدة
شكله كان كلام شغل جامد ''\

Ahmed El-Serafy

12-13-2009, 12:07 AM

معلش... سؤال انا عارف انه سخيف و اجابته بديهية... بس خدوني على اد عقلي :D

انتوا ايه اللي مضايقكم بالظبط في ان الكلام دا وصلكوا؟

Osama_Sherif

12-15-2009, 07:28 AM

ما تنسوش بقى ياجماعة معاد الـMeeting النهاردة
المعاد الساعة 4:00
وأعتقد يفضل إننا نبدأ ندخل من 3:30 كده ولا حاجة عشان نستعد ونجرب ونكتشف أي حاجة ممكن تعطلنا بدري
إن شاء الله

هنحاول برضه نتعاون مع بعض من خلال الموضوع ده لو فيه حد عنده أي مشكلة إن شاء الله
وبالتوفيق للجميع
:)

Osama_Sherif

12-15-2009, 05:32 PM

ايه الكلام؟
مش عارف مش مبسوط أوي بصراحة

marwa shokry

12-15-2009, 05:40 PM

ليه كده بس ؟

Osama_Sherif

12-15-2009, 07:26 PM

مش حاسس الموضوع شيق اوي يعني

اولا فيه تأخير من ناحية دكتور حسام في إرسال البرنامج والـInstructions لينا قبل الـMeeting
ولما جه يبعت لنا الحاجة قال لنا لا تعالوا انتوا خدوها من بشمهندس عبد الرحمن مصلح، يعني مش هنقدر ناخد الحاجة قبل يوم السبت من الاخر
مش حاسس إن الدكتور مدي الموضوع الاهتمام المطلوب، بس الله أعلم، مش أنا اللي احكم على حاجة زي كده

ثانيا الراجل المغربي (Oumghar, Achraf) محاضرته كانت معقولة
بس لما تبقى محاضرة معقولة + احنا ما شفناش البرنامج قبل كده + مش هنقدر نجربه قبل يوم السبت، أكيد ممكن ننسى كل حاجة

ثالث انا عمال افكر ايه الاستفادة من الموضوع ده؟
عشان الواحد يرتب أولوياته، وعشان نبقى بنتكلم كلام عملي
أصل متوسط 3 ساعات يوميا ده مش حاجة بسيطة يعني

1- هل فيه استفادة علمية (تقنية)؟
2- أو هل فيه استفادة عملية (خبرات)؟
3- أو هل فيه على الأقل استفادة مادية حتى؟
ولا الواحد يشوف حاجات عنده تانية أولى؟

حتى الآن لسه الاستفادة مش واضحة قدامي

mai ahmed

12-15-2009, 08:44 PM

انا شايفة ان مفيش غير الاستفادة المادية و انك تكتب الموضوع فى ال cv و حتى دى معرفش ليها قيمة ولا لا لانها مجرد ترجمة. بس المشكلة فعلا ان الموضوع المفروض يبقى فى الاجازة و بعدين من كلام sadra انها ممكن تغير المواعيد و الاجازات لكن الدكتور اللى مش بيكلمها. يعنى هى واصلها ان امتحاناتنا فى شهر 2 و ده غلط و لما حد قالها ناخد 3 weeks break قالت اوكى . انا شايفة اننا ممكن ياما نطلب اجازة اكبر من كدة قبل الامتحانات و اثناءها يعنى مثلا اسبوعين قبل الامتحانات غير اسبوعين الامتحانات و نبقى نزود فترة الترم التانى ياما لو ينفع نخليها اصلا فى الصيف و انا حاسة انها اوكى بس الدكتور اللى مش مهتم اوى يطلب منها

marwa shokry

12-15-2009, 09:59 PM

خلاص ممكن نبعت لها هى على طول ولا الدكتور يزعل:wtt:زى موضوع المعاد اللى كان يوم الخميس واتغير اول لما قالنا قال لا وبعد كده 0000000000

Eng.Basim

12-15-2009, 10:05 PM

هيه الفكرة .. انه فيه عقد بعدد كلمات معين
يتسلم في فترة معينة ..وفيه تعهدات بالتسليم ده
والعميدة ماضية عليه والدكتور برضو
فالدكتور هيوافق علي اللي احنا عاوزينه بس بحدود برضو
-----------------
وبعدين هيه ليه ماتكلمتش في موضوع الفلوس
انا عارف ان ده مش من ضمن الاجندة .. بس احنا خلاص شغالين الاسبوع الجاي ومعرفناش ؟؟؟
ايه بقا !!

Eng.Basim

12-15-2009, 10:07 PM

بص يااسامة
هوة الخبرات هتبقا اول شهر
بالذات في موضوع انك تجرب اساليب الترجمة دي
وتاخد امكانيات السيرفرات بتاعة ميكروسوفت
وتجرب التتولز وبتاع

موضوع السي في ده جميل برضو
رغم انه احتمال ماناخدش سيرتفيكيشن اصلا

بس كلنا ماننكرش ان الفلوس هيه الاساس في الموضوع ده عندنا

mai ahmed

12-15-2009, 10:16 PM

خلاص يبقى اقل حاجة نطلبها هى اننا ناخد اسبوعين اجازة قبل 24 يناير و اسبوعين الامتحانات حتى لو ده هيزنقنا فى الاجازة احسن من اننا نتزنق فى الامتحانات.... ايه رأيكوا ؟

tamim_saied

12-15-2009, 11:44 PM

انا معاكو يا جماعه فى موضوع الاجازه ده و بشده
و ياريت نحاول نبعت لساندرا على طول

Osama_Sherif

12-16-2009, 03:05 AM

بالنسبة لموضوع الأجازة أعتقد صعب إننا نطلب أسبوعين قبل الامتحانات وأسبوعين أثناء الامتحانات، مع مراعاة إننا مش هنبدأ قبل أسبوع يمكن من دلوقتي نظرا لتأخر البرامج وانتظار توزيع الدكتور للشغل علينا
لكن فكرة 3 أسابيع دي (1 قبل و2 أثناء) شايفها فكرة معقولة شوية

بالنسبة للكلام مع ساندرا مباشرة أعتقد ده يبقى خطأ كبير
ما ينفعش نتخطى المدير المباشر لينا اللي هو الدكتور

لو نتكلم عن الاستفادة بقى
1- بالنسبة للاستفادة العلمية مافيش، مافيش معلومة جديدة هاستفيدها من الحوار
2- بالنسبة للاستفادة العملية أنا كنت متخيل إني هاخد خبرة من الشغل مع Microsoft، طلع الحوار برنامج، ومش عارفين كيفية التعامل مع البرنامج بشكل كامل يعني، وبنعمل click على الكلمة اللي مسموح لنا نعدل فيها بس، وخلاص على كده، قد تكون الاستفادة الوحيدة هنا إننا ممكن نقوم رازعينها في الـCV بتاعنا عشان تنور كده إن شاء الله :D
3- بالنسبة للاستفادة المادية، شكلها كده مافيش :D، ساندرا بتقول احنا جايبينكم عشان هيبقى Expensive إننا نجيب مترجمين، وقشطة بقى نستعين بالطلبة، ومشروع "Wiki" وبتاع
شكلهم فاكريننا فاضيين وبيشغلوا وقت فراغنا وخلاص :D، وترجع تقول لنا هناخد أجازة في الامتحانات عشان أنا عارفة إن المذاكرة مهمة بالنسبة لكم :D

Osama_Sherif

12-16-2009, 03:08 AM

الله أعلم، يمكن تكون الصورة اللي عندي مش مضبوطة خالص، بس أتمنى إن حد يوضحها لنا كويس
يمكن نحاول نستفسر من الدكتور عن طريق الميل (وإن كان مش بيرد عادةً) أو نشوف بشمندس عبد الرحمن مصلح

بالمناسبة، أنا فتحت Live Meeting Recording Manager عشان اشوف الفيديو اللي اتسجل، مش المفروض ان الـMeeting يكون اتسجل؟
مش ظاهر عندي حاجة، ايه النظام بقى الواحد كان المفروض يسجل ازاي؟ او حد عنده تسجيل للـMeeting ده؟

mai ahmed

12-16-2009, 10:20 AM

about the meeting being recorded I asked sandra and she said she is recording it and will send it to the dr and he should send it to us ...
about the 4 weeks break thing , we should ask first b4 assuming it would be hard. sandra said we can totally be flexible this means it wouldnt matter with her another additional week than the one she already agreed upon.

Osama_Sherif

12-16-2009, 03:31 PM

هي هتبعتها للدكتور الأول !!
يبقى قدامنا مدة على ما نقدر نوصل لها

بالنسبة للأجازة، وكذلك موضوع الاستفادة، بافكر ابعت للدكتور ميل فيه السؤالين دول
ونشوف هيقول ايه

Ahmed El-Serafy

12-16-2009, 03:44 PM

طب ما نبعتلها نقولها تبعتلنا مع الدكتور بالمرة!

بدل ما كل حاجة بتتأخر كدا...

و بعدين ايه الحاجات اللي وصلت للدكتور من ساندرا سواء بايملات او بلينكات و مش عارف يعملهالنا forward؟!!

و كمان الاستاذ عبد الرحمن... هوا نفسه مش عارف مواعيده! يعني هناخد منه الحاجة امتى؟

الكبير بيأخر و يرمي على الأقل منه على امل انه هيعمل الشغل مظبوط 100% و اللي اقل منه نفس النظام... و اللي في آخر السلسلة هوا اللي يدبس في الآخر :S... و بعدين يعني؟!!!

و اكيد الدكتور مش هيبقى عايز حاجة تتأجل للصيف علشان اكيد مش هيبقى فاضيلنا في الصيف :)

بالنسبة للاستفادة يا اسامة... فهيا فعلا المادية و الـ CV... المفروض تبقى عارف كدا من الأول :D

بالنسبة بقى للاستفادة المادية... عايزين نعرف راسنا من رجلينا فيها! هتبقى قد ايه بالظبط؟ و امتى؟ و ايه يضمنهالنا؟ :)

Eng.Basim

12-16-2009, 04:13 PM

احم .. روحت لعبد الرحمن النهاردة
واخدت منه الحاجات .. علي فكرة بشمهندس شكله طيب جداا ومحترم اوي .
المهم انا اخدت منه الحاجات .. هوة ايه المشكلة اني ارفعهم مثلا واحط لينك او ابعت Forward لكل الناس علي الميل !!

وسألت بشمهندس عبد الرحمن عن موضوع الفلوس
قالي انه الكلية مضتت عقد وسواء ساندرا قالت فيه او مفيش .. فالعقد اتمضي خلاص
والكلية والعميدة والدكتور والريفيورز واحنا
كل دول ليهم فلوس
كام بالظبط ؟؟ المفروض الدكتور عارف
ليه مقالناش بقا !!

Ahmed El-Serafy

12-16-2009, 04:17 PM

طب ما تعملهم يا باسم... :)

Eng.Basim

12-16-2009, 04:40 PM

اوك هرفعهم علي ميديا فاير
حبة كدة

Osama_Sherif

12-16-2009, 04:48 PM

طيب جميل جدا، في انتظار الملفات باسم باشا

وانا هابعت للدكتور إن شاء الله أسأله على 4 حاجات
1- الأجازة
2- الماديات :D
3- كيفية توزيع الشغل، عشان الدنيا لسه عايمة خالص
4- يـforward لنا الفيديو بتاع ساندرا

نفسي كمان نتجمع كلنا في مكان واحد، المشروع دلوقتي فيه ناس في تانية وتالتة ورابعة وخريجين
لو يبقى لنا جروب ع الفيس بوك، أو سب فورم هنا، أو أي حاجة تجمعنا، عشان التعاون بيننا يبقى أسهل
إيه رأيكم في حاجة زي كده؟ وكيفية تنفيذها؟

Eng.Basim

12-16-2009, 05:35 PM

طيب هوة انا كنسلت الرفع وانا في نصه للاسباب الاتية :
اولا فيه كل الباسوردات بتاعتنا ..ومينفعش يترفع علي حاجة عامة

2 - فيه فايل يخص كل واحد فينا
مكتوب ايه الفايلات الxlz
اللي علي كل واحد يترجمها (هتتخضوا اما تشوفوا عددها علي فكرة)

3 - فيه حاجات مشتركة بصراحة
بس مش هينفع تجربها من غير الفايلات بتاعتك
فعشان كدة احسن كل واحد يروح ياخد كل فايلاته

وللاسف الميل مش هيرضي يرفع حوالي 25 ميجا
عشان كدة للاسف الدكتور معرفش يبعتهلنا
------------------
@ اسامة فكرة كويسة جدا
اكيد فيه حاجات هنكتشفها واحنا شغالين ممكن نساعد بعض بيها
فيه حاجات عاوزين نعرفها
المفروض يبقالنا حاجة علي فكرة غير الميلات
احنا ممكن نطلب من ساندرا او من الدكتور حاجة زي كدة .. ممكن تدينا forum من بتوع ميكروسوفت نتقابل فيهم :d

Osama_Sherif

12-16-2009, 06:15 PM

انا مش عارف ايه بالضبط الحاجات اللي عندك
بس عموما الملفات الخاصة اللي عليها باسووردات او تقسيمة الشغل او كده ممكن ناخدها منك عن طريق السايت هنا
الباقي لو ينفع يترفع يبقى كويس

Ahmed El-Serafy

12-16-2009, 07:37 PM

google groups laziza :)

Ahmed El-Serafy

12-16-2009, 08:35 PM

25 جيجا؟!!!!
الرقم لسة مسمع في دماغي دلوقتي! :D
المهم يعني... اجيبهم منين دول؟!
كدا لازم آخد مقدم الأول! :D

marwa shokry

12-16-2009, 10:36 PM

ايوة عايزين مكان نتجمع فيه انا كنت هقول كده بس نسيت ؟

Eng.Basim

12-17-2009, 11:05 AM

25 جيجا؟!!!!
الرقم لسة مسمع في دماغي دلوقتي! :D
المهم يعني... اجيبهم منين دول؟!
كدا لازم آخد مقدم الأول! :D
ميجا .. انا كاتب ميجا .. انت شككتني في نفسي :D

امم .. طيب وليه منطلبش sub forum لينا هنا في المنتدي .. او من ميكروسوفت تجيبلنا حاجة نتجمع فيها ؟؟

Ahmed El-Serafy

12-17-2009, 02:23 PM

احم...! :D
ماشي... :)

طب و دول كبار اوي على ان الدكتور يعملهم upload؟!! ماشي :)

باقولك يا باسم... ما تخليك جدع و تحطهم في فايل rar بباسوورد و تحطه على mediafire و تبعتلنا اللينك و الباسوورد على الميل :D

طالما انت قلقان من موضوع الملفات اللي شايفها المفروض متبقاش على العام كدا :)

a.m.nour

12-19-2009, 04:46 PM

السلام عليكم,

دز حسام بعتلى e-mail يوم الخميس انى أنضم لمشروع ميكروسوفت و مستنى ردى انا رديت عليه ان ماعنديش مشكلة ان شاء الله بس هو مدانيش أى تفاصيل عن الموضوع ممكن بس أعرف انتوا عملتوا ايه لحد دلوقتى و ايه حايصل بعد كدة؟

شكرا :)

Osama_Sherif

12-19-2009, 06:27 PM

مبروك يا ريس
:)
اللي حصل حتى الان كالاتي
* عملنا Meeting مع ساندرا (واحدة من مايكروسوفت) وواحد مغربي قعد يشرح لنا كيفية العامل مع الـtool بتاعت الترجمة
* احنا مستنيين الدكتور يبعت لنا فيديو الـMeeting ده عشان الناس تشوفه
* كل واحد يروح لبشمهندس عبد الرحمن في الدور التالت 308 (جنب معمل الـDSL تقريبا) عشان ياخد الملف اللي باسمه وعليه الملفات اللي المفروض يترجمها
* عملنا Google Group لينا عشان نبقى مع بعض اول بأول وفيه اخبار بسيطة كده اتضافت هناك
* "المفروووض" اننا نبدأ النهاردة.. بس لسه الدنيا هلامية شوية

بس كده تقريبا

a.m.nour

12-19-2009, 08:34 PM

شكرا جزيلا ,

إن شاء الله بكرة أروح للبشمهندس عشان اأكد معاه و هألكوم آخر الأخبار .

marwa shokry

12-19-2009, 10:03 PM

فين الجروب دى انا معرفش حاجه عنها

Ahmed El-Serafy

12-19-2009, 10:07 PM

المفروض ان شاء الله توصل لكل الناس اللي مكتوبة accepted في الـ excel sheet اللي كانت وصلتلنا :)

Osama_Sherif

12-19-2009, 10:20 PM

انا عملت invitation لبعض الناس اللي ايميلاتهم كانت ظاهرة لما الدكتور كان بيبعت لنا حاجة
منهم الميل بتاعك يا بشمهندسة مروة
فراجعي الميل بتاعك

Osama_Sherif

12-19-2009, 10:26 PM

المفروض ان شاء الله توصل لكل الناس اللي مكتوبة accepted في الـ excel sheet اللي كانت وصلتلنا :)
هو انت عملت invite لحد يا حمادة؟
عموما خلي بالك عشان احنا بندخل الناس بحرص شوية :D
عشان غالبا دي جروب هتكون لينا كطلبة فقط إن شاء الله

Ahmed El-Serafy

12-19-2009, 10:31 PM

لع... انا مليش اني اعمل invitation لحد...

انا بس دخلت الايميل التاني بتاعي... و شيلت الايميل اللي انت كنت عامل عليه في الأول... للتنظيم عندي مش اكتر...

و يا ريت فعلا يكون منغلق علينا كطلبة... :)

doda5k

12-20-2009, 02:01 AM

2na mglysh 7aga

Ahmed El-Serafy

12-20-2009, 03:15 AM

اوك... نشوف الموضوع دا بكرة ان شاء الله :)
علشان نلحق نتفق قبل يوم التلات...

Ahmed El-Serafy

12-20-2009, 03:17 AM

ضروري جدا يا اسامة تشوف ايميلك قبل ما تعمل اي حاجة :D

Osama_Sherif

12-20-2009, 09:29 AM

هل فيه حد تاني يا جماعة لسه ما وصلوش ميل من الجروب؟

marwa shokry

12-20-2009, 08:04 PM

انا وصلتنى الدعوه شكرا يا بشمهندس اسامه

johnnyever

12-21-2009, 10:39 PM

doda5k

12-21-2009, 10:48 PM

2na galy invitation bs lesa mglysh men Google el activation mail

Osama_Sherif

12-21-2009, 11:09 PM

يا جماعة ، لو فيه حد عنده برنامج ال ar-sa اللي بنرفقه للبرنامج عشان الترجمة ياريت يرفعه لحسن ساندرا قالت إنها هتبعته للدكتور و الدكتور أعتقد إنه قال إنه إداه للبشمهندس عبد الرحمن و لما أنا أخدت منه الحاجة ملقتش الفايل ده مع إنه مهم فياريت رجاء للي عنده ال ar-sa يرفعه بسرعة عشان نعرف ننزله
الحقيقة أنا مش واخد بالي ملف ايه اللي انت بتقول عليه
بس انا بدأت النهاردة ترجمة وشغال كويس الحمد لله من غير برامج إضافية ولا حاجة
لو لسه فيه مشكلة اكتبها في الجروب بتاعنا فيه عدد أكبر هناك يقدروا يجاوبوك ان شاء الله

2na galy invitation bs lesa mglysh men Google el activation mail
الايميل بتاعك موجود في الجروب مع الناس اللي اتبعت لهم invitation، والمفروض اننا مستنيينك لما تـaccept الـinvitation
فياريت ترجع للـinvitation اللي جالك، ودور على اللينك بتاع الـAcceptance
لو ما نفعش، حاول تتبع الخطوات اللي موجود في الميل بتاع الـinvitation، عشان تسجل في الجروب بالميل بتاعك
احنا في انتظارك

a.m.nour

12-21-2009, 11:35 PM

شباب اللى اتبعتلهم متأخر يأكدوا بكرة مع الدكتور عشان انا رحت انهاردة لبشمهندس عبد الرحمن و اسمى ماكانش عنده فى الsheet و قالى اأكد مع الدكتور

Ahmed El-Serafy

12-22-2009, 12:08 AM

شباب اللى اتبعتلهم متأخر يأكدوا بكرة مع الدكتور عشان انا رحت انهاردة لبشمهندس عبد الرحمن و اسمى ماكانش عنده فى الsheet و قالى اأكد مع الدكتور
الـ م/ عبد الرحمن بيفتح excel sheet كانت وصلت على الايميل

لكن حضرتك اسمك مكتوب في excel sheet تانية اللي فيها الـ accounts اللي اتعملت للناس فعلا...

a.m.nour

12-22-2009, 12:50 AM

Thanx soooo much :)

zerocool2510

12-22-2009, 04:01 PM

ممكن حد يبعتلى ال invitation تانى ؟؟؟؟

marwa shokry

12-22-2009, 07:57 PM

ممكن حد يبعتلى ال invitation تانى ؟؟؟؟

انا جيت اعمل اضافه قاللى ده عضو سابق :you:

Ahmed El-Serafy

12-22-2009, 08:48 PM

طيب يا ريت الناس تجرب تمسح الـ cookies و تجرب تدخل تاني من اللينك اللي كان اتبعت في الايميل اللي بعته محمود عدلي

النهاردة في واحد كان عنده المشكلة دي و اتحلت الحمد لله :)

@شادي: ايميلك موجود فعلا انك داخل الجروب...
ايه النظام؟ دخلت ولا لسة؟
لو لسة يا ريت تجرب تعمل اللي فوق دا