ممكن اعرف ليه [الأرشيف] - منتدى هندسة عين شمس

مشاهدة النسخة كاملة : ممكن اعرف ليه

Bim Bim

11-29-2009, 04:20 AM

السلام عليكم ,

مبدائيا يا شباب انا عايز اعرف حاجة , معلش يعني , ايه ده ,

http://img694.imageshack.us/img694/4088/17590599.jpg

http://img410.imageshack.us/img410/240/27477814.jpg

http://img694.imageshack.us/img694/796/76387416.jpg

http://img228.imageshack.us/img228/4003/58963513.jpg

http://img686.imageshack.us/img686/9195/82341873.jpg

http://img228.imageshack.us/img228/8008/35859836.jpg

http://img134.imageshack.us/img134/3852/65983751.jpg

http://img686.imageshack.us/img686/9948/58526144.jpg

http://img341.imageshack.us/img341/2268/45484588.jpg

ياريت بقي حد يقولنا ده ليه وعلشان ايه ,

يعني انا كنت عايز اكتب في بروفايل البشمهندس ومعرفتش ,
علشان كده عملت الموضوع ده ,

ثانيا ,

انا عايز اعرف ايه هي حكاية ان كل مشرف مش عاجبه رد او موضوع يقوم قافله او معدله ,

اعتقد الحكاية دي مش كويسة , مش كل مشرف معاه صلاحيتين زيادة يقوم يستخدمهم في اي حاجة كده ,

كل شوية موضوع يتقفل وردود تتعدل بدون سبب ,

ايه من القوانين المنتدي اللي بيمنع ان الناس تشارك وتلعب في قسم خمسة فرفشة , اللي المنتدي مخصصه علشان كده , ايه الغلط يعني ,

الموضوع وصل ل 30 صفحة مثلا ,

ايه من القوانين يمنع يعني ,

طيب متقفلوا القسم ده خالص بقي احسن ,

وبعدين مش كل كلمة تتقال في المنتدي تتعتبر اختلاط وكلام من ده , الناس بتتكلم عادي علي فكرة , علي طبيعتها يعني وممكن الكلام ميكنش مقصود ,

اعتقد حكاية حذف المشاركات وقفل الموضوعات دي مستفزة ومش كوسية , ياريت يبقي في تنبيه عالخاص علي الاقل , وياريت كمان يتقال ايه قانون المنتدي اللي انا تخطيته ,

علشان العملية متبقاش كده علي حسب مزاج الاشخاص يعني ,

انا عن نفسي اتخذف ليا مشاركات ومواضيع بخصوص ماتش مصر والجزاير بدون ابلاغي وبدون ذكر سبب , وفي الكلية المشرف يقول اصل انت بتعمل شحن للي موجودين في المنتدي , عالرغم من ان كل المواضيع كانت منقولة وموجودة في الدنيا كلها ,

في النهاية انا بس عايز اقول حاجة للادارة ياريت تاخد بالها من الحكاية دي ويبقي في رقابة اكتر من كده , ولو ممكن تمنع الصلاحيات دي عن المشرفين اصلا و ده لان في استخدام مش كويس للصلاحيات دي ,

وياريت كمان مش اي موضوع صغير , نكبره ونعمل فيها حكاية , كده مش هنخلص , والعملية كده هتبقي اوفر وكمان هتبقي رخمة اوي ,

عايزين المنتدي يفضل كويس زي مكان في السنين اللي فاتت وان شاء الله يستمر علي كده ,

انا اسف , ممكن الاسلوب يكون حاد شوية , بس بجد موضوع يضايق , ياريت حل من الادارة و منتظر الرد ,

وشكرا للجميع.....

Bim Bim

11-29-2009, 02:43 PM

........................

вutterғly ⊱ї⊰ omηia

11-29-2009, 02:57 PM

انا هعلق بس على حته الصفحه الى بتظهر دى عند البشمهندس على عشان باقى الموضوع انتوا عارفين رأيى فى كويس اوى

لسه دخله بروفيله حالا حبيت اجرب

بس نرفزنى والله:^^:

لما قالى بعد خمس دقايق دى اتعصبت على الماوس

هههههههههههههههه

انا عاوزه من دا''\

المهم يا بمبم هى حريه شخصيه يعنى هو حر فى بروفيله

لو عاوز تكتب حاجه هناك مافيش مشاكل تنح قدام الصفحه دى وادخل:^^:

بس حلوه كلمهه عاوز ايه من بروفيلى هتعمل ايه يعنى

خلاص ادخل البروفيل مادام هتموت عليه كده

ضحكتنى اوى

Bim Bim

11-29-2009, 03:13 PM

مش ده الموضوع الاساسي علي فكرة , دي بس حاجة انا لاحظاتها بعد قفل الموضوع بتاع خمسة فرفشة امبارح وكنت عايز اتكلم معاه واساله ايه وجهه النظر في ده يعني , واخدت بالي من الحكاية دي , اظن ملهاش اي لازمة , وحاجة مستفزة اصلا ,

اللي عايز اوضحه بس هو سوء استخدام الصلاحيات الموجودة عند المشرفين , يعني ايه مش عارف ادخل علي بروفايله علشان اكتب له رسالة ولا اساله عن حاجة , ليه يعني ,

وليه يتفقل مواضيع وتتعدل ردود كده من غير ابلاغ العضو اللي عامل الموضوع ده , ومن غير ما يتقال ايه السبب ,

فين قوانين المنتدي اللي المشرفين ماشين عليها , ولا كل واحد ماشي بدماغه , وبالقوانين بتاعته ,

هي دي الحاجة اللي مضيقاني , وبرضوا لسه منتظر الرد من اي حد هيقرا التوبيك ده ,

لان بجد عايز اعرف ايه وجهه النظر يعني , علشان الموضوع افور اوي ,

سلام

Saad Saleh

11-29-2009, 03:23 PM

طيب ممكن ارد انا ؟
:)

انا بس مش عاوزك تكون متضايق ..
انت قلت كلام كتير بيدل انك في كذا موقف ورا بعض ضايقوك ..

بس لو لخصنا الحاجات دي كلها هتتلخص في الآتي :

- مشكلة استخدام الصلاحيات في البروفايل
- غلق المواضيع و تطبيق الصلاحيات الإشرافية بطريقة غير سليمة

هرد على الاتنين دول

لو في حاجة تانية مضايقاك قولها .. و هحاول أوضح حتى لو في خطأ من جانبنا

Bim Bim

11-29-2009, 03:31 PM

- مشكلة استخدام الصلاحيات في البروفايل
- غلق المواضيع و تطبيق الصلاحيات الإشرافية بطريقة غير سليمة

لا فعلا دول اكتر حاجة بتضايقني ,

انا منتظر ردك

Saad Saleh

11-29-2009, 03:54 PM

طيب بالنسبة للأولى ....

كل عضو في المنتدى سواء كان مشرف أو عضو أو إدارة أو غيره , كل واحد من دول له بروفايل و من حقه يعمل في البروفايل بتاعه ما يشاء

مثلا مثلا .. محمد طارق من كام يوم حط قطة بتضحك ضحكة عجيبة جدا في البروفايل و كل ما تدخل تزعجك ..
هو من حقه يعمل دا في البروفايل بتاعه طالما انه محطش حاجة مخالفة للقوانين
هو مش عامل دي عشان محدش يعرف يبعتله , لأنك تقدر تبعتله من غير ما تدخل البروفايل

كمان احمد علي بقا .. مش هو اللي حاطط الرسايل دي لنفسه , دي حركة حد عملها عنده في البروفايل و عملها في بروفايل فيجو ..

و انت تقدر تعملها دي ملهاش علاقة بالصلاحيات ممكن نعمل كدا

اضغط هنا مثلا يعني
او كدا
كتكوت
و دي أي حد يقدر يستخدمها
و بالمناسبة ممكن لو ظهرت معاك الحركة دي تقفلها لو المتصفح بتاعك يسمح , اوبرا بيعمل كدا
و في حل اظرف , لما تشوف محمد طارق اخطفه عشان هو اللي عمل كدا

فالأولى دي فيها سوء تفاهم بس .. و كنت أتمنى يكون في سعة صدر أكبر
لأننا فعلا مش بنقصد نضايق الأعضاء و لا حاجة زي كدا
و كل الحاجات اللي مضايقاك دي حطيناها عشان الناس تتبسط اكتر و تعمل المواضيع بتاعتها بطريقة كويسة و إن شاء الله هعمل توبيك عن المحرر عشان الناس تعرفه كويس

بالنسبة بقا لثانيا ..
بصراحة انت معاك حق في حاجات , او في معظم الحاجات كمان ...
بس هقولك على حاجة
أولا : صدقني محدش فينا بيقصد حد معين .. او فكرة اننا نحط حد في دماغنا دي و الله محصلتش فعلا من بداية المنتدى .. لكن ممكن اللي يحرر موضوع ليك مرة ينسى بعد كدا اصلا او حد غيره هو اللي يتعامل معاك المرة اللي بعدها .. فتأكد ان دي مش مقصودة

ثانيا : مش عاوزين نعمم او نمسك الحاجات كلها نحلها مرة واحدة
يعني موقف الجزاير , غير موقف توبيك خمسة فرفشة , اقصد كل موقف و له ظروفه ...
و ممكن نتكلم في كل واحد لوحده

ثالثا : بالنسبة لقوانين المنتدى هي بتنقسم جزئين
الجزء الأول اللي هو مكتوب في قوانين المنتدى و بتوافق عليه وقت التسجيل و دا لسة هنعيد صياغته تاني إن شاء الله و هننزل الصياغة الجديدة للأعضاء عشان تكون أكثر وضوحا ..
و الجزء التاني الخاص بكل قسم لوحده , مجموعة قوانين ليه ,
قوانين المنتدى منها حاجات تمنع التعصب و منها حاجات تمنع درجة معينة من الاختلاط , و منها حاجات تمنع أنواع معينة من الأغاني و هكذا

رابعا : طريقة التعديل .. و دي معاك حق فيها برضو و احنا كنا لاحظنا المشكلة دي من السنين اللي فاتت لكن الأداء بتاعنا متحسنش فيه الموضوع دا , حكاية اننا لما نعدل مشاركة نبعت للعضو نقوله ايه سبب التعديل و ايه القانون اللي بمقتضاه اتعدلت المشاركة دي و يتفاهم معاه ...

خامسا : بصفة أساسية أسباب التقصير او ان الاداء مش 100% راجع لأن فريق الإشراف في الوضع الجديد دا محمل بأعباء زيادة شوية , و حتى في الوضع القديم كان كدا , و دا محتاج شوية دعم و تعديل في شكل الإشراف عشان يقدر يتواكب مع الجديد .. و مع احتياجات الناس و حتى محتاج عدد اكبر
و دا اللي كان بيخلي الناس من كتر الشغل تعمل اللي تقدر عليه و بعض الاوقات تعدي مواضيع و مخالفات كتير فلما نيجي في وقت نمنع حاجة ممنوعة و كانت عدت بسبب قلة الرقابة الناس بتستغرب و تعمل مشكلة و هكذا

انا معرفش المواقف بالظبط اللي ضايقتك ..

يا ريت تحددها بالظبط او تجيب روابط مواضيع و مشاركات اتحذفت ..

و تبعتها للمشرف العام "الفقير إلى الله" و هو هيتصرف

و قبل كدا كنت بعتلك في رسالة قلتلك لو حصل في أي وقت و مشرف القسم عمل تصرف انت مش فاهمه ببساطة ابعتله رسالة قوله ليه حصل كدا ؟؟؟

لو رد عليك بطريقة مش مقنعه او غريبة و دا غالبا مش هيحصل , بس لو حصل ابدأ بقا ابعت للمشرف العام بتاع القسم او ابعت للإدارة .. و خلي آخر حل انك تعمل موضوع يعطل الناس كلها

خلينا نتبع التدرج الإداري عشان في النهاية الحاجة تكون مع الشخص اللي له حكم فيها

و إن شاء الله على بداية الترم اللي جاي وضع الأقسام العامة خصوصا و المنتدى عموما هيكون حصل فيه تطوير سريع و جامد

Bim Bim

11-29-2009, 04:16 PM

اولا شكرا علي الرد ,

ثانيا المواضيع اللي اختفت دي كانت من اسبوع تقريبا وانا قمت كده لقيتها مش موجودة وكمان لقيت مشاركات محذوفه ,

ثالثا الموضوع اللي حصل امبارح ان الناس كانت بتهزر في قسم خمسة فرفشة اللي هو مخصص علشان كده وممكن يكون التوبيك طول شوية , بس احنا في اجازة وعيد , انا برضوا مش عارف ايه الغلط في كده وليه التوبيك اتقفل ,

http://h3sonline.com/forums/showthread.php?t=5685

عالعموم ياريت اعادة النظر في قواعد المنتدي وقوانينه وياريت العملية يكون فيها حرية شوية , واعتقد ان لو في حد وراه حاجة , مش هيفضل يهرج ويلعب , اظن احنا كبار كفاية , والموضوع مش محتاج قفل مواضيع علي فكرة , لو الحكاية علي الموضوع اللي اتقفل ممكن يتعمل واحد غيره ,

مرة تانية شكرا علي اهتمامك وردك ومعلش تعبك معايا ,

سلام.

Bim Bim

11-29-2009, 05:14 PM

اولا شكرا ليك ,

ثانيا الحكاية بتاعة البرفايل دي انا مكنتش عارف ان اي حد ممكن يعملها , بس امبارح اتضايقت جامد وخصوصا اني مكنتش لاقي ليها حل , وكنت عايز اكتب لك ,

ثالثا انا عارف اننا كلنا اخوات ومفيش حد يقصد يخنق علي التاني , بس في حاجات ممكن تعدي ,

الناس بتهزر عادي وفي اجازة وعيد ايه اللي فيها يعني , عادي لو الموضوع كبر شويه , وخصوصا ان ده في القسم المخصص لذلك , مش القسم الدراسي مثلا ,

مش لازم الموضوع يكبر ويبقي في تجاوز و كلام من ده , وانا برضوا شايف ان مفيش تجاوز حصل ,

ولو حصل وفي عضو تجاوز , ليه نكبر العملية ونعمله موضوع , عالرغم من انها كانت ممكن تعدي , ومحدش اخد باله , وكمان حصل تعديل للرد ده , يعني عادي غلط مش مقصود ,

واخيرا الحكاية بتاعة الموضوعات اللي بتتقفل دي انا اقصد اني اتقفل ليا اكتر من موضوع من غير اعرف السبب , انا مقصدش الموضوع بتاع امبارح , بس انا حبيت اوضح الليلة كلها , يمكن يكون في حل ,

شكرا لردك مرة تانية.

Ahmed Ali

11-29-2009, 05:26 PM

ولو حصل وفي عضو تجاوز , ليه نكبر العملية ونعمله موضوع , عالرغم من انها كانت ممكن تعدي , ومحدش اخد باله , وكمان حصل تعديل للرد ده , يعني عادي غلط مش مقصود ,
.

ولا يهمك على حكاية البروفايل
عادي بتحصل
انا مكنتش أعرفها برده لحد ما اتعملت فيا بعيد عنك :^^:

وبالنسبة للاقتباس بس
علشان عايز أعلق على الجزئية دي بعد اذنك
هو الحكاية كلها كانت جوا الموضوع متعملهاش موضوع لوحده خالص
مش معنى ان حد غلط يبقى نسيحله يعني :^^:
لأ طبعا
كلنا بنغلط زي ما قلت ومفيش حد معصوم من الخطأ
بس هي الكلمة اللي كانت في الموضوع امبارح كانت تنرفز شوية
فالراجل نسي يحط بس علامات مكان الاسم
مكنش قصده خالص يعني
ومتتخيلش هو اضايق قد ايه علشان نسي الحكاية دي

وان شاء الله زي ما سعد قال
الفتره الجاية وخصوصا مع أجازة نص السنة ان شاء الله تشوفوا شكل تاني للأقسام العامه في كل حاجه باذن الله
وجزاك الله خيرا
:)

zico547

11-29-2009, 05:32 PM

Ahmed Ali

11-29-2009, 05:39 PM

بعد إذنكم ممكن أعلق علي الكلام ده لإني مشارك في الموضوع اللي إتقفل ومتهم في نفس الوقت وحاولت أدخل علي البروفايل بتاع المشرف علشان أكلمه بس معرفتش وكنت هبعت للمشرف العام أو الإدارة بس لقيت الموضوع ده فقولت أكلم هنا أحسن

أولا بالنسبة للإقتباس بتاعي اللي المشرف كتبه في الموضوع المغلق (بسرعة علشان قلقان وأعصابي بايظة)
الموضوع كله من الأول هزار... مجرد مشاركة في لعبة فقط حبينا نلعبها في الوقت الفاضي فمش معني إن أنا أقول كلمة زي دي إن أنا بكلم بجد ومتعصب علشان حاجة زي دي, دا حتي الواحد لو بيلعب علي فلوس حقيقية مش هتعصب عليها(الحمد لله) ,ولو إنت فهمت كلامي إن أنا بكلم بجد يبقي ده غلط منك مش مني لإن الأمور واضحة من الأول إن الموضوع هزار مش أكتر

ثانيا لو إنت بتتكلم عن عملية إضاعة الوقت فأعتقد إن في مواضيع كتييييييييييييير و(أقسام بالكامل )المفروض تتقفل لإنها مش بتقدم أي فائدة تذكر وبعدين أنا الحمد لله المفروض عارف أنا بعمل إيه كويس أوي

وبالنسبة لعملية غلق الموضوع
فبصراحة الواحد زهق من كتر الكلام في الموضوع من أيام h3s2011 وكان دايما رد الإدارة دبلوماسي

طيب معلش على حكاية البروفايل دي بس مش ذنبي واتوضحت ايه سببها :)

الاقتباس
انا علقت عليه كأي عضو عادي
انا مش علشان مشرف مثلا يبقى ليا الحق اني أقيم الأعضاء أو احاسبهم على مواقفهم أو كلامهم
لأ
انا اللي ليا لو شفت حاجه بس مش تمام في القسم مثلا أو حاجه بتبوظه اني اعدلها أو أشيلها
وزي ما قلت اننا مش هدفنا نخنق على الناس
انتوا مش عايزين تصدقوا ليه يا جماعه
والله ما في حد هييجي كده علشان يخنقوا

والدليل على كلام اني علقت كعضو ومبستخدمش الصلاحيات وخلاص

اني لا عدلت ردك ولا جيت جنبه حتى

المشرف ده عضو في المنتدى زي أي واحد تاني
ممكن أكون مثلا خانني التوفيق أو غلط اني حطيته في الرد الأخير ده وكنت المفروض أعمله في رد لوحده
بس خيرا يعني

وبالنسبة لكلامك امبارح فعلشان كله كان هزار والرد ده كان واضح انه جد أوي
هو ده اللي خلاني أعلق عليه بس مش أكتر

وفي حكاية قفل المواضيع وكل ده احنا مردناش رد دبلوماسي أهو
ولو قريت الموضوع من الأول وكلام سعد وكلامي بالذات هتشوف اننا مردناش رد دبلوماسي واتكلمنا بكل صراحة مع الناس

وعذرا مره تانيه اني فهمت غلط وان سوء التفاهم ده حصل في الجزء اللي علقت فيه على ردك
:)

Mody-Ahly

11-30-2009, 12:57 AM

حد بقى يشرحلنا الخاصية اللي في البروفايل دي
عشان نعرف نرخم عالناس كويس :D

ReeVo

11-30-2009, 01:01 AM

طول عمرك يا مودي

m.tarek

11-30-2009, 01:08 AM

قالك اخطف محمد طارق :D :D

som3aa

11-30-2009, 01:21 AM

طيب انا اول مره اخد بالى انى اتسببت فى كل ده
بس اولا انا بحب اشكر الشخصيه اللى رفعت فى مشاركتى تقرير
لانى بجد حزنت لانه المفروض انى اعرفه وكان ممكن يشد انتباهى عالخاص
ثانيا احب اوضح ان كيتوس ده صاحبى واحنا زى الاخوات ومفيش بينه وبينى مشكله
ثالثا بالنسبه لاحمد على اسال كيتوس عليا وهتعرف ان الموضوع عادى
رابعا حاولوا انكوا تكونوا حسنوا النيه فى الواحد وان نيته مش وحشه
خامسا بعتذر لكل الناس اللى اضيقت من اى مشاركه ليا على المنتدى وخصوصا لاى حد رفع فيا تقرير
سادسا بجد انا حاسس بحزن كبير لاسباب كتير احب احتفظ بيها لنفسى
بس بجد حاولوا متخسروش الناس
انا عارف ان انا اكيد مفرقش مع حد عالمنتدى نهائيا
بس لعل وعسى تخسروا واحد ليه قيمه حاولوا تجمعوا النس حاوليكوا
سابعا بحب اقول انى على مستوى المنتدى اتعرفت على ناس اتشرفت بمعرفتهم وبجد هفتقدهم
ثامنا ربنا يهدينا جميعا
وارجو انكم تكونوا فاهمين كلامى بحسن نيه
واخيرا وده رجاء محدش يكلمنى ويقول لا لازم ترجع تشارك لانى مش هشارك فى الاقسام الترفيهيه لاسبابى الخاصه
على فكره باكد ان كيتوس ده مش مجرد صاحب ليا
وبكرراعتذارى لكل اعضاء المنتدى

Bim Bim

11-30-2009, 01:24 AM

ليه كده بس يا سمعه ,

والله حصل خير ,

الموضوع بسيط

Dя M.!.DO

11-30-2009, 01:32 AM

حد بقى يشرحلنا الخاصية اللي في البروفايل دي
عشان نعرف نرخم عالناس كويس :D

على فكره سهله جدا وممكن اى من الاعضاء يعملها
بس مش هاقول،لو الناس عرفت هاتلاقى المنتدى غرق:^^:ايون....ودلوقتى انا عاملها لما تيجى تدخل الموضوع دا شوف هايقولك ايهx_x

M.!.D.O..... HEaD EpM2011 TEaM

m.tarek

11-30-2009, 01:33 AM

سادسا بجد انا حاسس بحزن كبير لاسباب كتير احب احتفظ بيها لنفسى
بس بجد حاولوا متخسروش الناس
انا عارف ان انا اكيد مفرقش مع حد عالمنتدى نهائيا
بس لعل وعسى تخسروا واحد ليه قيمه حاولوا تجمعوا النس حاوليكوا
سابعا بحب اقول انى على مستوى المنتدى اتعرفت على ناس اتشرفت بمعرفتهم وبجد هفتقدهم
ثامنا ربنا يهدينا جميعا
وارجو انكم تكونوا فاهمين كلامى بحسن نيه
واخيرا وده رجاء محدش يكلمنى ويقول لا لازم ترجع تشارك لانى مش هشارك فى الاقسام الترفيهيه لاسبابى الخاصه
تصدق بجد دلوقتى أنا اتضايقت أكتر
الدنيا مش مستاهله بجد ...

Mody-Ahly

11-30-2009, 01:39 AM

على فكره سهله جدا وممكن اى من الاعضاء يعملها
بس مش هاقول،لو الناس عرفت هاتلاقى المنتدى غرق:^^:ايون....ودلوقتى انا عاملها لما تيجى تدخل الموضوع دا شوف هايقولك ايهx_x

M.!.D.O..... HEaD EpM2011 TEaM

بيقولي ميدو اتضرب النهاردة:^^:

21A

11-30-2009, 01:39 AM

بجد حاجة تخنق وتقرف

som3aa

11-30-2009, 01:52 AM

تصدق بجد دلوقتى أنا اتضايقت أكتر
الدنيا مش مستاهله بجد ...
مفيش حاجه تخليك تضايق

som3aa

11-30-2009, 01:54 AM

وطبعا بعتذر لروكا لان مشاركتى اللى حصل بسببها المشكله كانت فى كلام عليها

ReeVo

11-30-2009, 02:02 AM

21A

11-30-2009, 02:14 AM

وطبعا بعتذر لروكا لان مشاركتى اللى حصل بسببها المشكله كانت فى كلام عليها
طبعا مفيش اعتذار بين اخوات
بس مش بقول تخنق وتفرق عشانك لانى معرفش المشاركة اللى اتكلمت عنى فيها فين
بس بقول عل المنتدى انه بقى خنيق
كل ما الواحد يكون فى موضوع عجبه تلاقى حد طلع يقولك الموضوع مغلق
المفروض يكتبو عل خمسه فرفشه قسم للمواضيع المغلقه
ايه دا

som3aa

11-30-2009, 02:17 AM

يا ع مسمعاوي بغض النظر عن المشكلة مفيش داعي لكده
أكيد الأمور متوصلش لكده
اقعد مع الناس ده واتكلم معاهم بلاش تقرر كده بدون مع تسمع منهم الأول
ولو توصلت فعلا ان الموضوع يستاهل
أنا بقولك أهو اعمل اللي انت عاوزه
بس متستعجلش

والله يا شريف مفيش استعجال
وعلى فكره انا اتناقشت مع كيتوس
دى تراكمات يا شريف وربنا يوفقك فى كهربا

som3aa

11-30-2009, 02:18 AM

طبعا مفيش اعتذار بين اخوات
بس مش بقول تخنق وتفرق عشانك لانى معرفش المشاركة اللى اتكلمت عنى فيها فين
بس بقول عل المنتدى انه بقى خنيق
كل ما الواحد يكون فى موضوع عجبه تلاقى حد طلع يقولك الموضوع مغلق
المفروض يكتبو عل خمسه فرفشه قسم للمواضيع المغلقه
ايه دا
ميرسى يا روكا
وهبقى احكيلك بالتفصيل بعدين

21A

11-30-2009, 02:20 AM

ميرسى يا روكا
وهبقى احكيلك بالتفصيل بعدين
اوك
يا سمعه

Mody-Ahly

11-30-2009, 02:31 AM

خلاص يا جماعة قلبكم أبيض
إحنا في العيد

Bim Bim

11-30-2009, 02:34 AM

والموضوع في النهاية مش مستاهل علي فكرة ,

وكل سنة وانتم طيبين وسنة سعيدة عليكم يارب

Dя M.!.DO

11-30-2009, 02:40 AM

بيقولي ميدو اتضرب النهاردة:^^:
''\
صدق صعب عليا:^^:x_x

Dя M.!.DO

11-30-2009, 02:41 AM

The End

21A

11-30-2009, 02:43 AM

هى دى فرحة العيد (العيديه اللى بناخدها)

ذا ايند

Amr Elsehemy

11-30-2009, 02:26 PM

فيه توضيح قبل ال end بس ..

طيب انا اول مره اخد بالى انى اتسببت فى كل ده
بس اولا انا بحب اشكر الشخصيه اللى رفعت فى مشاركتى تقرير
لانى بجد حزنت لانه المفروض انى اعرفه وكان ممكن يشد انتباهى عالخاص

انا متابع الموضوع من اول ما bimbim بدأ و كدا .. بس حسيت بعد كلامك إنى لازم ارد و اوضح حاجة كدا ..
الاول بس على موضوع التقرير .. ايا كان الحد اللى رفع التقرير فا انت عارف يا محمود ان محدش بيرفع تقير فى حد (كشخص) لكن التقرير بيترفع فى الكلام مش فى الشخص ..

لكن لو بتقول ان المشرف اللى رفعه كان يعرفك يبقا عندك حق، المفروض كان ينبهك .. بس اكيد 100 % الموضوع مكانش اكتر من سهو .. مخدش باله مش اكتر ! و اديك بتقول تحت لازم نظن فى الناس حسن النية .. يبقا فعلا ظن حسن النية ..

ثانيا احب اوضح ان كيتوس ده صاحبى واحنا زى الاخوات ومفيش بينه وبينى مشكله
ثالثا بالنسبه لاحمد على اسال كيتوس عليا وهتعرف ان الموضوع عادى
رابعا حاولوا انكوا تكونوا حسنوا النيه فى الواحد وان نيته مش وحشه
خامسا بعتذر لكل الناس اللى اضيقت من اى مشاركه ليا على المنتدى وخصوصا لاى حد رفع فيا تقرير
سادسا بجد انا حاسس بحزن كبير لاسباب كتير احب احتفظ بيها لنفسى

الكلام ده ربنا يعلم يفرق عندى ازاى .. محدش يعرف احنا نعرف بعض من قد ايه اصلا و علاقتنا عاملة ازاى .. و مش لازم حد يعرف برضه ..

يمكن عشان اعرفك اوى اصلا كنت رديت من غير تفكير فى الموضوع بتلقائية ، انا رديت كعضو اصلا .. مش كمشرف خالص و معملتش حاجة فى الموضوع طبعا .. بس عارف لما تتضايق من كلمة فتعقب عليها فى نرفزة عشوائية كدا .. و بعد كدا اول ما اتنبهت انه غلط اصلا عدلت الرد طبعا !!
و انت عارف الباقى يا سمعة (:

انت حاسس بزعل و و الله العظيم انا حاسس بزعل (يمكن) اكتر منك عشان انت زعلان !

بس بجد حاولوا متخسروش الناس
انا عارف ان انا اكيد مفرقش مع حد عالمنتدى نهائيا
بس لعل وعسى تخسروا واحد ليه قيمه ، حاولوا تجمعوا النس حاوليكوا

الكلمة دى بجد يا سمعة مش عارف اقلك ايه !!

احنا ممكن نقفل المنتدى لو المعنى اللى بتقوله ده حقيقى !!! والله العظيم .. هدف المنتدى ده كله فى الاصل هو اننا نحقق اخوة بينا كلنا و (كمان بالمرة نستفيد دراسيا)

بس الهدف الاصلى و الله العظيم و اللى مكتوب عندنا حتى فى الاقسام الادارية و متعلق كدا ..

" تنمية روابط الأخوة بين طلاب هندسة عين شمس "

لو ده متحققش يبقا االمنتدى فشل :sad: فا ازاى تقول انك مش فارق مع حد عالمنتدى ؟!

يا اخى لو عاوز تعرف غلاوتك عند الناس جرب متخشش 5 فرفشة يومين كدا و مش هتلاقى حد بيدخل القسم !!

و لو افترضنا انك انت مش فارق مع ااااى حد عالمنتدى زى ما بتقول فا على الاقل اضمنلك نفسى انك فارق معايا (و اضمنلك بنسبة 100 % )انك فارق مع كل فريق الاشراف !

و على فكرة .. كونا بنتضايق من بعض ساعات (الناس اللى فى المنتدى كلها) فا ديه علامة طبيعية على الاخوة على فكرة .. انا معرفش اخوات مش بيتخانقوا او يتضايقوا من بعض شوية و بعد كدا يكتشفوا اد ايه العبط انك تتخانق مع اخوك !! فا يروحوا يتصالحوا مع بعض .. المشاحنة دليل طبيعى على قرب العلاقة و قلة التحفظ فى التعامل (او بمعنى تانى .. قريبن من بعض فا الكلام هيطلع طلقائى .. )

سابعا بحب اقول انى على مستوى المنتدى اتعرفت على ناس اتشرفت بمعرفتهم وبجد هفتقدهم
ثامنا ربنا يهدينا جميعا
وارجو انكم تكونوا فاهمين كلامى بحسن نيه
واخيرا وده رجاء محدش يكلمنى ويقول لا لازم ترجع تشارك لانى مش هشارك فى الاقسام الترفيهيه لاسبابى الخاصه
على فكره باكد ان كيتوس ده مش مجرد صاحب ليا
وبكرراعتذارى لكل اعضاء المنتدى

اكيد كلامك لا يحتمل اصلا انه يتفهم بسوء يا محمود .. انت حد محترم و كلنا عارفين كدا كويس اوى ..

مفيش حاجة اسمها مش هتشارك فى اقسام كذا و كذا .. انت قلتلى لما كلمتك ليه بس انا ماقتنعتش و انت قلتلى ربنا يسهل .. يبقا خلاص هتشارك هناك طبعا .. و تشارك فى اى حتة تعجبك ..

مش كفاية انك اكتر حد شارك فى موتضيع اصلا يعنى انت كابتن المنتدى .. و تعمل اللى يعجحبك (:

مش عارف انت لسة زعلان و لا لأ بس كل ما هبص على توقيعك هفضل متضايق اكتر منك لحد ما احس انك مش زعلان ..

Bim Bim

11-30-2009, 02:46 PM

يا شباب ربنا ميجبش زعل ان شاء الله ,

والله يا سمعه تفرق معانا كتير والموضوع في الاول والاخر كان لعبة ومش لازم تخلينا نزعل من بعض او يبقي في نفسية واحد اي حاجة ,

لازم يا سمعه ترجع تشارك تاني , القسم من غيرك مش هيمشي يا كبير

Amr Elsehemy

11-30-2009, 02:48 PM

som3aa

11-30-2009, 02:56 PM

فيه توضيح قبل ال end بس ..

انا متابع الموضوع من اول ما bimbim بدأ و كدا .. بس حسيت بعد كلامك إنى لازم ارد و اوضح حاجة كدا ..
الاول بس على موضوع التقرير .. ايا كان الحد اللى رفع التقرير فا انت عارف يا محمود ان محدش بيرفع تقير فى حد (كشخص) لكن التقرير بيترفع فى الكلام مش فى الشخص ..

لكن لو بتقول ان المشرف اللى رفعه كان يعرفك يبقا عندك حق، المفروض كان ينبهك .. بس اكيد 100 % الموضوع مكانش اكتر من سهو .. مخدش باله مش اكتر ! و اديك بتقول تحت لازم نظن فى الناس حسن النية .. يبقا فعلا ظن حسن النية ..

على فكره يا عمرو انا مظنتش فيه سؤ بس اكيد مثلا لو كيتوس غلط فى احد مشاركاته كعضو اكيد حد من المشرفين هينبهك على الخاص عشان انتوا زمايل مش هيرفع فيك تقرير لحد غيرك
انت بتقول ان كلنا هنا سواسيه فى المعامله

الكلام ده ربنا يعلم يفرق عندى ازاى .. محدش يعرف احنا نعرف بعض من قد ايه اصلا و علاقتنا عاملة ازاى .. و مش لازم حد يعرف برضه ..
طبعا مش لازم حد يعرف
بس انا حبيت ااكد ان مفيش اى مشكله بينى وبينك بسبب حاجه زى ديه
وهات حق المكالمه ياعم انت:^^:

يمكن عشان اعرفك اوى اصلا كنت رديت من غير تفكير فى الموضوع بتلقائية ، انا رديت كعضو اصلا .. مش كمشرف خالص و معملتش حاجة فى الموضوع طبعا .. بس عارف لما تتضايق من كلمة فتعقب عليها فى نرفزة عشوائية كدا .. و بعد كدا اول ما اتنبهت انه غلط اصلا عدلت الرد طبعا !!
و انت عارف الباقى يا سمعة (:

انت حاسس بزعل و و الله العظيم انا حاسس بزعل (يمكن) اكتر منك عشان انت زعلان !

انا طلبت منك انك متزعلش

الكلمة دى بجد يا سمعة مش عارف اقلك ايه !!

احنا ممكن نقفل المنتدى لو المعنى اللى بتقوله ده حقيقى !!! والله العظيم .. هدف المنتدى ده كله فى الاصل هو اننا نحقق اخوة بينا كلنا و (كمان بالمرة نستفيد دراسيا)

بس الهدف الاصلى و الله العظيم و اللى مكتوب عندنا حتى فى الاقسام الادارية و متعلق كدا ..

" تنمية روابط الأخوة بين طلاب هندسة عين شمس "

لو ده متحققش يبقا االمنتدى فشل :sad: فا ازاى تقول انك مش فارق مع حد عالمنتدى ؟!
حاول تعمل موضوع عن راى الناس فى المنتدى وايه هى الاقسام اللى تتشال وتعمل وتاخد راى الناس فى المشرفين وكل حاجه طالما الموضوع ديموقراطيه وكده
وانتوا ادرى بمصلحه الناس منى
يا اخى لو عاوز تعرف غلاوتك عند الناس جرب متخشش 5 فرفشة يومين كدا و مش هتلاقى حد بيدخل القسم !!
ما هى ديه المشكله
ان الناس فاكره ان انا دماغى فاضيه وتافهه بسبب كتر وجودى فى خمسه فرفشه وحدش يعرف المشاكل او الحياه اللى الواحد عايشها بس الحمد لله
على فكره انت عارف والناس اللى معايا فى القسم ان انا بحب اهزر بس صدقنى كان مدرس الانجليزى بتاعى بيقولى كتر هزارك او كلامك ده بسبب انك عايز تخبى وتخفى همومك عن الناس
و لو افترضنا انك انت مش فارق مع ااااى حد عالمنتدى زى ما بتقول فا على الاقل اضمنلك نفسى انك فارق معايا (و اضمنلك بنسبة 100 % )انك فارق مع كل فريق الاشراف !
انا ممكن افرق معاك انت انما بقيه فريق الاشراف ما اظنش
كده المواضيع هتقل ياعم وهيريحوا دماغهم:^^:
و على فكرة .. كونا بنتضايق من بعض ساعات (الناس اللى فى المنتدى كلها) فا ديه علامة طبيعية على الاخوة على فكرة .. انا معرفش اخوات مش بيتخانقوا او يتضايقوا من بعض شوية و بعد كدا يكتشفوا اد ايه العبط انك تتخانق مع اخوك !! فا يروحوا يتصالحوا مع بعض .. المشاحنة دليل طبيعى على قرب العلاقة و قلة التحفظ فى التعامل (او بمعنى تانى .. قريبن من بعض فا الكلام هيطلع طلقائى .. )
وليه مفيش
ideal case

اكيد كلامك لا يحتمل اصلا انه يتفهم بسوء يا محمود .. انت حد محترم و كلنا عارفين كدا كويس اوى ..
انت عارف كده انما غيرك لا
مفيش حاجة اسمها مش هتشارك فى اقسام كذا و كذا .. انت قلتلى لما كلمتك ليه بس انا ماقتنعتش و انت قلتلى ربنا يسهل .. يبقا خلاص هتشارك هناك طبعا .. و تشارك فى اى حتة تعجبك ..

مش كفاية انك اكتر حد شارك فى موتضيع اصلا يعنى انت كابتن المنتدى .. و تعمل اللى يعجحبك (:

مش عارف انت لسة زعلان و لا لأ بس كل ما هبص على توقيعك هفضل متضايق اكتر منك لحد ما احس انك مش زعلان ..

كده تبقى عبيط ومش من ابناء الحدايق:^^:

انسى الموضوع لغايه ما اشوفك
وركز فى المذاكره وادعيلى

som3aa

11-30-2009, 03:05 PM

على فكره كتر الكلام فى الموضوع ده هيخلى الناس تقول عليا عايش فى الدور فعلا

вutterғly ⊱ї⊰ omηia

11-30-2009, 05:51 PM

لالالالالالالالاياميدو كتير الى انت عامله:boom:

افففففففففف

المهم

صلوا على النبى ياخواااااااانا

احنا حلوووين مع بعتينا اهو

احنا نروح القسم وكل حى ياخد حقه هناك

جرى ايه محدش عامل حساب ليا هنا ولا ايه

محدش مالى عنكوا ولا ايه:you:

''\

temon

11-30-2009, 07:57 PM

هو فى ايه ؟؟

Bim Bim

11-30-2009, 08:19 PM

كان في و خلص :^^::^^:

مطراوى

11-30-2009, 08:33 PM

ما يصحش يا جماعة
عيب كده
المشكلة دي ما يتسكتش عليها

Amr Elsehemy

11-30-2009, 09:29 PM

ما يصحش يا جماعة
عيب كده
المشكلة دي ما يتسكتش عليها

بس يابنى عشان محدش يفتكرك بتتكلم جد !!

ReeVo

11-30-2009, 11:13 PM

والله مقدر موقفك
انا عن نفسي مبقتش اخش على المنتدى كيتر بسبب حاجة زي كده
ربنا معاك