استكمال مسيرة التسجيل في MSDN

[Mohammed Abdel Hamid]

شبابنا

يا رب يكون شغلنا عجبكم

و محتاجين منكم تقييم للشغل ده في الاستفتاء اللي في أول الموضوع

المهم

احنا لسة ماخلصناش الكلام لحد كدة''\

الناس خدت الحاجات بس لسة ماعرفوش هايعملوا بيها ايه و هايشغلوها ازاي.:e7m:

طيب

الحاجات اللي كانت موجودة كانت Windows أو Office أو Visual Studio

طيب

هانشغل كل حاجة من الحاجات دي ازاي؟؟:wtt:

مبدئياً الـVisual Studio بيتسطب عادي من الـWindows

بس هاتلاقي الملف بتاعه ISO يعني لازم تفتحه يا اما بالـDaemon tools أو بالـUltra ISO

طيب بالنسبة للـOffice 2010 Beta ؟

ده ملف فيه شرح الـSetup بتاع الـOffice

Office 2010 BETA tuorial (http://h3sonline.com/forums/up/download.php?filename=319bf7160e.pdf)

بس احتمال تصادف شوية مشاكل

لان دي نسخة بيتا .. يعني وارد جدا انه يحصل معاك ايرورز كتيرة

و ممكن ميحصلش معاك أي ايرور خالص .. كل واحد و نصيبه

ميكروسوفت أتاحت التنزيل للنسخة البيتا ليس لشئ إلا انها تقدر تلم أكبر كم من الفيدباك علي قد ما تقدر

فالناس متخافش لو حصل معاها اي مشكلة .. ده العادي المفترض يعني


فاضل ايه؟

آه:^^:

الـWindows

موضوع تشغيل الويندوز ده هايتقسم على 3 مراحل

1-ازاي نجيب السيريال من الموقع بتاع MSDN

2-ازاي نحول ملف الـISO لأسطوانة Bootable

3-ازاي نعمل الـWindows Setup




خلونا ناخد الموضوع مرحلة مرحلة

أول مرحلة

احنا قلنا لكم أن الــSource من عندنا

طيب و السيريال؟

زي ما قلنا أنه ان شاء الله هايتبعت لكم ايميلات بالأكونتات

طيب

جت الايميلات :toky:

نعمل ايه؟

كدة (http://www.youtube.com/watch?v=SJM_9ncIUXo)

ده فيديو فيه ازاي تجيب سيريال أي برنامج

و ده Tutorial بيشرح نفس القصة

MSDN Academic Alliance PDF Tutorial (http://h3sonline.com/forums/up//download.php?filename=090e066550.pdf)

طيب خلاص

احنا كدة معانا الـWindows و الـSerial

المرحلة التانية

هانعمل الـ Setup ازاي ؟

لازم الأول يكون معانا Windows Bootable يعني اسطوانة بتعمل Boot

طيب أنتم اديتونا ملف .ISO

هانعمل فيه ايه؟

هانحوله لأسطوانة Bootable

باستخدام Ultra ISO

و ده لينك لتحميل البرنامج

Ultra ISO (http://www.freedownloadscenter.com/Utilities/Backup_and_Copy_Utilities/UltraISO_Download.html)

النسخة دي Trial و خطوات الــSetup موجودة في الملف التالي :

Ultra ISO Tutorial (http://h3sonline.com/forums/up//download.php?filename=63dc377e3b.pdf)

بعد ما تعمل الكلام ده هايكون معاك Bootable Windows CD

طيب

و بعد ما عملتها ؟

المرحلة التالتة

أعمل Setup الــ Windowsازاي؟؟

أول حاجة أنت محتاج تحدد Partition علشان تعمل الــSetup فيه

و أنت عندك ويندوز شغالة دلوقتي

طيب


1-سمي الـPartition اللي أنت هاتعمل الــSetup عليه اسم مميز و هانقول ليه كمان شوية

2-بعد كدة اعمل Restart للجهاز

3-حط اسطوانة الويندوز قبل ما يلحق الجهاز يقفل

4-أول ما يبدأ الدوس يقوم دوس F12 كتير

هايدي لك شاشة كدة

5-اختار منها Boot From CD\DVDو كمل معاه الخطوات

طيب

احنا فوق ليه قلنا تسمي الــPartition اسم تاني؟:wtt:


لأنك المفروض لما تدخل في Setup الـWindows أسماء الـPartitions ساعات بتلخبط الواحد و ساعات مش بتكون زي ما أنت كنت شايفها في الويندوز الأولانية بتاعتك:)

لكن لو كنت سميته كنت هاتلاقي اسمه محطوط جنب الـPartition في قوسين

تمام يا شبابنا

نرجو أن نكون أفدناكم:love::love:

و شكر خاص جداً لكل من ساهم في هذا العمل

و في حالة وجود أي تعليقات أو استفسارات على هذا الموضوع رجاء لا تتوانوا عن السؤال و احنا ان شاء الله معاكم في أي حاجة تعوزوها+_+

جزاكم الله خيراً

مع تحيات

+_++_+CSE2011 Helpful team+_++_+

[a7med.elhaddad]

:)

[marwa shokry]

ايه ده؟ كده كلمه شكرا مش هتبقى كفايه ؟
بجد جزاك الله خيرا يا بشمندس محمد

[م/محمد حسن]

احم

طب انا اديت ايميلي من اسبوع تقريبا
ومفيش حاجة وصلت :(

[electronic device]

begad mosh 3rfen nshkorak ezay ya bashmohndes 3abd el7amed anta w kol el helpfull team begad elsho3'l ely 3mlto 2ktar men ra23 w rabena ygazeko kol 7'er isa.

[Osama_Sherif]

احم
طب انا اديت ايميلي من اسبوع تقريبا
ومفيش حاجة وصلت :(
تقدر تراسل Microsoft Student Partner بمشكلتك على msp.eng.shams@live.com
طبعا بعد ما تتأكد إنه ما وصلش في الـJunk أو ماخدتش بالك منه

[The Fuhrer]

شكرا جزيلا لجميع أعضاء الـ Helpful Team على مجهوداتهم الرائعة
وعيد سعيد للجميع
:)

[ISLACE]

:)
:):)
GOOD WORK
:):):):):)
جزاكـــــــــــم اللــــــه كـــــــــل خيــــر

[Hermione]

جزاك الله خيراً على الموضوع الرائع ده...

بس عندى سؤال... أنا xp وعايزة أحط ال xp ال original... لما أعمل boot from DVD ايه اللى هيتمسح وايه هيفضل؟

يعنى لازم أعمل setup لكل البرامج تاني ؟

[M.H.Mahrous]

كلة بيتمسح
ممكن تحافظى على الحاجات اللى فى اى partition*تانى
لاكن البارتشن بتاع الويندوز كلة هيتمسح بما فية وينزل من جديد

[Osama_Sherif]

هو أنا مش فاهم انتي عندك XP وعايزة تحطي XP برضه؟ بس Original يعني؟
عشان يبقى الـKey اللي تحطيه Legal يعني؟ في الحالة دي أعتقد ممكن تغيري الـKey من الـKey المضروب للـKey الجديد، بس حاليا مش عارف ازاي بالضبط على XP
ولا عشان نسخة أنضف من النسخة اللي عندك، كانت نسخة مضروبة أو ملعوب فيها؟ في الحالة دي يبقى زي ما قال بشمهندس M.H.Mahrous (http://h3sonline.com/forums/member.php?u=796)
ممكن تعملي Format لـPartition واحد (اللي عليه الـWindows اللي هو الـC مثلا) عشان تنزلي Windows من جديد وتحتفظي بالداتا اللي عندك على باقي الـPartitions
بس طبعا البرامج هتروح لما تعملي Format وهتضطري تنزليها من الأول مع الـWindows الجديد

فيه حل تاني اللي هو الـUpgrade
من غير Bootable DVD ولا الكلام ده خالص، بتشغلي ملف الـSetup بتاع الـWindows الجديد من الـWindows القديم، بيعمل هو Upgrade للـWindows ويحافظ على البرامج اللي كانت موجودة قبل كده
بس الكلام ده لو هنعمل من XP لـVista أو لـ7، زي ما أنا عملت امبارح من Vista لـ7، في الحالة دي هو حافظ لي على البرامج بتاعتي، وحتى على شكل الـDesktop بتاعي بالملفات اللي عليه بالـWallpaper كمان
نفس الكلام أعتقد ممكن من XP لـXP، بس ايه الفايدة ساعتها؟؟

[yasmein]

ana lesa msh andy account

[Mohammed Abdel Hamid]

تقدري تراسلي Microsoft Student Partner بمشكلتك على msp.eng.shams@live.com
طبعا بعد ما تتأكدي إنه ما وصلشي في الـJunk أو ماخدتيش بالك منه

[Osama_Sherif]

بالضبط زي ما قال عبد الحميد

هو Microsoft Student Partner بلغني النهاردة ان كل الناس اللي سجلت مع CSE 2011 Helpful Team اتبعت لهم E-mail بالـAccount بتاعهم بالفعل
اللي عنده مشكلة يا ريت يعمل الاتي

1- يتابع الـInbox بتاعه كويس.. عشان فيه ناس مش بتاخد بالها من الايميلات اللي بتيجي او بيمسحوها مثلا من غير ما يعرفوا محتواها كويس

2- يتابع الـJunk Mail أو الـSpam Mail أو أيا كان المسمى.. عشان أحيانا ايميل بعض الناس بيحدف الايميلات الغريبة على هناك

3- لو مافيش حاجة وصلت برضه يا ريت يبعت مشكلته على msp.eng.shams@live.com ويقول لهم انه من تالتة حاسبات، عشان ممكن يبعتوا له الايميل تاني ان شاء الله
بس يا ريت تكونوا اتأكدتوا من الخطوتين 1 و2 الاول، بدل ما نقعد نبعت لهم رسايل كتير ع الفاضي

بس كده
:)

[محمد البحراوى]

انا ان شاء الله هبعت دلوقتى ممكن حد يقولى ايه اللى ابعته فى الميل

عنى الاسم و......ايه كمان

؟

[Mohammed Abdel Hamid]

الاسم و الميل و الموبايل و الدفعة و لو مش هاتبعته من ميل الجامعة يا بحر ابعت كمان صورة الكارنيه

[Microsoft Student Partner]

Really great work Guys .. if any CSE 2011 member haven't yet revieved his account please send us an email and as osama said we created accounts for all those who have registered

For ECE 2011 isA tomorrow we'll create the accounts (we're having exams :D wish us luck)

I want to thank the helpful team for their efforts really keep it up

[Fido]

Great work (Y) !
I wanna ask a question .. I have Vista in my laptop and I wanna change it to windows 7 can I just upgrade it or I need to setup a clean Setup and formeat the main partition ??

Also .. who can get me next Saturday Windows 7 professional, and Visual Studio 2008 ??

Thanks in advance**

[Osama_Sherif]

ممكن تعمل Upgrade لـVista اللي عندك، مجرد تشغل الـSetup بتاع 7 وتقول له يـUpgrade
غالبا ممكن تبقى محتاج تنزل Service Pack 1 الأول عشان تقدر تعمل Upgrade لـ7
هو هيقول لك إن شاء الله

يا إما تحرق نسخة 7 على DVD، وتفرمت الـPartition بتاع Vista عندك، وتـBoot من الـDVD وتعمل Setup لـ7 من الأول خالص

بالنسبة لنسخة 7 وVisual Studio ممكن تقابلني أو تقابل محمد عبد الحميد، لو حد فيها معاه اللابتوب بتاعه ممكن يديك نسخة على فلاشة إن شاء الله، بس اعمل حسابك على فلاشة كبيرة شوية

[Fido]

great .. I think I will be with my laptop next Saterday f mo7adret el Data Communication .. if you know Mostafa shehata .. ana hab2a ma3ah :D

[محسن]

جزاكم الله كل خير وجعل الله كلامكم هذا في ميزان حسناتكم وأفادك بما تتعلم وبما ستتعلم وعلمك العلم النافع

[Fido]

why there is no Windows Vista Ultimate ??

[Osama_Sherif]

قصدك عندنا؟ ولا على الموقع بتاعهم؟
هم بيقدموا Windows Vista Bussiness بس على ما أذكر
احنا بالنسبة لنا ما نزلناش Vista خالص، عندنا 7 وXP بس بالنسبة لـWindows

[Osama_Sherif]

سؤال مهم: هل لسه فيه حد عنده مشكلة في الـMSDN AA Accounts؟

لو فيه حد عنده مشكلة يا ريت يراجع الأول الـ3 خطوات دول
http://www.h3sonline.com/forums/showpost.php?p=85831&postcount=14
ويقول لنا هو وصل لحد فين وايه مشكلته بالضبط

بس أعتقد خلاص كده المفروض ماحدش عنده مشاكل إن شاء الله

[Fido]

قصدك عندنا؟ ولا على الموقع بتاعهم؟
هم بيقدموا Windows Vista Bussiness بس على ما أذكر
احنا بالنسبة لنا ما نزلناش Vista خالص، عندنا 7 وXP بس بالنسبة لـWindows



la2 ana 2asdy 3andohom f elsite 3alashan ana ba7awel a3'ayar el Key bas beta3et el Vista Ultimate elli 3andi w mesh la2eeh aslan henak

[waledmm]

فين موضوع التسجيل الاول؟

[Osama_Sherif]

الموضوع قديم ومكتوب بتاريخ 25-11، جبته منين ده؟ :B
ده كان تصويت على التسجيل اللي تم السنة اللي فاتت في شهر نوفمبر
:)

[Monmon2010]

lol :D
لو عايز تسجل انا موجود
I'm the new Microsoft student partner
plz send a mail to msp.eng.shams@live.com with your name and your academic year and your College ID number and the email u want to register with :)

[ahm84]

انا بعت لك e-mail يا بشمهندس علشان أشترك في الموضوع ده

[Osama_Sherif]

مينا باشا .. فينك ياعم؟ الناس بتسأل عليك
خاصة هنا: http://www.h3sonline.com/forums/showthread.php?p=475823#post475823
عموما عايزين نبدأ الشغل يا ريس

[basoma]

انا نزلت ويندوز 7 و كتبت ال serial no. و حصل مشكلة و الويندوز وقع فهل ينفع استخدم نفس ال serial no. لما انزل الويندوز تانى و لا ايه؟؟

[ElOrabi]

انا نزلت ويندوز 7 و كتبت ال serial no. و حصل مشكلة و الويندوز وقع فهل ينفع استخدم نفس ال serial no. لما انزل الويندوز تانى و لا ايه؟؟
طالما على نفس الجهاز يبقى مفيش مشكلة