المساعد الشخصي الرقمي

مشاهدة النسخة كاملة : مهم جدا علشان امتحان ال SW لازم تدخل


la perle
11-14-2009, 10:47 PM
السلام عليكم و رحمة الله و بركاته,

بصوا يا جماعة انا هادخل في الموضوع عالطول,
الموضوع دا عبارة عن استفتاء عن حاجة المفروض نتطلبها من دكتور حسام

ايه هي الحاجة دي؟

عايزين نطلب منه حاجتين:

أولا: عايزين نطلب من الدكتور يحدد لنا هل مطلوب مننا نظري و لا لأ و لو مطلوب هل الslides كافية و لا لأ.

ثانيا: عايزين نطلب من الدكتور ينزل لنا شيتات على الحاجات اللى بنحلها في السكشن.

هتقولوا لي احنا ناقصين شيتات هقول لكم طبعا و دا احنا اللى محتاجينها كمان لأن أغلبنا مش عارف يذاكر ايه و مش فاهم هيتسأل ازاي في المادة دي و على الاقل حتى لو الامتحان مجاش زي الشيت بالضبط و دا شئ طبيعي هيكون عندنا فكرة عن شكل الاسئلة و طريقة الحل.

و يا ريت يا جماعة بلاش سلبية لان دا مش موضوع ببلغكم فيه حاجة علشان يبقى في 60 مشاهدة و بس 7 اللى يردوا دا استفتاء فالموضوع مش هيكمل غير بآرائكم .

و طبعا الردود هتكون خارج نطاق الهزار يعني ما بين مؤيد أو معارض أو مقترح لرأي جديد.

و انا هحاول أكلم الدكتور قبل محاضرة يوم الثلاثاء و يا ريت قبل الاتنين باليل يكون الكل أو أغلبنا على الأقل طرح رأيه علشان نقدر نستوضح الصورة و نعرف الكل عايز ايه.

و جزاكم الله خيرا و يا رب يا رب يوفقنا و اوعوا متكنوش ايجابين لان ساعتها هنبقى قصرنا في حق نفسنا

و السلام عليكم و رحمة الله و بركاته
Saad Saleh
11-14-2009, 10:52 PM
انا موافق على الكلام دا

عشان حاليا حاسس ان المادة دي خاصة .. إلى حد كبير "هلامية"

الشيت الوحيد اللي نزل يوحي بكمية من النظري .. لا بأس بها

هنقعد نحفظ و كلام فاضي

لكن عاوزين لما تنزل شيتات نشوف هنعمل ايه
Mohammed Abdel Hamid
11-14-2009, 10:57 PM
بسم الله الرحمن ارحيم

لو تحبوا أنا ممكن أتكلم لكم مع الدكتور حسام قبل المحاضرة و نتناقش جوة المحاضرة

مع أني مع الفكرة بشدة

بس مش حاسسس أنه هايوافق
Ahmed El-Serafy
11-14-2009, 11:00 PM
هوا طبعا كدا احسن...

بس يفضل لو تخلوها نقاش في المحاضرة... علشان يبقى متاح انا كلنا نتكلم... و طبعا بنظام :)

لأن من عهدنا بدكتور حسام... مش هيريحك ولا يرسيكي على حاجة لو كلمتيه برا قبل المحاضرة...

فخلوها جوا المحاضرة و عبد الحميد يقف يكلمه... و يسلمهولنا :D
la perle
11-14-2009, 11:06 PM
أنا معنديش مشكلة أبدا ان باشمهندس محمد يكلمه دا حتى احسن لي و اننا نخليها جوا المحاضرة دا حتى احسن بكتير بس اهم حاجة الناس تتفاعل و تتكلم
Ahmed El-Serafy
11-14-2009, 11:09 PM
هنتكلم ان شاء الله... متقلقيش :D

انا اقعدله قدام مخصوص يومها كمان!

المحاضرة الجاية ان شاء الله... صح؟
la perle
11-14-2009, 11:11 PM
بسم الله الرحمن ارحيم


بس مش حاسسس أنه هايوافق

إحنا المهم نعمل اللى علينا و هتفرق كتير لما يلاقي الناس كلها عايزة كدة يمكن ساعتها يحس إن في مشكلة بجد

تفائلوا بالخير تجدوه إن شاء الله

و يكفي ساعتها إننا مش هنبقى قصرنا

إحنا نعمل اللى علينا و الباقي على ربنا
doda5k
11-14-2009, 11:16 PM
it's OK with me
basoma
11-14-2009, 11:29 PM
انا موافقة بشدة
marwa shokry
11-14-2009, 11:56 PM
وانا معاكوا
electrenger
11-15-2009, 12:01 AM
يا ريت بجد
ان شاء الله فى المحاضرة
grand_fondo
11-15-2009, 12:52 AM
فعلا ده حاجه مهمه جدا وياريت يبقى في المحاضره
Tarek.M.Hesham
11-15-2009, 01:00 AM
دي فكرة كويسة ... بس فعلا تبقى احسن لو محمد عبد الحميد اتكلم مع د./حسام قبل المحاضرة اولا ثم نتناقش مع الدكتور في المحاضرة ان شاء الله
بس حابب اقول ان المادة دي فعلا اغلبها نظري .. وهو فعلا اللي محتاجينه اكتر هو الشيتات ...
وان شاء الله يكون هناك الافضل من الـ Helpful Team
tamim_saied
11-15-2009, 06:08 PM
موافق و بشده
بالذات موضوع الشيتات ده
بس اهم حاجه النظام
Omar_amin
11-15-2009, 06:15 PM
i'm in :)
المعتصم بالله
11-15-2009, 08:42 PM
جزيتم خيرا على الفكرة

موافق طبعا
mar_essam
11-15-2009, 08:43 PM
ثانيا: عايزين نطلب من الدكتور ينزل لنا شيتات على الحاجات اللى بنحلها في السكشن.

أنا مؤيده جدا لنقطه التانيه بس الأولى لأ
لأن الدكتور حيحس أن احنا بنهرج لأن في محاضره واحد سأله السؤال ده فالدكتور استغرب منه
فأنا بس مع موضوع شيت وكمان أنا شايفه أن السكشن ممتاز
Ahmed.Arafa
11-15-2009, 08:46 PM
يا ريت بجد قبل ما افقد الامل في الماده دي
Ahmed.Arafa
11-15-2009, 08:49 PM
و بعدين انا مش عارف مانعين الشيتات ليه مع ان شفت شيتات السنه اللي فاتت تقريبا مع البشمهندسه نسمه
يكونش هينزلوها مره واحده و يطلبوها ريبورت
Ghada_eng
11-15-2009, 08:59 PM
الفكرة جميلة ما شاء الله
جزاكِ الله كل خير
هو الأهم فعلا موضوع الشيتات دا...لأن الفكرة من المادة دى أصلا هى إننا نتعلم إزاى نفكر....و التدريب على دا مش هيكون غير عن طريق الشيتات و المسائل

أما موضوع انه يحددلنا النظرى المطلوب دا..أعتقد اننا مش المفروض نتكلم فى النقطة دى لأنه هيفتكر اننا عايزينه يقولنا الخلاصة و خلاص علشان الامتحان

ربنا يسهل إن شاء الله و نقدر نوصل لحل كويس فى المحاضرة
meemo
11-15-2009, 11:30 PM
انا موفقة جدا جدا جدا
controller
11-16-2009, 12:41 AM
بصراحه موضوع جميل جدا

اننا نطلب من الدكتور شيتات لان فعلا الماده دى تحس انها مزفلطه كده و ملهاش مسكه

و ياريت فعلا لو هنسالوا على النظرى نجبهالوا بطريقه حلوه علشان ما يحسش اننا عايزين الخلاصه و خلاص و اننا كل اللى عايزينه عايزين نعرف هل الslides كفايه ولا ايه نظامها
أحمد الفاتح
11-17-2009, 01:28 AM
ياريت بسرعة جداااا
عشان المادة بدئيت تتسرسب من تحت ايدى