المساعد الشخصي الرقمي

مشاهدة النسخة كاملة : Object-Oriented Programming Introduction Session


Osama_Sherif
11-08-2009, 04:37 PM
موعدنا يوم الأحد 15-11 بإذن الله مع Session مقدمة OOP باستخدام الـ#C
للبشمهندس "أحمد جلال" من رابعة حاسبات
باب الحجز مفتوح الآن مع بشمهندس معتز أو بشمهندسة غادة
(أرجو الناس تحجز قبل الكورس عشان نبقى عاملين حساب العدد)

الكورس تابع لحملة Let's Get Serious (http://www.h3sonline.com/forums/showthread.php?t=3272)
تكلفة الكورس 7 جنيه للمرة الواحدة
هيكون من 12:00 إلى 2:30 ظهرا

ده ملف كان عمله أحمد جلال فيه شرح OOP أنا رفعته كمثال على اللي هيتقال إن شاء الله
حمل الملف من هنا (http://h3sonline.com/forums/up//download.php?filename=46c3d722f9.pdf)
أحمد جلال كان مشارك في EE Courses وقدم كورس OOP باستخدام #C ممتاز ما شاء الله
ميزة الكورس إنه بسيط، وسريع
والتكلفة بسيطة جدا، 7 جنيه دول حجز المكان والداتا شو بالتقريب

بالنسبة للي لسه ماحجزش حتى الآن وعايز يحضر
البشمهندسين يبعتوا لبشمهندس معتز "TAZ" رسالة خاصة من خلال الموقع
والبشمهندسات يبعتوا لبشمهندسة غادة "Ghada_eng" رسالة خاصة من خلال الموقع
الرسالة الخاصة دي لازم يكون فيها: الاسم - والموبايل- والايميل - واسم الكورس (اللي عايز يحضره لأن فيه كورسات تانية غير ده في الحملة)

في انتظاركم يوم الأحد إن شاء الله
أرجو إنكم تستفيدوا من الكورس، وإن ربنا يتقبل منا ويوفقنا جميعا
:)
Tarek.M.Hesham
11-08-2009, 07:55 PM
ان شاء الله هاكون موجود ... بس مقولتش المكان فين؟ معمل مايكروسوفت زي الـ Matlab Session ؟
basoma
11-08-2009, 11:48 PM
هو خاص بال c#؟؟
Osama_Sherif
11-09-2009, 12:01 AM
الـOOP دي مبادئ عامة بتستخدمها دلوقتي العديد من اللغات زي ++C و#C وJava وVisual Basic وPHP وغيرهم كتير (حتى الـMatlab فيه OOP)

بالنسبة للـSyntax في ++C و#C وJava هو واحد تقريبا في الـOOP، احنا في مرحلتنا دي لن نشعر بالفرق
تقدري تنزلي الملف اللي انا حاطه عشان تشوفي أمثلة

فالكلام هيكون من خلال #C إن شاء الله، لكن تقدري تطبقي نفس الكلام بالضبط على ++C أو Java أو غيرهم
basoma
11-09-2009, 12:41 AM
طيب تمام




جزاك الله خيرا
hend
11-09-2009, 06:05 PM
بالنسبه للمعاد ممكن يتغير عشان عندى section
Farghaly
11-09-2009, 07:20 PM
أوك شكرا يا أسامه

i will come isa
Osama_Sherif
11-09-2009, 09:47 PM
بالنسبه للمعاد ممكن يتغير عشان عندى section
هو للأسف احنا محكومين بمواعيد أحمد جلال، يوم الأحد والثلاثاء فقط
كذلك محكومين بمواعيد الأماكن اللي بننظم فيها الكورس اللي مش بتزيد عن الساعة 2 ظهرا في المعتاد
فلو راجعتي الجدول بالنسبة لمعظم الدفعة تلاقي ده أنسب معاد

أنا أنصحك (لو تحبي تحضري الكورس) انك تحضري سكشن السوفت وير في النفس اليوم الأولى مع سكشن 3
او احتمال (مجرد احتمال لسه مش اكيد) سكاشن السوفت وير لسكشن 1و2 يتغير معادهم عشان مش هينفع الناس تستنى متأخر كده في الكلية يوم الماتش، ماحدش هيعرف يروح بيته في سلام
فلو حصل تعديل في مواعيد السكاشن دي ممكن تحاولي تحضري في المواعيد دي

معلش أعذرينا.. بس احنا بنحاول نوجد أفضل معاد ممكن
Creative
11-15-2009, 09:23 PM
السلام عليكم :)

أحب أشكر الناس اللي حضرت النهاردة , و أتمني أنهم يكونوا أستفادوا من الشرح.

و بإذن الله حرفع فيديو فيه شرح الكلام اللي قلناه النهاردة , عشان لو حد وقعت منه جزئية ولا حاجة.

بالتوفيق
Omar_amin
11-15-2009, 10:07 PM
السلام عليكم :)

أحب أشكر الناس اللي حضرت النهاردة , و أتمني أنهم يكونوا أستفادوا من الشرح.

و بإذن الله حرفع فيديو فيه شرح الكلام اللي قلناه النهاردة , عشان لو حد وقعت منه جزئية ولا حاجة.

بالتوفيق

Thanks kebeer ya fandem
Osama_Sherif
11-16-2009, 06:02 AM
جزاك الله خيرا أحمد جلال على الكورس
وعلى متابعتك معانا على السايت
:)
Creative
11-16-2009, 12:59 PM
جزانا و إيّاكم

ده الكود اللي كنا بنشتغل عليه .. يا ريت الناس تفتحه و تجرب تعمل زيه
هو متقسم 6 مشاريع ... كل مشروع له هدف مُعين.
mohamed atef
11-16-2009, 10:40 PM
شكرا