إقتراح هام (لتفعيل أعضاء المنتدى) [الأرشيف]

مشاهدة النسخة كاملة : إقتراح هام (لتفعيل أعضاء المنتدى)

النهضة

10-31-2009, 11:30 PM

إحم ... إحم

أعتذر بشدة على تقصيري الشديد الفترة الماضية في أدائي بالقسم الدراسي:TT:

ولكن يعلم الله إنه يشق عليا ويحزنني أن أقصر فيواجباتي إتجاهكم:hurt:

أنا بقالي أكتر من أسبوع النت مفصول من البيت ولما بخش المنتدى بنزل السايبر مخصوص علشان أشوف آخر الأخبار

لعله خير

إسمحولي أخش في تفاصيل الموضوع والإقتراح

نظرا لقلة التفاعل بالقسم الدراسي من قبل أعضاء دفعة تانية ميكانيكا

ففي إقتراح إننا نعمل نظام بحيث مفيش حد يقدر ينزل حاجة من غير ما يشارك برد

ولما يوصل العضو لـ30 مشاركة يتفتحله إمكانية التنزيل من غير ما يرد

والهدف من الموضوع ده إننا نكسر عند العضو جزئية عدم المشاركة وأظن لو العضو بدأ يشارك فإنه إن شاء الله لو فيه إيجابية هيكمل مشاركته معانا بعد ما يوصل لـ30رد بس لو هوه مش إيجابي@_@

يبقى مش مهم إنه يشارك ويكفينا إنه ينزل حاجته ويمشي

إيه رأكم في الإقتراح ده؟؟؟:^^:

مع العلم إنه مش إقتراحي

Mostafa 007

10-31-2009, 11:34 PM

من غير زعل .. :^^:

كنت بستحقر المنتديات ال عامله ال حركه دي عشان انا مينفعش ارد قبل ما اشوف ال انا عايزه و هل هو بالمستوي المطلوب ولا لأ ..
ثانيا الرد مش بالاجبار يا عبدو .. ولا ايه :)

النهضة

10-31-2009, 11:37 PM

تمام

أنا معاك يا مصطفى بس سؤال؟؟؟

الرد هيا خد من وقتك قد إيه علشان يعطلك

بالظبط 10 ثواني وده بمقياس الوقت مفيهاش تعطيل

3la2 2l_Din

10-31-2009, 11:42 PM

مش موافق
..
مش بحب اسلوب لوي الدراع
أكيد في اساليب تانية
..
ده بغض النظر عن ان ممكن ال 30 رد يبقوا شكرا.. أو أي رد مش مشاركة فعلية
و لو قلتلي الشكر مش ههتحسب:D يبقى دي مسخرة و كل ماتحاول تظبط هتوسع منك العملية
و أنا شايف أن خلي في اسلوب للترغيب مش للترهيب
جوايزأو مزايا(اضافية)مش تحرم الناس من الداونلود الدراسي@_@

ده رأيي:)

Bim Bim

10-31-2009, 11:56 PM

فكرة برضوا
في ناس كتير بتدخل تحمل من غير متقول اي حاجة خالص
هي ممكن تقلب ان مفيش حد يدخل اصلا علي المنتدي
بس لو عايز تعملها يبقي بلاش حكاية 30 رد دي , خليها اضف رد لاظهار الرابط.
بس كده وربنا يوفق.

3la2 2l_Din

11-01-2009, 12:06 AM

اضافة أي رد مش هتفيد أي حد

المشاراكات المفيدة فقط هي اللي هتفيد الجميع
..
و مش عايزين نضحك على بعض
كلمة الشكر اللي جاية من نفسنا هي دي اللي ليها معنى مش الشكر من أجل التنزيل فقط (نفاق)او(بتاخد صاحب الموضوع على قد عقله)
..
أما المشاراكات الايجابية مفيش أي وسيلة ترهيبية هتخرجها من جوا أي شخص محترم

خلوها تنافس شريف للارتقاء بالقسم.. و كل رد مفيد الناس تعلم عليه أنه مفيد مثلا و العضو ده يتحطله ده في لوحة الشرف مثلا..

فيبقى فيه تنافس أو تزودوله حاجات اضافية
لكن
مبدأ (هات علشان تاخد) ده مبدأ أعتقد انه ضد مبادئ المنتدى اللي هي (مساعدة الجميع)-مش اللي يرد غصب عنه بس هو اللي يستفيد-ولا ايه:)

Bim Bim

11-01-2009, 12:11 AM

والله كلام موزون , ووجهه نظر تحترم برضوا يا كبير.

3la2 2l_Din

11-01-2009, 12:11 AM

تشكر يا باشا:)

Bim Bim

11-01-2009, 12:19 AM

Shatla

11-01-2009, 12:26 AM

مش موافق
في ناس دايل اب
هتتبهدل في حوار الردود

ثانيا لو واحد انت اجبرته علي الرد وهو مش عايز هيرد بشتينة

احنا ممكن نعكسها يعني مثلا عشان نشجع الناس انها تشارك اننا
نعمل نظان نقاط لكل طالب مثلا
واحد هينزل محاضرة 3 نقط
واحد هيساعد في حل حاجة نقطتين
وهكذا
ده هيبقي ترغيب للرد والمشاركة

3la2 2l_Din

11-01-2009, 12:37 AM

العفو يا كبير , بس هو الراجل قصده من الفكرة دي ان يبقي في تفاعل اكتر شوية من الاعضاء بتوع ميكا وان يبقي في شوية تعاون , لانك لو تلاحظ ان هما كام عضو اعتقد لا يتعدوا 10 اعضاء هما اللي متفاعلين والباقي مفيش , اعتقد هدف الحكاية دي ان يبقي في تفاعل اكتر بين الناس علشان الفايدة تعم , ونقدر نساعد بعض علي نطاق اسوع , بس ده ميمنعش انك بصيت للموضوع من ناحية تانية وكلامك برضوا صح.

أنا مش معترض على الهدف..بالعكس أكيد كل ما المشاركين يزيدوا الفايدة هتعم
بس هنا بنتكلم عن المشاركة الفعالة مش مجرد الرد
..
الفكر هو اللي هيفيدنا مش الحروف اللي في الكيبورد هي اللي هتفيدنا:)
أنا معترض على الوسيلة دي للوصول للهدف ده
بس:)

مش موافق
في ناس دايل اب
هتتبهدل في حوار الردود

ثانيا لو واحد انت اجبرته علي الرد وهو مش عايز هيرد بشتينة

احنا ممكن نعكسها يعني مثلا عشان نشجع الناس انها تشارك اننا
نعمل نظان نقاط لكل طالب مثلا
واحد هينزل محاضرة 3 نقط
واحد هيساعد في حل حاجة نقطتين
وهكذا
ده هيبقي ترغيب للرد والمشاركة

فكرتني برد بتاع واحد فوق:you:

Bim Bim

11-01-2009, 12:44 AM

أنا مش معترض على الهدف..بالعكس أكيد كل ما المشاركين يزيدوا الفايدة هتعم
بس هنا بنتكلم عن المشاركة الفعالة مش مجرد الرد
..
الفكر هو اللي هيفيدنا مش الحروف اللي في الكيبورد هي اللي هتفيدنا:)
أنا معترض على الوسيلة دي للوصول للهدف ده
بس:)

فكرتني برد بتاع واحد فوق:you:

فعلا , بس هو نوع من تحبيب الناس في المنتدي لان فعلا في الكلية شايف ان ناس كتيرة اوي كارهه المنتدي من غير متدخل عليه اصلا , بس كلامك صح , احنا مش عايزين حد يبقي متضرر وهو بيرد , ولو مفيش حاجة هيضيفها جديدة يبقي الرد ده قلته احسن.

3la2 2l_Din

11-01-2009, 12:50 AM

يبقى أور تارجت از تو ماك بيبول لوف أور فورام أند تو كاتاليز زيم تو شار ويز أس يوزفولي

حد يترجم علشان أنا داخل أنام و مش عارف أكتب الرد اللي فوف ده غير ريفيرز فرانكو

Bim Bim

11-01-2009, 12:54 AM

يبقى أور تارجت از تو ماك بيبول لوف أور فورام أند تو كاتاليز زيم تو شار ويز أس يوزفولي

ده انجليزي ده يا كبير :^^::^^:

kinglear

11-01-2009, 01:13 AM

سلام عليكم انا متاكد ان الناس عندنا لما هترد
هتألش
خصوصا علاء
بلاش احسن

حازم مجدى تاج الدين

11-01-2009, 06:13 AM

السلام عليكم

انا رأى نشوف حل تانى

و بلاش نيأس

حازم مجدى تاج الدين

11-01-2009, 05:39 PM

انا عندى فكره ننشط بيها المنتدى تانى

إننا نطبع ورقه عليها إسم المنتدى (ورقه ابيض و أسود)

و فوق الإسم كام جمله ساخنه من إياهم مثل (عايز تعرف أخر أخبار الكليه--عايز تقول رأيك--عايز تسأل عن اى حاجه مضايقك) و هكذا

و نطبع يجى 20 أو 30 ورقه A4

أيه رايكم؟؟؟؟؟؟

3la2 2l_Din

11-01-2009, 05:46 PM

Shatla

11-01-2009, 06:23 PM

كويس:)

الحمد لله
''\

Arch_MontaseR

11-01-2009, 06:38 PM

فكره غير مجزيه خالاص يا عبده وملهاش اى فايده لسبب واحد بس

اننا مبنشتغلش عشان حد يرد علينا او يقول شكرا

تحب مين اللى يقلك شكرا زميلك ولا ........

مش زملتك يعنى عارف فى ناس دمغها زى شتله كده :P

زميلك ولا ربنا يجازيك على شغلك خير وشكر من عنده ؟؟؟

واللى عايز يستفيد مش من الضرورى يفيد كفايه انو استفاد وهو من نفسه لو عايز يفيد سعتها بس هيفيد بجد

انما نحاول يخليه يفيد بالعفيه ده مش طريقنا يا عبده

طريقنا انت عرفه كويس يا حبى

ربنا يعينك

تم التصويت

Bim Bim

11-01-2009, 10:46 PM

كلامك موزمن يا كبير , متبقاش تنسانا يا منتصر

Arch_MontaseR

11-01-2009, 11:45 PM

مقدرش يا حبى انساكم

صحيح ايه موزمن دى ؟؟؟

Bim Bim

11-01-2009, 11:47 PM

مقدرش يا حبى انساكم

صحيح ايه موزمن دى ؟؟؟

معلش يا كبير , خطا مطبعي

قصدي كلامك موزون

Arch_MontaseR

11-02-2009, 12:21 AM

هههههههه

احبك وانت دقيق

اوعى بقا تمشى فى المطر لتبقا عجينه :D

Zeinotronics

11-02-2009, 02:50 AM

مش موافق وش طبعا يا جيلّ النهضة .. :P
بصوا هو كان فيه اقتراح كدا يكون الاعضاء بتقيمات و عن طريق التقييم ممكن الحوار يتظبط لو تم يعنى النظام ده ..
حد فاهم حاجة ؟؟
أنا أصلا مش فاهم عادى يعنى .. :D

Arch_MontaseR

11-02-2009, 10:18 AM

يلا ياد من هنا

ده اى كلام بيتقال ياعم الحج

اجبلك نبيت :p

Shiko

11-02-2009, 06:00 PM

مبدأيا
جزاك الله خيرا على الاقتراح
بس بصراحة
فكرة غير سديدة على الاطلاق
لان قوة الموقع مش بتتقاس ابدا بعد الردود اللي فيه و لكن بمحتوى و موضون المشاركات و المواضيع
و بالتالي يزيد الطلب عليه
هذا الموضوع(لابد من الرد للتحميل) من وجهة نظري المتواضعة فاشل للغاية
و هيؤدي لمشاكل كتير منها
-انك هتقلل عدد المشتكرين في المواقع من خلال ان كل 3 او 4 ممكن يتسخدموا عضوية واحدة زي فكرة الموقع ده
http://www.uzerat.com/
-هتزود مدة تحميل الصفح بعدد من الردود اللي مالهاش اي لازمة و تكتر الصفحات بدون داعي
( مراعاة الدايل اب)
-المشاكل اللي هتحصل لو تم غلق موضوع او حذف مشاركات او ما الي ذلك
-القلش في غير موضعه

متاسف
اعترض بشدة على الفكرة

اقترح الاهتمام اكثر بمستوى المادة العلمية(محاضرات و سكاشن و شيتات و ما الى ذلك) المقدمة من خلال صفحات المنتديات الدراسية
لزيادة فاعلية المنتدى
شكرا

جزاكم الله خيرا
:)

النهضة

11-03-2009, 09:27 PM

جزاكم الله خيرا على الردود والإقتراحات

وأنا كان هدفي من إثارة الموضوع ده أعرف آرائكم ونشوف حلول للمشكلة دية

وأنا إقتنعت بإن الوسيلة دية مش مناسبة

وأنا هدفي من الموضوع ده مش كلمة شكر تتحط وتمشي وخلاص

أنا هدفي من الموضوع ده إن أكسر رهبة المنتدى لدى طلبة الدفعة

فإن شاء الله الموضوع ده مغلق

وسيتم فتح موضوع آخر للإقتراحات لتفعيل أعضاء المنتدى

وجزاكم الله خيرا

:^^: