فكرة

[Hermione]

أنا كنت فكرت فى حاجة لما عرفنا ان السايت مقفول يوم الأحد..

الفكرة أن فى دفعات كتير بتعتمد على المنتدى بشكل أساسى فى نقل الاخبار ....يعنى مثلاً احنا كان عندنا سكشن امبارح الأولى احتمال يتلغى بس المعيد لقى ان مفيش وسيلة يبلغنا بيها (عشان المنتدى كان مقفول)...فقالنا خلاص فيه سكشن(مع بقاء احتمال انه يتلغى)...والنتيجة انى وكتير من زميلاتى طنشنا السكشن وقلنا نحضره فى ميعاد تانى.

فأنا فكرت ان يكون عندنا وسيلة اتصال تانية احتياطية بحيث لو - لا قدر الله - حصلت مشكلة تانى الناس تدخل عليها تتأكد ان مفيش حاجة طارئة حصلت.

يعنى ايه رأيكوا مثلاً تكون لينا group على ال yahoo أو ال facebook ؟ وطبعاً ده مش هنفتحه الا فى الحالات الطارئة زى ما قلت (يعنى مش بديل للمنتدى بأى حال )

فى انتظار ردودكم و اقتراحاتكم.

[basoma]

هو احنا لينا group على ال facebook
http://www.facebook.com/photos/?ref=sb#/group.php?gid=142205539984

[DarK MaSTeR]

اعتقد ان كل دفعه ليها جروب او اكتر :D
على الفايس بوك
بس معظمهم ديد
او بيستخدم فى الشات و كده بس

ممكن يبقى بالتنسيق مع المنتدى بتعمل جروب لكل دفعه مثلا يبقى فيها الاخبار
بس لو نضمن ان الاعضاء مش هيسيبوا المنتدى و يتجهوا للفايس بوك

اعتقد هنقابل ده مشكله
و هتلاقى ناس بدأت تتجه للفايس و مش هيدخلوا المنتدى الا عشان تحميل المحاضرات بس

[Osama_Sherif]

هي فكرة كويسة مبدأيا
بس محتاجة تفكير شوية، لأن مش كل الناس عندها account ع الفيس بوك

فيه فكرة تانية بنفكر فيها حاليا، إن الايميلات بتاعت كل قسم تتجمع مع بعض
ولما يحصل اي حاجة كده لا قدر الله ونحتاج اننا نبعت خبر مهم للناس، نبعت لهم ع الميل

قريبا الادارة هتحدد إن شاء الله، ويمكن نستخدم الفكرتين مع بعض
جزاكِ الله خيرا

[Tarek.M.Hesham]

فيه فكرة تانية بنفكر فيها حاليا، إن الايميلات بتاعت كل قسم تتجمع مع بعض
ولما يحصل اي حاجة كده لا قدر الله ونحتاج اننا نبعت خبر مهم للناس، نبعت لهم ع الميل

اعتقد هذا الاقتراح افضل ...
مينفعش حد يبعتلنا SMS على الموبايل :^^:؟:^^:

[kity]

ايوه اقتراح الميل افضل من البتاع اللي اسمه الفيس بوك ده . بجد ده رخم جدا

[Bim Bim]

بلاش الفيس بوك ده , ياريت العملية دي تكون باي طريقة اخري.

[30 دقيقة مع الله]

بالرغم من انى ماعتقدش انى فيه حد هنا بيدخل على السيت ماعندهوش اكونت على الفيس بوك

بس طريقه مش رخمه اوى كده وحكايه الايميلات مش وحشه برضه

[som3aa]

ياريت الفيس

[temon]

yup

[Hermione]

لو الناس شايفة مشكلة فى الfacebook مفيش مشكلة...ممكن نعمل على ال yahoo groups واحدة لكل دفعة والمشرفين اللى هيمسكوا الموضوع ده يتأكدوا انه تكون مقفولة طول الوقت لحد ما نحتاجها.

فكرة الe-mail حلوة برضه...بس المشكلة أن احياناً ممكن تحصل مشكلة و الe-mail ميوصلش (حصلت معايا كتير ) أو انه يوصل متأخر فالناس متلحقش تشوفه ....وعشان كمان يكون فيه وسيلة مباشرة للمعيدين والدكاترة أنهم يوصلوا لينا فى حال مقدروش يوصلوا للمندوبين (بدل ميكونوا مطالبين بارسال 200 e-mail للطلبة)

[electrenger]

أظن الايميل أفضل

[المعتصم بالله]

انا ما عنديش عضوية على الفطيس بوك !!!

[Ahmed El-Serafy]

الايميلات ممكن تتجاب من الـ database بتاعة المنتدى بسهولة...

الفكرة... هل الناس بتفتح ايميلاتها بانتظام؟!