اعتراض

[RIDDICK]

الصراحة انا عامل الموضوع ده عشان كل م اخش المنتدى عينى تقع على جملة بتستفزنى جدا .. فـ قلت و ليه تعب القلب يعنى م انا اقول رأيى فيها وخلاص ..

علوم إنسانية (((( إنسانية جدا )))))

يعنى انا عاوز اعرف .. الكلمة اللى مابين الاقواس دى واللى وصفتوا بيها قسم العلوم الانسانية .. معناها ايه ؟؟ .. هل هى استهزاء بعلم من اعظم العلوم فى الكون - بعد الطبيعة - ولا هى تقليد لجملة سمعناها فى فيلم ولا من ممثل فاشل لا يرتقى حتى للتحدث عن الانسانية .. ولا هى استخفاف وخلاص ؟؟ .. ولو هى استخفاف وخلاص ف أظن انها استخفت بشىء فيه ناس تانية مش شايفه انه مضحك على الاطلاق ..

وانا بطلب ان الجملة دى تتغير .. (( مع تفسير الجملة اللى مكتوبه فى وصف القسم لأنى مش فاهمها الصراحه ))

و ارجو يا جماعة اننا ناخد الموضوع على محمل الجد و فى نفس الوقت محدش يتدايق من اسلوبى لو بان انه حاد .. انا كان ممكن ادخل واعمل الموضوع بهزار وضحك بس خفت ان الموضوع يتقلب تهريج ..

شكراً

[ROUDY]

عندك حق .. انا بردوا بتنرفزني (انسانيه جدا )..
ويستحسن تتغير..

[Λ7MD]

صح كده

[Amr Elsehemy]

طيب أولا ربنا شكرا بس على إنك بتنبهنا -بأدب- للملاحظات اللى عندك (:

إن شاء الله أول ما مشرفة القسم توصل هترد على حضرتك و توضحلك وجهة النظر ...

و ممكن حضرتك ساعتها تناقشها براحتك ...

تمام كدا ..

[Eslam_h3s]

اكيد يعنى مش المقصود منه التريقه و لا حاجه

هو مجرد اضافه روح الفكاهه او عامل جذب للناس لكن مش المقصود التريقه

زى

تكيه و لا ملجأ يا سيدى اهو كله برتقان

اخبار السادسه و العشرون ( هو احنا بنتريق ع الاخبار كده )

وكر المينز أموشن سلك شائك

كل ده مش تقليل من اى قسم اعتقد هو عامل جذب بس

و حاجات تانيه كتير غيرهم
و المنتديات التانيه 2011 2012 كانت فيها كلمات كتير كده برده

بس هو ده اللى بعتقده

[Eslam_h3s]

ع فكره صحيح انا مش مشرف القسم و لا من الاداره و لا حاجه انا عضو عادى بس ده راي بس

[RIDDICK]

طيب أولا شكرا بس على إنك بتنبهنا -بأدب- للملاحظات اللى عندك (:

إن شاء الله أول ما مشرفة القسم توصل هترد على حضرتك و توضحلك وجهة النظر ...

و ممكن حضرتك ساعتها تناقشها براحتك ...

تمام كدا ..


تمام جدا

..


اكيد يعنى مش المقصود منه التريقه و لا حاجه

هو مجرد اضافه روح الفكاهه او عامل جذب للناس لكن مش المقصود التريقه

زى

تكيه و لا ملجأ يا سيدى اهو كله برتقان

اخبار السادسه و العشرون ( هو احنا بنتريق ع الاخبار كده )

وكر المينز أموشن سلك شائك

كل ده مش تقليل من اى قسم اعتقد هو عامل جذب بس

و حاجات تانيه كتير غيرهم
و المنتديات التانيه 2011 2012 كانت فيها كلمات كتير كده برده

بس هو ده اللى بعتقده

فيه فرق كبير طبعا .. كل الاقسام اللى انت قولتها نهزر فيها براحتنا انا مقولتش حاجة قسم اسمه ( cafe online ) وكان زمان اسمة الملجأ هتتوقع منه ايه يعنى ؟؟ .. ده قسم معمول عشان تحط فيه مواضيع رغى واى حاجة وخلاص ملهاش موضوع محدد ..

لكن اما بكون بتكلم عن شيى جادى .. عن علم م اتريقش عليه عشان ده بالعكس بيقلل من اهميته وبيخلى الناس تسخر منه ..
وبعدين انا مش هدخل اشارك فى القسم - بالنسبة لجذب الناس - عشان مكتوب عليه ( انسانية جدا ) ..

وبينى وبينك الفكرة ف حد ذاتها كارثة والله وهو ده اللى منرفزنى اصلا ان فكر مجتمعنا بقى انك تحاول تجذب الناس بالتفاهه ..
قبل كده - او الصح - ان معايير جذب انتباه الواحد لموضوع هو الموضوع نفسه مش التفاهه ..

يعنى لو انا مهتم بالفلك اتناقش فى المواضيع بتاعته لمجرد انى بحب علم الفلك وبلاقى متعه ف كده مش عشان علم الفلك مضحك ..

كل قصدى ان السخرية اه شىء جميل وممتع ، ده لو انا بسخر من حاجات تستحق كده .. لكن انى اضيف عامل الفكاهه والسخريه لعلم عشان اجذب الناس ليه او لمجرد انى لقيت انها مضحكه .. ده شىء مش لطيف ..

[Mahmoud ABD el LATIF]

انا لحد دلوقتي مش عارف ايه الغريب قي كلمة انسانية جدا رغم انها مستفزةبس مش شرط ناخد الموضوع بسوء نية و انها تريقة و كدا ""رغم ان ..>>احم احم...."

بس مستنين رد المشرفة :)

[pirate engineer]

fakes ya menz

high

bi

[RIDDICK]

بس مستنين رد المشرفة


وانا كمان

[deadman]

احم اضم صوتي ليك يا شريف ..

احم .. هو تقريبا ده اسلوب نبيل فاروق ؟.. اللي هو : مهمة من طراز خاص جدا .. خاص جدا .. جدا ..

يا ريت فعلا يتغير ..

[Zeinotronics]

مستفزة !!!
طيب أنا مش هعلق ..

[النهضة]

أول مرة ليا أعرف إنه في قسم اسمه

علووووووووم إنسانية!!!!

[m.tarek]

مالها يا جماعة إنسانيه جدا
:D

[deadman]

مستفزة !!!
طيب أنا مش هعلق ..


طبعا مستفزة ..

ايه علة : انسانية جدا ؟ فادت بإيه : جدا ؟ حتى لو مش مكتوبة كسخرية او هزار .. فادت بإيه الاضافة ؟

قال يعني لو علقت هنخاف ووشنا هيزرق ( جدا )

[Mahmoud ABD el LATIF]

انا مش فاهم ايه لازمة النرفزة في الطلب ده اصلا !!!!!!

[Zeinotronics]

طب مين الكتكوت بس الأول .. :D
ايه المشكلة أصلا فى "انسانية جدا" دى للدرجة اللى تخليك تقول مستفزة ..

بجد مش فاهم يعنى !!
ممكن يكون الاسم مش عاجب سعادتك بس بردو مستفزة أزاى يعنى ؟؟؟؟

مستفزة يعنى مثلا كل ما تبصلها تلاقى الوزة اللى فى مستفزة بتطلع لسانها لك ..
بلاش أفورة يا بطة .. مش لدرجة مستفزة يعنى ..

[Zeinotronics]

انا مش فاهم ايه لازمة النرفزة في الطلب ده اصلا !!!!!!

على فكرة بالضبط ده اللى اقصده ..
و عايز كمان اضيف تلات علامات تعجب لكلامك يا بشمهندس .. :D

!!!

[Zeinotronics]

أحم ,
بص يا حمادة دلوأت ممكن اجى و اقولك ...

ايه يا جماعة اللى بيحصل ده .. بجد حاجة مستفزة جدا :angry:
ازاى القسم اللى اسمه ابدع ده يكون من غير وصف ... أنا لحد دلوأت مش عارف ده بيتكلم عن ايه ..
طب دلوأت ابدع ازاى يعنى ..
يعنى ده خاص بالرسم ولا المواهب الشعرية ولا كتاب القصص ولا برامج الجرافيكس ولا اجيبلك مواهب كروية ..

كله ابداع بأة !!!
ازاى يكون القسم مش متوصف ... بجد أنا متضايق أوى لأنه حاجة مستفزة ..

هو مش حضرتك المشرف لازم ترد عليا بأة عشان الموضوع ده عاملى أحباط و مش مخلينى اعرف اذاكر و بيصحينى بليل على كوابيس .. :D

[Mahmoud ABD el LATIF]

اده اده
انقسامات ادارية و تخبط اداري و و عاوزين نعقد الجمعية العمومية ونعيد الانتخابات

و صحافة الجزاير مش هتسيبنا

:^^:


هدوا اعصابكم يا جماعة

ولا انتم اصحاب و بتضحكوا علينا ولا ايه :)

[Zeinotronics]

حاجة أخيرة بأة ..
أنا شايف الاسم كويس .. :D

[Amr Elsehemy]

طيب ماحنا قلنا للما المشرفة تيجى تقولنا رأيها
و ناقشوها براحتكم !!

[Zeinotronics]

محمد ممكن تضيف الايموشن ده :D) فى مشاركتك لأن اللى هيدخل هيفتكرك بتتخانق معايا .. :lol:

[deadman]

محمد ممكن تضيف الايموشن ده :D) فى مشاركتك لأن اللى هيدخل هيفتكرك بتتخانق معايا .. :lol:

بس يا ميكانيكي ..

هضحكلك انتا على ايه !! انا ارتبطت خلاص :^^:..

ابدع : يتعمله وصف .. بس ميبقاش وصفه : يا حلو سايق ليه الهبل ، تعالى و قشر وابتدع !

اللي اقصده : ايه لزمة : جداً ؟ سواء مستفزة او مش مستفزة .. ايه علتها ؟ فاهم قصدي .. يعني العلوم الانسانية دي فيها فلسفة ومنطق .. فين المنطق في ده ؟ هو في انسانية جدا وانسانية سيكا وانسانية هبابة ؟

ياد يا مشحم علامات التعجب دي ماركة مسجلة ليا .. مش هعدهالك لو استخدمتها تاني !

[Zeinotronics]

http://www.mo3afa.com/cards/sowar/albums/userpics/10006/normal_CAT.jpg

[som3aa]

فين المشرفه يا عمرو

[temon]

ماشى يا بوب

[Asma]

السلام عليكم ..

لم أر الموضوع حتى تم إرسال رابطه لي .. و ربما لو كان في القسم نفسه كنت أراه أسرع لأسباب ما ..

اسم القسم مشتق أو هو اسم كتاب للفيلسوف الألماني " نيتشه " .. و ترجمة اسم الكتاب اختلفت بين " علوم انسانية ..انسانية جداً " و " علوم انسانية انسانية لأقصى حد " و اسم ثالث لا أذكره يختلف في آخره جداً .. و الواقع أني كنت أريد الأول لكن قدّر الله أثناء إعطائي الاسم لفريق الـ it أن يأتي الثاني لبالي ...

بالنسبة للوصف فهذا الموضوع يشرح

http://h3sonline.com/forums/showthread.php?t=585

و إن كان شيء سيزعج في هذا الموضوع فلن يكون هو اللهجة و إن كانت ما كانت .. إنما ما يثير الكثير من الإحباط و الاستغراب أن الناس لم تعرف برغم أن البعض كان مفسراً .. مما يشير إلى أن أحداً من الرادّين لم يدخل القسم و لم ير ما كتب .. و معناه أن المجهود المبذول ......................

لا بأس .. خير بإذن الله ..

[deadman]

احم ..

محدش اتكلم على الوصف لانو مشروح ف التوبيك .. عن نفسي قريت التوبيك اول ما اتضاف .. و اكيد ريديك قراه ..

التعليق على اسم المنتدى نفسه ..

طب ايه علة نيتشه ف اضافة : جداً ؟

[Amr Elsehemy]

reddek كان سأل على الوصف برضه يا محمد فى أول مشاركة عشان كدا م.اسماء بتوضح ..


وانا بطلب ان الجملة دى تتغير .. (( مع تفسير الجملة اللى مكتوبه فى وصف القسم لأنى مش فاهمها الصراحه ))

[deadman]

ليك عندي سندوتش جبنة بالزتون ..

[RIDDICK]

انا مبشاركش فى القسم خالص .. انا اصلا مبفتحوش .. بس بحب العلوم الانسانية جدا وليا اسبابى اللى مخليانى مبفتحش القسم .. المهم يعنى ، اولا حتى لو نيتشه كان قال كده ، ايه معناها برضه ؟؟ .. ثانيا اظن ان محدش كان عارف موضوع نيتشه ده الا حضرتك .. ثالثا التفسير الخاطى للجملة وكل ما اقصده بيها ان العلوم الانسانية يتقال عليها ( انسانية جدا .. انسانية خالص .. انسانية اوى ) ان ده كان مصطلح اتقال قبل كده ف فيلم او مسلسل مش عارف بالظبط وكان هدفها مش ظريف .. يعنى القصد ان المعنى السائد فى مجتمعنا والمقصود بالجمله دى هو اكيد معنى غير اللى كان يقصده نيتشه ..

المهم برضه ان انا شايف ان الجملة ملهاش اى لازمه سواء نيتشه كان قالها او الحاج سيد واولاده مش هتفرق .. وحاجة كمان :

و إن كان شيء سيزعج في هذا الموضوع فلن يكون هو اللهجة و إن كانت ما كانت .. إنما ما يثير الكثير من الإحباط و الاستغراب أن الناس لم تعرف برغم أن البعض كان مفسراً .. مما يشير إلى أن أحداً من الرادّين لم يدخل القسم و لم ير ما كتب .. و معناه أن المجهود المبذول ......................
ارجو م يكونش الرد موجه ليا فى حالة اللهجة ولو موجه ليا الاقى اسمى يا ريت .. وبقولها تانى اهوه ، انا لو كنت حطيت ايموشن بيضحك بعد كل كلمتين كنت هبقى حلو اوى ، بس انا وضحت ان ده عشان محدش يقلب الموضوع تهريج .. وللأسف ده حصل برضه من بعض الاعضاء .. اما فى حالة المجهود المبذول فإذا كنتى تقصدى المجهود المبذول فى القسم يعنى ، او ما يعادل ( ان اللى مبيشاركش فى القسم مالوش الحق ف انه يعترض ) فأظن ان ده مش مقياس ..

شكرا .. جداً ..

[Mahmoud ABD el LATIF]

بصراحة



لا تعليق


الاول المفروض كان الاعتذار للمشرفة اللي نقت الاسم بناء على وجهة نرها و تفكير منها و فسرت كدا و حضرتك معجبكش الاسم و اتهكمت عليه ""بعد ما كنت فاكر ان الاسم ده تهكم عالقسم "

عموما انا شايف ان لو هيحصل تغيير حتى يكون ب vote للناس المشاكرة مش حضرتك بس نشوف مين عاجبه و مين معترض عليه؟؟

:)

[Asma]

عفواً لم أنتبه إلى أن كلاماً أضيف بعد مشاركتي ..

عموماً ... بحثتُ عن سبب تسمية نيتشه لكتابه بهذا الاسم فلم أظفر بشيء ..

و عموماً سبب تسمية القسم بهذا أن الاسم المعبر عن القسم ( علوم انسانية ) نمطي للغاية .. فضلاً عما قد تثيرته نظرية العلوم من الإملال خاصة و أن القراءة من الحاسوب غير مريحة .. لذا فقد رأيت أن هذا الاسم مناسب ..


انا ارجو م يكونش الرد موجه ليا فى حالة اللهجة ولو موجه ليا الاقى اسمى يا ريت


أنا ذكرت أن اللهجة لا تشكل إزعاجاً .. و إنما قلت هذا لأنك يا فندم قلت ( عفواً للجهة لكن ...... ) ..فذكرتُ أنا أن اللهجة لا شيء بها إنما المحزن في الأمر هو كذا ...


ثانيا اظن ان محدش كان عارف موضوع نيتشه ده الا حضرتك ..

هل ممكن أعرف مقصدك من هذه يا فندم ؟..




اما فى حالة المجهود المبذول فإذا كنتى تقصدى المجهود المبذول فى القسم يعنى ، او ما يعادل ( ان اللى مبيشاركش فى القسم مالوش الحق ف انه يعترض ) فأظن ان ده مش مقياس ..

لا أقصد هذا بالتأكيد .. قصدت أن مجهوداً بُذل في القسم للتعريف بكذا و كذا .. ثم أظهر هذا الموضوع أن المعظم لا يعرفون المقصود .. و بالتالي فلكأن المجهود المبذول ضاع هباءاً لأن أحداً لم يستفد منه و لم يعرف ..هذا ما قصدته ..

بيد أني أستغرب بعض الشيء .. حضرتك يا فندم لم تُصب في فهم عدّة أشياء من المكتوب هنا .. و هذا ما أستغربه لأني أذكر أن حضرتك كنت شديد الملاحظة و الفهم لما ليس ظاهراً في منتدى ثانية ... مما يجعل الأمر يبدو الآن كما لو أن هناك أشياء تضايق أو أشياء تعترض عليها أخرى .. فلو ذلك فتفضل يا فندم ...

كان الله بعون الجميع ..

[مصراوى]

يا جماعة انما الاعمال بالنيات ومعنقدش ابدا ان كلمة "انسانية جدا"بغرض التريقة و انما هى تعليق ظريف عشان نزور القسم وتاكيد على فايدته

[som3aa]

الموضوع خد اكبر من حجمه

[Zeinotronics]

الموضوع خد اكبر من حجمه

جدا ..

[deadman]

معلش ..
ده تعليق عام ..

مش كل حاجة نقول : الموضوع خد اكبر من حجمه ..

اولا : التوبيك فيه عضو عنده اعتراض على حاجة .. وفي مشرفة بترد .. والاعتراض مش على حاجة بسيطة .. و المعترض انسان انا عن نفسي بحترمه .. يعني لا هو سطحي ولا بيحب المشاكل وخلاص ..

ثانيا : التوبيك موصلش ستين صفحة والناس سابت مذاكرتها والادارة سايبة شغلها ولاجئين ف التوبيك هنا ..

النقاش يبقى خد اكبر من حجمه لما يتفرع .. لكن لسه لحد دلوقتي موصلناش هل الكلمة هتتغير ولا لأ ..

---------------

الافضل نقترح اسماء بديلة ويكون ليها نفس الاثر من الجذب .. لكن تحافظ على قيمة المنتدى نفسه..