أهلا بقسم انتاج [الأرشيف] - منتدى هندسة عين شمس

La princesse

08-02-2010, 11:57 PM

أهلا بشباب انتاج :khrbai:
يا ريت عايزين الدفعات الأقدم نكلمنا عن القسم والمواد بتاعة انتاج وجزاكم الله كل خير

محمد محمود محمد سعيد

08-04-2010, 01:12 AM

لكل مملكة تاج وتاج الهندسة ميكانيكا انتاج
مهندس الانتاج هو مهندس تصنيع manufacture فهذا القسم يتيح لك التفكير الصحيح حيث يعطى لك الملكة فى التفكير فان القسم يهتم بطرق التصنيع المختلفة فتخيل كل شى حوليك سواء من

ساعة حائط - اكر الابواب- المفصلات- الخلاطات - المواسير - المسامير - الشماعات- شاشة التليفزيون- التليفون الثابت- الجوال- الكمبيوتر المتواجد امامك الان- الشبابيك الالومنيتال-المنبهات الصغيرة - اللمبات -الكراسى المعدنية- المنشات المعدنية- السماعات - الطائرات - الصواريخ- المدافع - المسدسات - المدرعات- الباخرات - الشبكات الكهربائية- الاسلاك الكهربائية - الاوناش - البويات- الاسمنت-الحديد سواء تسليح او غيرة- المجالس المعدنية -السيارات- مواسير المياة والصرف الصحى - غطيان البلوعات -او الاوانى المعدنية- السيراميك- البلاط- المعالق وادوات الطعام - الاسطوانات المدمجة والهاردات- اللاب توب - مواتير الديزل- محصات الكهرباء او المياة- الاقلام المستخدمة فى الكتابة او الرسم او التلوين - الكراسات والكتب- غطيان الكهرباء - حاملات الستائر و الاستندات- تصنيع ماكينات الخراطة والفرايز والتجليخ وماكينات الخياطة
والتطريز والسرج - اللحام بانواعة -تصنيع الشنيور الكهربى او المكانس الكهربائية- تصنيع السيارات

تهتم هندسة الانتاج بدراسة وسائل واساليب الانتاج المتعدده وما يتعلق بها من دراسات
مثل
الاحصاء وضبط الجودة
التنظيم الصناعي
الاقتصاد الهندسي وادارة المشروعات
اما المواد الاساسية التي تدرس في هندسة الانتاج فاحيانا تشترك مع هندسة القوى مثل
الرسم الميكانيكي
التصميم
نظرية الماكينات(تقيله ولكنها تعلمك ميكانزمات التشغيل الاساسية)
ميكانيكا الموائع (مادة اساسية في باور)
وتنفرد بمواد اخري مثل
التشكيل(يدرس في كورس نظري واخر عملي)
التشغيل(يدرس في4 كورسات نظري واخر عملي)
التحكم الرقمي في الماكيناتcnc (مستقبل الصناعه وحاضرها)
علم الروبوتات
علم الميكاترونيكس(يجمع بين هندسة التحكم الرقمي والميكانزمات الميكانيكية)

هذا باختصار شديد عن الدراسة
أما عن الوظيفةفتشمل 5 مجالات اساسية
مهندس انتاج في مصنع ومسؤليته سلامة وصيانة احد خطوط الانتاج
مدير انتاج (التطور الطبيعي للمهندس) تتسع مسؤلياته عن المهندس لتشمل القسم كاملا
مهندس أمن صناعي ويشترك معه او يتفوق عليه فيها تخصص الهندسة الصناعية
مهندس صيانه (عمليا بتتوقف على الخبرة)
وفي بعض الكليات يوجد تخصصنا شامل انتاج وتصميم ميكانيكي وبذلك يضاف للوظائف السابقة مهندس تصميم وللمواد التي تدرس كورس تصميم
مهندس التصميم النهاردة مهمته اسهل في ظل وجود برامج جديدة بتساعده زي
solidworks
inventor
powershape
catia(اعقد واحد)
وكتير غيرهم
طبعا الاوتوكاد برنامج رسم لا يستهان بيه وخصوصا اصدار 2007 لانه ميكانيكي اساسا

اهم حاجه لمهندس الانتاج بالنسبة للكورسات
الكمبيوتر وبرامج التصميم
كورس الامن الصناعي
ولاي مهندس الاوتوكاد والتدريبات العملية عشان تتعلم صح ومن غير كده
بالنسبه للشباب فرص العمل الحمد لله متوفرة
اما بالنسبه للبنات مجال التصميم افضل ورسم الاوتوكاد
وبجد اختيار القسم ده للبنت مخاطرة في حالة عدم تحديد الهدف منهاو عدم الاستفادة بالوقت كما يجب والكورسات الخاصة هي اللي بتنفع

طيب متيجو نشوف التطور فى الماكينات على ايدى مهندسين الانتاج والتقدم الهائل اللى حصل ونقل ميكانيكا من قسم شحم وزيت وقسم لا يصلح للبنات الى حياه اخرى

فالتقدم الرهيب والذى دوى فى عالم الميكانيكا هوالتحكم الرقمي في الماكينات cnc

فنتقال التحكم اليدوى الى التحكم بالكمبيوتر ادى الى الدقه والسرعه للمشغولات فنظر الى الماكينات التقليديه والماكينات ال CNC

"منقول عن موضوع كان عمله منتصر "

محمد محمود محمد سعيد

08-04-2010, 01:15 AM

ثانيا بقى المواد نبدأ
Study plan
http://eng.shams.edu.eg/engineering/studyplan_10.html

أبو العباس

08-08-2010, 06:55 PM

جزاك الله خيرا

ياريت تفاصيل اكتر ...وياريت حد ينقل الموضوع دة في قسم انتاج عشان الافادة تكون اكبر :):)

3la2 2l_Din

08-08-2010, 07:05 PM

أومال هو فين؟

أبو العباس

08-08-2010, 07:29 PM

أومال هو فين؟
اقصد القديم اللي في 3 انتاج

3la2 2l_Din

08-08-2010, 08:24 PM

أها

أبو العباس

08-08-2010, 08:50 PM

أها

...وياريت حد ينقل الموضوع دة في قسم انتاج عشان الافادة تكون اكبر http://www.h3sonline.com/forums/Emotions/E2%20-%20Y%20o%20l%20k%20s/have%20a%20nice%20day.png
http://www.h3sonline.com/forums/Emotions/E2%20-%20Y%20o%20l%20k%20s/have%20a%20nice%20day.png

3la2 2l_Din

08-08-2010, 09:14 PM

تمام كده؟(:

محب الله ورسوله

08-09-2010, 12:44 AM

السلام عليكم ورحمة الله وبركاته

اولا جزى الله خيرا صديقي العزيز محمد محمود سعيد

ثانياهو فيه معلومة مأخوذة خطأ عن قسم انتاج لاحظتها من ناس كتير وهي انه قسم (اللي عايز يحفظ وينجح)
في الواقع قسم انتاج ربما يكون فيه شىء من الحفظ لكن صدقوني لازم تكون فاهم اللي انت بتحفظه وهو قسم من وجهة نظرى يشجع علي الابداع والفهم مش بقول كدة عشان ده القسم بتاعي لكن عشان دى تجربتي ورايي اللي بنيته في سنة كاملة
بالنسبة لمواد سنة ثالثة ان شاء الله :

الترم الاول

نظرية قطع معادنtheory of metal cutting : وهي تتدرس التغييرات الفيزيقية للمعادن وادوات القطع اثناء القطع علي مكنات التشغيل التقليدية كالمخارط مثلا

نظرية تشكيل theory of metal forming :مادة ظريفة تتحدث عما يحدث للمعدن اثناء تشكيله
وتوزيع الاجهادات علي الجزء اثناء تشكيله في عمليات forging,rolling deep drwing

ميكانيكا الات vibration : مادة جميلة جدا وهى تتحدث عن الاهتزازات التي تتعرض لها المكنة
او عناصر المكنات وكيفية القضاء عليها وهى تطبيق لقوانين نيوتن في الميكانيكا الكلاسيكية لحل المسائل

ادوات قياس measurement : مادة ظريفة تتحدث عن الادوات المستعملة في القياسات للعناصر المكنية كقطر الترس وعمق سنته وطبعا حاجات اخرى مشابهة

تصميم الات design : مادة جميلة ممتدة تشجع علي الابداع في التفكير وهى تربط مادتي انشاء الات اللى تم شرحها بواسطة الكتور احمد حسين والدكتور تامر النادي ومادة تحليل الاجهادات التي شرحها دكتور وجدي دسوقي جزاهم الله خيرا وتتحدث عن رولمان البلى وانواعه وكيفيه حساب القوي الواقعة عليه والتروس وانواعها وغيرهم

الترم الثاني

تكنولوجيا تصنيع (تشغيل - تشكيل ) :مادة جميلة تتكون من شقين الشق الاول التشغيل ويدرس بعض عمليات التشغيل استكمالا لما قدمه د/ محمد عبد المحسن جزاه الله خيرا في سنة اولى وهى عمليات تصنيعية جديدة مثل تفتيح تروس(صناعة تروس) و التجليخ باساليب جديدة وغيرهم
الشق الثاني ويدرس الدرفلة وطرق تصنيع البلاستك ومتالورجيا المساحيق powder metallurgy وغيرهم

تسويق وادارة marketing and managment:مادة جميلة تدرس اساليب التسويق المربحة وانواع السوق وكيفية التسعير واسلوب ادارة العمل وغيره

دراسة عملwork study: مادة ظريفة تدرس اساليب الانتاج والاسلوب الامثل لتقسيم العمل وتقليل زمن العمليات والعمليات التي ليس لها قيمةمثلا لو عايز تعمل ماسورة صرف صحي من حديد زهر ومن ضمن عمليات الانتاج عملية تجليخ داخلي للماسورة هنا سعر الماسورة يزيد ووقت الانتاج يزيد دون داعي للتجليخ الداخلى لذلك الامثل حذف عملية التجليخ

مادة اختيارية ( نظم جودة-- صوتيات )

مادة الصوتيات acoustics :مادة رائعة تتحدث عن كيفية تقليل الضوضاء الناجمة عن تشغيل المكن واهتزازاته وفيها شبه من الفيبراشن

metal cutting machines and forming machines :مادة جميلة تتكون من شقين شق يخص مكن التشغيل وكيفية تصميمه وتصميم صندوق التروس المناسب وشق يتحدث عن اسطمبات التشكيل والمكابس والمطارق

طبعا احب ان اطلب طلب صغير منكم وهو الدعاء لله عز وجل وعمل صلاة استخارة قبل اختيار اي قسم من الاقسام عشان ربنا يرشد كل بشمهندس وبشمهندسة منكم للقسم الملائم له فمن سعادة ابن ادم استخارته الله....ومن شقوة ابن ادم تركه استخارة الله... كما ورد في حديث شريف
ربنا يوفقكم وكل عام وانتم بخيرhttp://www.h3sonline.com/forums/images/icons/I%20C%20O%20N%20S/icon12.gif

eng_ali

08-09-2010, 11:59 AM

production department is play maker of Engineering

MSayed

08-09-2010, 01:58 PM

tamora

08-09-2010, 02:30 PM

[/QUOTE]لازم اقول كلمه حق وهي ان في اقسام تانيه احسن
وبالنسبه للشغل دي ارزاق وكلو بيشتغل بس شغل انتاج كتير وشغل باور احسن طبعا وحتي سيارات بيشتغل المهم اللي يدخل يكون بيحب القسم اللي هيدخله بغض النظر عن ايه هو او الشغل بتاعه[/QUOTE]

مسألة الشغل عملية نسبيه تعتمد على مهارتك ونسيبك ومفيش حاجه اسمه شغل بور احسن من انتاج او العكس ده كلام مش مظبوط كله بيرجع زى ما قولت لمهارتك ونصيبك

MSayed

08-09-2010, 03:23 PM

لازم اقول كلمه حق وهي ان في اقسام تانيه احسن
وبالنسبه للشغل دي ارزاق وكلو بيشتغل بس شغل انتاج كتير وشغل باور احسن طبعا وحتي سيارات بيشتغل المهم اللي يدخل يكون بيحب القسم اللي هيدخله بغض النظر عن ايه هو او الشغل بتاعه[/QUOTE]

مسألة الشغل عملية نسبيه تعتمد على مهارتك ونسيبك ومفيش حاجه اسمه شغل بور احسن من انتاج او العكس ده كلام مش مظبوط كله بيرجع زى ما قولت لمهارتك ونصيبك[/QUOTE]

لآ فاكس لمهارتك دي لانها مش عند حد تقريبا وبتكتسبها من الشغل ده شئ مفروغ منه
الموضوع مش عن الشغل انا لما كتبت الشغل كنت اقصد ان في ناس بتبص علي الماديات وهيا داخله القسم بتاعها وه مش صح لان لو حد دخل قسم مش بيحبه هيفضل طول عمره يعاني منه بس ده كان القصد فياريت بقي توضحله انت كماان وجهه نظرك عن انتاج من غير فلسفه شغل

محب الله ورسوله

08-09-2010, 07:14 PM

انا متفق مع اللي قال ان القسم حلو وفهم وكدا بس طريقه تدريسه في الكليه غلط تماما بحيث ان في كليتنا بنعتمد في القسم علي الحفظ وده شئ مش كويس وكمان بندرس حاجات اقل ما يقال عليها عقيمه مش دراسه متطوره يعني طبعا ده باستثناء بعض المواد القليله اوي اللي الدكاتره بتوعها بذلو شغل معانا علشان نفهمها صح ومثال علي كدا د/علاء الحكيم
لازم اقول كلمه حق وهي ان في اقسام تانيه احسن
وبالنسبه للشغل دي ارزاق وكلو بيشتغل بس شغل انتاج كتير وشغل باور احسن طبعا وحتي سيارات بيشتغل المهم اللي يدخل يكون بيحب القسم اللي هيدخله بغض النظر عن ايه هو او الشغل بتاعه

كل سنة وانت طيب يا محمدhttp://www.h3sonline.com/forums/images/icons/I%20C%20O%20N%20S/icon12.gif

انا معاك ان طريقة التدريس في الكلية بتعتمد علي الحفظ والتلقين لكن هل يمنع الدكاترة اي طالب انه يفهم اللي بيحفظه من وجهة نظرى لم يحدث هذا لي الا في مادتين فقط

ثانيا الهدف من دراستنا للحاجات العقيمة الغير متطورة هي اننا نعرف الاساسات وان كانت بدائية غير متطورة فمثلا واحد لا يعرف كيف يقرأ مينفعش اديله بدل القصص الصغيرة اللي تساعده علي ان يحترف القراءة اديله قصة حي بن يقظان.
فلما نتخرج وفي السوق لوتعرضنا لمكنة جديدة هيكون عندنا اساس نقدر نعين من خلاله اداء المكنة الجديدة فمثلا احنا درسنا في مادة مكنات تشغيل كيفية تصميم صندوق تروس واختيار النوع المناسب للمكنة و كيفية تعيين جساءة مكنة المخرطة- وفي راي كثير من زملائي ان الحاجات دى ملهاش لازمة- لكن احنا لمانتخرج فى السوق هنشوف مكن مثل منشار شريطى وده احنا لم ندرسه ولم ندرس صندوق تروسه او اسلوب تعيين جساءته لكن الاساس اللي درسناه في المخرطة ممكن نحاكيه ونطوره ونطبقه علي المنشار الشريطى لتعيين جسائته

ثالثا بعض اساتذتنا الافاضل كبار في السن لذلك قد يصعب علي دكتور ان يبذل مثل مجهود د/علاء الحكيم اكرمه الله لكن كثير منهم يبذل مجهودا لمساعدة اي طالب يريد مساعدة ربما ليس في المحاضرة امام الطلاب لكن في مكاتبهم

MSayed

08-09-2010, 11:51 PM

كل سنة وانت طيب يا محمدhttp://www.h3sonline.com/forums/images/icons/I%20C%20O%20N%20S/icon12.gif

ثانيا الهدف من دراستنا للحاجات العقيمة الغير متطورة هي اننا نعرف الاساسات وان كانت بدائية غير متطورة فمثلا واحد لا يعرف كيف يقرأ مينفعش اديله بدل القصص الصغيرة اللي تساعده علي ان يحترف القراءة اديله قصة حي بن يقظان.
فلما نتخرج وفي السوق لوتعرضنا لمكنة جديدة هيكون عندنا اساس نقدر نعين من خلاله اداء المكنة الجديدة فمثلا احنا درسنا في مادة مكنات تشغيل كيفية تصميم صندوق تروس واختيار النوع المناسب للمكنة و كيفية تعيين جساءة مكنة المخرطة- وفي راي كثير من زملائي ان الحاجات دى ملهاش لازمة- لكن احنا لمانتخرج فى السوق هنشوف مكن مثل منشار شريطى وده احنا لم ندرسه ولم ندرس صندوق تروسه او اسلوب تعيين جساءته لكن الاساس اللي درسناه في المخرطة ممكن نحاكيه ونطوره ونطبقه علي المنشار الشريطى لتعيين جسائته

وانت طيب يا احمد
انا معاك اننا لازم ناخد الاساسيات بس مش 5 سنين اساسيات وبعدين انت لما تدرس اساسيات بس في الجامعه هتطلع بره من غير خبره وهتحتاج وقت لحد ما تفهم الدنيا ماشيه ازاي وتفهم الشغل والحياه العمليه و ده اللي بيحصل عندنا
تعالي بقي لو درسنا اللي بعد الاساسيات دي في الكليه هنطلع بره هنوفر عالاقل في وقت التدريب وهنستفاد بالوقت ده في حاجه تانيه

محب الله ورسوله

08-10-2010, 07:09 AM

وانت طيب يا احمد
انا معاك اننا لازم ناخد الاساسيات بس مش 5 سنين اساسيات وبعدين انت لما تدرس اساسيات بس في الجامعه هتطلع بره من غير خبره وهتحتاج وقت لحد ما تفهم الدنيا ماشيه ازاي وتفهم الشغل والحياه العمليه و ده اللي بيحصل عندنا
تعالي بقي لو درسنا اللي بعد الاساسيات دي في الكليه هنطلع بره هنوفر عالاقل في وقت التدريب وهنستفاد بالوقت ده في حاجه تانيه

بس خللي بالك من نقطة هو ان التدريب في المصانع في الصيف ومراجعة اللي درسته مع التدريب يساعد لحد كبير انك تفهم الحياة العملية و لما تسال المهندسين في المصانع هتفهم الشغل اكتر وصدقني انت اكيد بتحس انك في التدريب فاهم الفني بيتكلم علي ايه ويقصد ايه

وانا معاك في نقطة انك تخرج برة من غير خبرة من الكلية لكن علي الاقل هتكون اسرع في اكتساب الخبرة لانك خمس سنين بتدرس اساسيات

*ربنا يوفقك ويوفقنا كلنا *

http://www.h3sonline.com/forums/images/icons/I%20C%20O%20N%20S/icon12.gifhttp://www.h3sonline.com/forums/images/icons/I%20C%20O%20N%20S/icon12.gifhttp://www.h3sonline.com/forums/images/icons/I%20C%20O%20N%20S/icon12.gif

maysa

08-10-2010, 10:46 AM

قسم انتاج جامدجدا ربنا يوفق الجميع

3la2 2l_Din

08-10-2010, 11:57 AM

بسم الله ما شاء الله(:
كويس اني نقلت الموضوع هنا
ربنا يباركلكم يا أهل انتاج اللي مش بيحفظوا بس لأ بيفهموا كمان:D