المساعد الشخصي الرقمي

مشاهدة النسخة كاملة : المنتدي مبقاش حلو علي فكرة :(


3mr
10-20-2009, 02:14 AM
يا جماعة المنتدي بقي مش حلو و مش مفيد زي السنا اللي فاتت
مفيش غير قسم الثيرمو و الباقي مفيش جديد
@_@
كلو رافع مراجع و شكراً كده و مفيش محاضرات كأننا ناس مخلصة و بنروح علي المرجع علي طول
:wtt:
يا ريت المشرفين يهتموا شوية السنة مش ناقصة
انا بدخل المنتدي مبحسش بأي حاجة مفيدة
:TT:
و ياريت محدش يتعصبلي و يحور احنا بنتكلم في ايه

إن الله يحب اذا عمل احدكم عملاً ان يتقنه
som3aa
10-20-2009, 02:19 AM
طب سؤال
هو حضرتك مش بترفع محاضرات ليه
Zeinotronics
10-20-2009, 02:23 AM
يا بشمهندس المشرف ده زيه زيك و الله و يمكن متنيل على عينه اكتر منك ..
عشان كدا لازم كلنا نساعد بعض فى الحاجات دى ..
و بعدين حسن (سمعاوى) قالك ان الهلب هيبدا من الاسبوع اللى جاى ..

معلش بس خليك صبور حبة كمان و بأذن الله هيبأة قسمنا من احسن الاقسام فى المنتدى كله ..
3mr
10-20-2009, 02:23 AM
عشان انا مش مشرف و بعدين انا لو عندي المحاضرات هرفعها
و باجي ادور عليها مبلقهاش في المنتدي
و في فكرة انا الموضوع مش مئزم معايا انا بس عشان كذا مرة ادخل و ملقاش محاضرات
som3aa
10-20-2009, 02:26 AM
والله يا عمر
انا النهارده كلمت اتنين من المشرفين وبجد كان الله فى عونهم
وياعم ان شاء الله مع بدايه الاسبوع كله هيبقى تمام
3mr
10-20-2009, 02:35 AM
عمرو مش عمر :^^:
ويا مسهل انشاء الله يبقي علي اول الاسبوع
وياريت اللي عندو حل اي شيت بردو يرفعو , اكيد مش عشان ننقلو عشان بس اللي يقف معاه حاجة يتصرف
som3aa
10-20-2009, 02:36 AM
ان شاء الله
Shatla
10-20-2009, 07:30 PM
ولنا وقفة..
احنا ناس زي زيك معاك في الكلية
انت بتقول انت مترفعش محاضرة عشان انت مش مشرف
طب متقدم اشراف
الاشراف المفرض ان يبقيبيعرفك اخبار المادة من الدكتو ر
لو الدكتو راداه حاجة ممكن يحطها علي المنتدي
بس مش كل شوية لازم احط المحاضرة
طب ماباقي الدفعة مابتنزلش المحاضرات ليه
ولا الناس شغالة بنظام خد مصلحتك وامشي
يعني طالما انت بتستفيد فيد غيرك
مثال
البشمهندس اللي كتب الموضوع
محضرش ولا محاضرة من اول السنة؟ّّ!
اكيد حضر
طب ليه منزلش المحاضرة؟
Bim Bim
10-20-2009, 07:32 PM
معلش يا كبير , إن شاء الله ربنا يسهل كده وكله يبقي تمام , واللي عنده حاجة بيساعد , يعني لو عندك محاضرات او حلول او مراجع ارفع مش لازم تبقي مشرف يعني علي فكرة .

كان الله في عون العبد ما كان العبد في عون اخيه
3mr
10-20-2009, 08:16 PM
بالنسبة لshatla انا بقول رأيي و دا ناتج عن تجربة لو هتقول حاجة تفيد قول انما داخل تقول اشمعنا يبقي كده انتا بتبعد عن المشكلة
و بعدين انا لو عندي المحاضرات هعمل الموضوع من الاول ليه
و افرض انا مش فاضي ابقي مشرف او مش هابقي فعال افتي ليه ؟
اظن إن المشرف الموجود علي كل قسم يبقي عارف مسئوليته مش اجي اقوله انته وحش يللا انا همسك مكانك :S
Bim Bim
10-20-2009, 08:36 PM
يا كبير المشرف ده واحد زيه زيك بالضبط , يمكن يكون مش فاضي , تعبان , عنده اي ظرف دلوقتي , مش معني انه مشرف يعني يبقي يطحن , وللعلم ممكن اي واحد يساعد مش لازم يبقي مشرف , هو علشان مشرف يبقي يعمل كل حاجة في الدنيا يعني , لازم نساعد بعض واللي يقدر علي حاجة يعملها , وبعدين الصبر شوية لسه المواد مدخلتش في الصعب , يعني المحاضرات اللي في الاول مش مهمة اوي , الجاي اصعب , وبعدين لو في حد محتاج حاجة يدخل يطلبها , يمكن حد تاني غير مشرف المادة يساعده فيها , وبعدين عالعموم انت ليك وجهة نظر انا مش متفق معاك فيها الا وهي ان المنتدي مش كويس زي السنة اللي فاتت , بس برضوا دي وجهة نظر لازم تحترم , سلام.
Abo 7amza
10-20-2009, 08:47 PM
بالله عليك يا بشمهندس عمرو .. تقفل النقاش في الموضوع ده ..
عشان هيقلب في الاخر بمشاكل .. انا ممكن اقولك حاجه ..
انت خايف علي مصلحتك وبس .. عاوز تخش .. الناس اللي شغالين عند حضرتك ..
يحطوا المحاضرات وحضرتك تلقف علي الجاهز وخلاص .. عموما حضرتك لو بتتابع هتلاقي ان ماده
زي الفلويد .. المحاضرات اصلا هي ورق الدكتور .. وده انا برفعه .. وكان فيه عندي ظروف فمقدرتش
ارفع الشابتر التاني .. الاقتصاد الدكتور بيشرح من بروجكتور .. حتي دي انا جبت محاضرات السنة
اللي فاتت ..
دي أمثلة بسيطة ..
انا اسف يعني اذا كان أسلوبي حاد شوية في الكلام ..
بس صدقا .. أسلوبك ينرفز ..
Shatla
10-20-2009, 09:21 PM
هقول لحضرتك حاجة وتبقي نهايه النقاش..
لو حضرتك عايز حاجة تفيد فيها..
ممكن تخش علي اي موضوع و تجاوب اللي بيسأل..
وترد عليه..
علي فكرة الرد ده مش ليك..
والله احنا كلنا طلبة زي بعض..
يعني مش انا لوحدي اللي بيحضر..
انا زي زيك...
بس انا قبلت اني اخصص جزء من وقتي في عمل الخير ومساعدة زمايلي..
واظن ان اللي يتحاسب هو الذي لم يفعل الخير!!

علي فكرة حضرتك مش عضو نشيط نهائي سواء في المنتدي القديم او الجديد..
وعملت موضوعين في المنتدي ده..
الاتنين بتشتكي انك مش لاقي المحاضرات..
احب اكد للك واحنا مش ملزمين اننا نجيب المحاضرات..

يا ريت لو انا غلطان في جزئية توضحاهلي
مع العلم اني لما كنت السنة اللي فاتت لسة جديد علي المنتدي عملت توبيك شبية للي انت عامله

:D
Abo 7amza
10-20-2009, 09:22 PM
حد يقفل الموضوع يا رجالة .. :D
فينك يا عبد الرحمن .. ؟؟؟؟
النهضة
10-20-2009, 10:34 PM
حد يقفل الموضوع يا رجالة .. :D
فينك يا عبد الرحمن .. ؟؟؟؟

أنا أهوا:^^:

بصراحة أنا سعيد جدا لإن يا بشمهندس عمرو بتقول رأيك بصراحة وأنا متفق معاك في الرأي

بس هقول لحضرتك حاجة...

إنته بتقول القسم الدراسي مش في نفس مستواه السنة اللفاتت وأنا معاك في ده

بس حضرتك دخلت على المنتدى الترم الأول السنة اللفاتت

كان بالضبط زي دلوقتي ويمكن أكتر كمان وكنت مضايق جدا زي حضرتك من المنتدى وبقول هوه فين المحاضرات ... ليه ما بتترفعشي؟؟؟

وبعد كده قلت لنفسي ما أخش أمسك مادة وبدل ما قعد زعلان مأشارك في الإشراف وأساعد زمايللي وأكون إيجابي

حضرتك يا بشمهندس لازم تعرف إننا بالرغم من أداء الترم التاني للمنتدى إلا إنه في طلبه يوم ما يتأخر رفع المحاضرة يومين كان في طلبة بتقول نفسي رأي حضرتك ومش حاسين إن المشرف ده طالب قد يتزنق في شيت ولا يحصله ظرف ... فيا ريت نراعي

أنا كل اللبطلبه حاجتين :

1ولا: إيجابية من الطلبة سواء في إنها تتقدم في الإشراف أو تبادر بمساعدة زمايلها (والمساعدة مش محتاجلها تكون مشرف)

ثانيا: إن الطلبة تستنى شوية على القسم الدراسي وأنا شايف إنه في تقدم ملحوظ فيه إن شاء الله هياخد وقت علشان يوصل للمستوى اللهيرجوه أي واحد فينا بس المهم نكون سبب في التقدم ده مش متفرجين عليه

وأنا أءسف لطلاب القسم على التأخر الموجود في القسم الدراسي وإن شاء الله هيتم حل هذه المشاكل قريبا
Mostafa 007
10-21-2009, 12:16 AM
مش هزود حاجه علي الردود ال اتقالت ..

بس ملاحظه صغيره.... يا ريت ميبقاش التعامل مع المنتدي علي انه مكتبه الناس تخش تنزل الورق و تمشي .. يعني يكون في تفاعل..

السنه ال فاتت كان في كهربا حوالي 23500 مشاركه في القسم الدراسي و ميكانيكا مكانوش مكملين 9000 مشاركه و ال كانوا بيخشوا يشاركوا و كدا يتعدوا علي الصوابع .. مش عارف اشمعنى ميكانيكا ال مفهاش ناس كتير بتشارك !!
Bim Bim
10-21-2009, 12:21 AM
معلش يا كبير , وإن شاء الله يكون في تفاعل السنادي , انا فعلا السنة اللي فاتت معملتش ولا مشاركة تقريبا , بس السنادي بإذن الله هحاول اساعد علي قد ماقدر وربنا يسهل.
Mostafa 007
10-21-2009, 12:26 AM
انا مش قصدي حد علي فكره ..

كل الفكره ان المفروض ان المنتدي دا ممكن تتعرف علي ناس جديده شويه ,, تهرج شويه ..
دا طبعا غير الهدف الاساسي ال هو الدراسي
som3aa
10-21-2009, 03:13 AM
على فكره كله هيتظبط ان شاء الله
والعمر
كبلمه صح
ياجماعه
فى انه فى ناس فعلا بتحتاج المحاضرات
لعده اسباب
عموما نوعدك ونوعد الرجاله بتوع ميكانيكا انه كله هيتظبط ومحدش يزعل
Arch_MontaseR
10-31-2009, 06:14 PM
بسم الله الرحمن الرحيم

الحمدلله رب العالمين , وصلى الله على محمد عبده ورسوله , وعلى آل بيته الأطهار , وصحابته الأخيار , ومن سلك نهجهم واقتفى أثرهم إلى يوم الدين.

Helpful Team

Helpful ..... مفيد

Team..... فريق

يعنى فريق مفيد

عايز اوضح حاجه صغيره ان الHelpful Team لمنتدى تانيه ميكانيكا وبالصدفه الباحته ويالا المقاصده ...ايه المقاصده دى!!!؟؟؟....انهم يطلعو ال ايه شوف حكمه ربنا يا مؤمن شوف شوف فى تانيه ميكانيكا

صحيح عليهم واجبات واكيد هما عرفين ايه الواجبات دى وملزمين بيها قلبا وقالبا بس فى نفس الوقت ميقدرش حد يحسبهم على اى تقصير غير حجتين ؟؟؟

1- ضميرهم : انهم اتقدمو للمسؤليه دى وعرفين انها عمل لوجه الله سبحانه وتعالا لا بيتخذ عليه اجر

2- ليدر الفريق : وده المفروض بيبقا بينهم وبين بعضيهم كفريق واحنا كاعضاء منحسش بيه ومنجولش ننتقدهم فى فتره ايتعدادهم لمهامهم الاساسيه

اعلم ان الفريق الان فى فتره الاستعداد (فتره ترتيب الصفوف ) وتوزيع الادوار توزيع جيد لان اهم شئ فى التفوق فى الشغل الجماعى هى البدايه فلو ابتدى صح حيوصلو صح

فيريت تديلهم فرصه للبدايه الصح

وبالتوفيق لرجال ميكانيكا :you:
Mostafa 007
10-31-2009, 08:53 PM
يا عم انت جاي بعد الهنا بسنا :^^:
Arch_MontaseR
10-31-2009, 09:43 PM
معلش مش متابع ميكا كتير يادرششتى :p
النهضة
10-31-2009, 11:20 PM
متسخنشي علينا كدا يا منتصر
Arch_MontaseR
11-01-2009, 06:46 PM
ههههههههههه

لا اشخن برحتى :P

اصل الانسلبى بتاعى متغير وغير منتظم مبقدر اتحكم فى الشخنيه هههه
CrOcEvIa
11-01-2009, 06:53 PM
والله عندك حق
1000000000000%
Arch_MontaseR
11-01-2009, 09:35 PM
??????????????

حق فى ايه
Bim Bim
11-01-2009, 10:37 PM
والله عندك حق
1000000000000%

في ايه يا كبير

بس سيبك انت منور ميكا يا منتي
Arch_MontaseR
11-01-2009, 11:46 PM
ههههههههه

منورا بنور رجلتها ياحبى