لو ممكن

[mikez]

لو حد يا جماعة فاهم ال plc ينزل شرح مبسط كدة للحاجات المستخدمة زي التيمار وال لاتش و.......ولو كان ممكن اصلا يبقي عربي:011::011::011::011::b5oor:

[eng_dody]

اه يا ريت انا كمان مش فاهمة :011::011::011:

[على بن خالد]

وانا برضو مش فاهم اى بتاع

بيعمل الدايرة على اى اساس؟؟؟

حتى الورق غبى اوى ومش بيفهمك اى بطيخ

حاجة تقرف

[Ramy Roshdy]

وانا برضو مش فاهم اى بتاع

بيعمل الدايرة على اى اساس؟؟؟

حتى الورق غبى اوى ومش بيفهمك اى بطيخ

حاجة تقرف

:smoke:Business is business
It was a deal so if you said NO DEAL you :011:have to

[mikez]

واضح اني مش لواحدي بس الناس في الاسئلة عامله تسألأ عن مسأل ال plc وبيتناقشوا في حاجات عالية
واحنا في البتنجان بس هتتحل isa

[Re7ab]

هو عموما مش احناااااااااااا بس اللى مش فاهمين PLC


و الدكتور قال غاليا ان شاء الله هيجيب الرسمة و يسالنا فيها

[Osama El3antably]

Latching
دي طريقة بحول بيها الـ Pulse لـ Continuous Signal
عن طريق إني أجيب الـ o/p بتاع الـ rung و أحطه تاني بس parallel على الـ i/p
كأنه feedback بالظبط
و ده بعمله لما أكون محتاج أشغل حاجة بتاخد continuous signal
و أنا معنديش غير push button يعني pulse ..

ده بردو عامل زي الـ Feedback بتاع الـ DC M/C لو حد فاكر ..
لالي هوا يدخل pulse .. و يعملها Feedback بحيث تشغل الجهاز ده علطول ..
و ما تقفش لما الـ pulse تخلص !

الحاجات اللي لازم تشتغل بـ continuous signal زي الـ timers و الـ counters

ده اللي أنا فاهمه لحد دلوقتي : )

[MoNaa]

لو حد يا جماعة فاهم ال plc ينزل شرح مبسط كدة للحاجات المستخدمة زي التيمار وال لاتش و.......ولو كان ممكن اصلا يبقي عربي:011::011::011::011::b5oor:


التيمر لازم نفهم تعريفاته الاول
اول حاجه اسمها ال delay time
يعنى ده الوقت اللى هيستناه لحد ماياخد اكشن معين ياما يقف ياما يكمل

وده على حسب نوعه لو On delay
يعنى مش هيشتغل الا لما يعدى وقت معين من دخول الانبوت
off delay
مش هيشتغل الا بعد وقت معين من وقوف الانبوت اللى داخله

بنحسب الdelay ده ازاى

من قيمتين واحده اسمها preset value وال base value
حاصل ضربهم هو ال الوقت اللى هيستناه

الaccumulated value

مش متاكده اوى بس هو الوقت اللى بيقعده التيمر من ساعه مابيشتغل

التامير بيدخله انبوت ليه اى اسم وبيخرج منه اتنين سيجنال
En دى نفسها الانبوت بالظبط
Dn ودى اللى تهمنا دى بقى اللى بتبقى واحد بعد مرور الوقت المطلوب سواء فى بدايه ان الانبوت يدخل(on delay)

او تبقى واحد من اول مايشتغل بس تقفل بعد مرور وقت معين من وقوف الانبوت off delay


فى نوع تانى للتايمر

ده بيقدر يحافظ على ال accumalted اللى قعدها الكونتر لحد ماوقف لاى سبب كان
وكمان بيبقى فيه اوبشن اننا نعمله ريسيت لما يدخله سجنال معينه تانى سطر فى رسمته

النوع الاول كان فى الاجزامبل لازم يحط سويتش تانى اسمه reset

[MoNaa]

Latching
دي طريقة بحول بيها الـ Pulse لـ Continuous Signal
عن طريق إني أجيب الـ o/p بتاع الـ rung و أحطه تاني بس parallel على الـ i/p
و ده بعمله لما أكون محتاج أشغل حاجة بتاخد continuous signal
و أنا معنديش غير push button يعني pulse ..

الحاجات اللي لازم تشتغل بـ continuous signal زي الـ timers و الـ counters

ده اللي أنا فاهمه لحد دلوقتي : )

وهضيف حاجه ملهاش لزمه :D
ده بيحصل ازاى بقى

لما مثلايبقى الانبوت بواحد للحظه معينه زى فى حاله bush botton يقوم يطلع الاوتبوت بواحد
لما اوصله بارليل مع الانبوت اللى فوق ده معناه انه اول ما الاوتبوت يطلع بواحد هيفضل بواحد على طول ومش فارق معاه الانبوت بكام عشان هما بارليل يعنى ياده ياده يشتغل مش مشكله خلاص الا لو حصلت حاجه توقفه زى انى مثلا احط سيريس معاهم سويتش بيعمل ريسيت فأول مايتفتح تطلع الاوتبوت بصفر عشان هو سيريس فلو اتفتح يوقف الاتبوت

بس خلاص :D

[Esraa_62]

طيب مادام ما فيش نظرى يعنى ما أعرفش الرسومات بتاعة كل نوع كنترول أو حتى مميزات و عيوب كل نوع فى شابتر PLC عشان أنا أول مره أذاكره فأطنش الحاجات دى يعنى و لا إيه؟؟

[Esraa_62]

هو عموما مش احناااااااااااا بس اللى مش فاهمين PLC


و الدكتور قال غاليا ان شاء الله هيجيب الرسمة و يسالنا فيها
رسمة إيه عشان أعرفها أو أحفظها ما هى الكليه دى لاغت العقل و الفهم فبقى الواحد بيلجأ للحفظ :gulf:

[MoNaa]

الكونتر بتعد :D

انواعها ايه بقى UP COUNTER
دى بتعد بالزائد يعنى كل ماتبقى الانبوت بواحد عند
positive edge

يعد واحد كمان لحد ما يعد قيمه بتساوى ال preset value
(ومجبش فى الورق سيرة لل base )
اول ما يوصلها يطلع ال DN بواحد
وتفضل بواحد طول مالقيمه اللى بيعدها من ساعه مابدأ والانبوت دخل االلى هى ال ACCUMULATED VALUE
تبقى اكبر من او بتساوى ال preset value


فى نوع تانى بقى ال down counter
ده بيعد بال -1
وبيبقى بعد ال up عشان ينقص اللى هو عده وممكن يبقى لكل واحد انبوت مختلف بس ليهم نفس ال accumalated وال dn

مثال عندنا اتنين up وبعديه down ال pv بتاعتهم ب 2
الانبوت عماله تدخل فا up عد لحد 2 وبقى وال dn بقيت بواحد وبعدين فضل يعد مثلا لحد 15 وبعدين السجنال بتاعه ال down دخلدت تقوم تنقص فى ال 15 لحد اول ما ال accumulated تبقى اقل من 2
ترجع ال dn بتاعتهم بصفر


تالت نوع ال cascoding counter
ده بقى لما يكون عندنا رقم كبير لو استخدمت اتنين كونتر ورا بعض ال dn بتاعه الاول هى انبوت التانى
يبقى ال dn بتاعه التانى بتدى حاصل ضرب ال pv بتاعه الاتنين

ازاى ده بيحصل ؟؟

لو ال Pv بتلاته
لو الاول عد تلاته يطلع dn 1 بواحد وفى سطر بيخلى اول ما ال dn دى تبقى بواحد ترجع تبقى صفر تانى
فيقوم الكونتر التانى يقول ادى واحد يعنى كل تلاته فوق مقابله لواحد فى التانى يعنى التانى لما يعد تلاته يبقى كده دخل للاولانى تسعه

فكأنهم عدوا 3*3=9

[MoNaa]

بس خلاص :D

[ReeVo]

رسمة البرنامج
اللي هي اللادر دياجرام

[Ahmed Sanad]

السلام عليكم ورحمة الله وبركاته,,



رسمة إيه عشان أعرفها أو أحفظها ما هى الكليه دى لاغت العقل و الفهم فبقى الواحد بيلجأ للحفظ :gulf:

هى بتتكلم عموما :D

مش رسمة معينة :D

[ReeVo]

هو مفيش غير رسمة واحدة بنرسمها في الشابتر ده اللي هي رسمة البرنامج اللي اسمها
ladder diagram

[Ahmed Sanad]

السلام عليكم ورحمة الله وبركاته,,


هو مفيش غير رسمة واحدة بنرسمها في الشابتر ده اللي هي رسمة البرنامج اللي اسمها
ladder diagram

يابنى هى فاكراها بتتكلم عن مسألة بعينها :D


حلوة بعينها دى :D

مسألة بودنها :D

[Osama El3antably]

هو عموما مش احناااااااااااا بس اللى مش فاهمين PLC
:lol:

[MoNaa]

هو محدش فهم حاجه من اللى قولتها برضه ولا ده انتوا فهمينه اصلا

[ReeVo]

آه أكيد
طبعا مش شرط على مسالة محددة

[ReeVo]

أنا عن نفسي فاهمه أصلا

[MoNaa]

هههههههههههه انا حاسه انى شبح فى التوبيك

هو انا عايشه ياجماعه

[MoNaa]

أنا عن نفسي فاهمه أصلا


طلعت عايشه الحمد لله :D

يلا ادينى قولت اللى اعرفه عشان ارضى ضمير يمكن حد يستفاد

[ReeVo]

ههههههه
لا مهو اللي عمل التوبيك وبيسأل مش موجود
لما يخش يبقى يشوف شرحك يا منى ويقول فهم ولا لأ

[mikez]

لا تمام كدة اهو اخدت فكرة كويسة احسن مضربها حفظ وخلاص
بس ربنا يستر برضو:c::c:

[MoNaa]

تمام بس ياريت اللى قرى المشاركات اول مرة بس يقراها تانى عشان عدلت فيها اخطاء

[على بن خالد]

طلعت عايشه الحمد لله :D

يلا ادينى قولت اللى اعرفه عشان ارضى ضمير يمكن حد يستفاد
لا تمام اوى كدة
اهو الواحد بدأ يفهم
شوية من شرحك
وشوية من شرح سند عالتليفون

ربنا يسهل