Where is the reply for the parts included in Dr Hatem's part

[محمد عمر]

AA All,

As far as I have said in my reply to Eng. m7md'z that Dr Hatem told me that any one attending the lectures should know what is the part included in the syllabus. As of today, no one has made any clear note about this! This is quite awkward and means one of three things:
1. No one attends the lectures AND logs in to the forum!!! Which is highly improbable!
2. Those attending are not willing to inform their fellow colleagues about the lectures! Which is not what I know to be the guys in Mechanical department!
3. Those attending are not free to inform their fellows about the syllabus contents.

Please guys cooperate on this matter! This is something you should help each other with because yo do not know what circumstances prevented your colleagues from attending. It is also something legitimate to help each other with! Just like allowing someone photocopy your lectures.

بالعربي عشان الكل يفهم... يعني مش بتساعدوا بعض في الصح و بتساعدوا بس في الغلط (نقل الشيتات).. بصراحة مستغرب جداً يا جماعة... المفروض الرجالة بتساعد بعض في الصح و تمنع بعض من الغلط....

أرجو إن حد منكم بفهمني إيه المشكلة... ممكن أكون مسيء الظن بيكم... فا ياريت تفهموني إنتم بتعملوا إيه.

[النهضة]

أولا: إزاي حضرتك يا بشمهندس

إن شاء الله تكون بخير

حضرتك جيت تسأل عن ظاهرة مش في مادة واحدة بس

ده تقريبا في كل المواد

والظاهرة دية ليها أسبا ب كتيرة

منها تعود الطالب إن يسلم الشيت منقول وهوه عارف إن المعيد عارف ده

فبيقول ما هوه عارف وبياخد الشيت

واحنا كده كده مزنوقين في المذاكرة

فننقل ولا منسلمشي

أنا مبررشي رأيهم بس ده نتيجة لتساهل همه حاسوا بيه

إحنا في تانية في دكاترة منستجرأشي نعمل معاهم كده لإننا عارفين إنهم هياخدوا رد فعل على الموقف ده

واسمحلي اذكر لحضرتك حصل معايا شخصيا

أنا من اللرافضين لموضوع النقل وده من الأسباب اللخلتني مسلمشي حاجات كتير في التقارير

فللأسف التقرير لما بسلمه لمعيد ويقولي إنته ناقله من غير حتى ما يشوف التقرير

ده يرضي مين؟!

أنا بذكر الموقف وأنا مش متحامل على أحد

أنا شايف المشكلة مزدوجة ومش من طرف واحد

يا ترى رأيك إيه الحل؟!

[Hesta 256]

باشمهندس عبد الرحمن.. إنتا عملت نفس الغلط اللي أنا عملته بالظبط! :) لما قريت الموضوع كله اكتشفت إنه مالوش أدنى علاقة - مباشرة - بنقل الشيتات..



باشمهندس محمد,, أستئذن حضرتك في الرد.

المشكلة مش في إن الناس مش عاوزه تساعد بعض,, المشكلة في إنها مش عارفة تساعد بعض!

مثلاً.. أنا من الناس اللي - الحمد لله - بتحضر المحاضرات وبتدخل على المنتدى. والحمد لله, محاضرات دكتور حاتم مرفوعة كلها على المنتدى..

لما واحد ييجي ويسأل إيه الجزء اللي داخل فيه محاضرات الدكتور حاتم - بأستغرب! المحاضرات كلها مرفوعة على النت,, و -بجد - الشرح بتاعها مبسط بشكل غير طبيعي..

إيه المشكلة في إنك تحمّل المحاضرات وتشوف اللي محتاجه منها بنفسك! ممكن الإنسان ينسى أو يخطيء,, لكن المصدر الأساسي للمعلومة موجود - ليه متلقيش عليه نظرة!


أتمنى أكون قدرت أوصل وجهة نظري لحضرتك,, ولو في أي تعقيبات - فأنا منتظرها بصدر رحب :)

[Ghost]

plz eng. m7md

related to the first lecture by dr 7atem ...

will we concern with the intoduction to the chapter ?? that part which concern with scientist and their achievments ..?

also

i hope you'd tell us the parts that dr 7atem cancelled refering to the uploaded lectures here

السؤال ده إتسأل للبشمهندس
و رده كان واضح
أنه مالوش دعوة بالمهنج أصلا
هو يقدر يساعد فى سؤال أو فى مشكلة علمية
لكن ايه اللى جاى و اللى مش جاى
فالبشمهندس زينا ميعرفش
مفيش سكاشن عشان يعرف أيه اللى علينا و أيه اللى مش علينا

فالمفروض واحد من اللى بيحضر يقول الدنيا ماشية إزاى
يفيد اصحابه

لكن المشكلة إن معظم اللى بينزلوا عشان يحضروا محاضرات الفيزياء الجمعة مش هيدخلوا على المنتدى
لأن عندهم إكتفاء ذاتى
المشكلة ظهرت من بعد محاضرات يوم الجمعة
ده لو فى حد بيحضر يوم الجمعة أصلا
و بالتالى الدكتور بيقول ملهوش ذنب و الجزء إتشرح

و مفيش حد هيساعد غير فى فترة إمتحان الفيزياء
الكل مشغول دلوقتى بالثيرمو و الرياضة
و من بكرة هتلاقى الكل مهتم بالماتيريال
إلا من رحم ربي

و شكرا لك يا بشمهندس على إهتمامك

[محمد عمر]

السلام عليكم و رحمة الله و بركاته

شكراُ يا شباب على الردود.
بالنسبة لنقل الشيتات فهي مشكلة كبيرة جداً جداً و ليها جذور كتير و أسباب كتير بس دي محتاحة قاعدة و مواجهة لأن فيها كلام كتير ممكن يزعل الناس لو إتفهم غلط، ممكن إن شاء الله نقعد مع بعض بعد الإمتحانات في الكلية و نتكلم عليه عشان تترفع بقى السمعة دي من ميكانيكا.

بالنسبة للناس اللي مش عايزة تعمل مجهود فلو الكلام صح تبقى مأساة!! بس على الأقل برضك حد بقول الشباب دول الحاجة أهه. ممكن ميكونوش وخدين بالهم.

بانسبة لإن الناس عندها إكتفاء ذاتي أو مشغولة فأعتقد إن الناس مش هيضرها تكتب رد على المنتدى في أقل من دقيقة! بس الكلام منطقي و إن كنت أنا بعيب على الناس إنها لازم تراعي ظروف الناس التانية..

مش عايز بصراحة أفتح في الموضوع ده، خاصةً في وقت الإمتحانات... لكن يبدو إن إحنا محتاجين نعض مع بعض في الصيف نتكلم مع بعض شوية...

شدوا حيلكم يا شباب و إرفعوا راسنا في الإمتحانات.. ربنا معاكم و ربا يوفقكم

[Δђ๓єđ Иαβเℓ]

أكيد ان شا الله يا بشمهندس لينا قعدات كتير ان شا الله ف الصيف

[ZeMa.FeRRaRi]

@hell storm

+1