بين الشهامة والمساواة !!

[Kamal]

سلام عليكم ورحمة الله وبركاته

طبعا أنا حبيت أرجع للموقف اللي حصل يوم الخميس .. اللي منكم شافه أو لأ .. عشان أقف عند نقطة معينة حابب إني أأكد عليها


لاموقف باختصار إني جيت الساعة 8.15 تقريبا وكنت عيان في اليوم ده اللي هو يوم الخميس اللي فات ... دخلت لقيت الشباب كالعادة واقفين في السكشن اللي جنب معمل المايكروويف .. والدادة مش راضية تدخلهم .. والمرة اللي قبليها لما دخلت المعمل لقيت ان البنات قاعدين جوه المعمل ..

فبصراحة استغربت وقولت طيب ليه ؟؟ .. ليه يعني إحنا ما ندخلش ..

فالمهم قولت للشباب تعالوا ندخل .. فروحنا عشان ندخل لقيت الدادة بتنادي من بعيد بصوت فيه شدة .. يا بشمهندسين ما حدش يدخل إلا لما الدكتور ييجي

فقولتلها ليه ؟

قالتلي هو الدكتور قايل كده ..

قولتلها طيب ما فيه ناس جوه (البنات يعني .. ما عرفش مين من البنات كان جوه بس حسب كلام الشباب إن فيه بنات جوه ) .. قالتتلي لأ ما حدش يدخل عشان بنمسح جوه ..

قولتلها يا دادة إنتوا بتمسحوا في المعمل القديم .. إحنا هندخل المعمل الجديد .. قالتلي لأ يا بشمهندسين ما حدش يدخل

طبعا أنا اتضايقت جدا من طريقة الكلام .. وشبه اتعصبت .. واتحركت عشان أدخل .. قامت الدادة من مكانها وراحت علي الباب عشان تمنعني وقفلت فعلا الباب .. قولتلها إزاي يعني ما البنات جوه ليه إحنا ما ندخلش

قالتلي يعني إنت عاوزني أسيب البنات بره !! .. قولتلها يا إما نطبق القانون علي الكل يإما لا يطبق تماما .. طبعا أصرت علي قرارها .. قولتله خلاص أنا هقول لدكتور عمرو لما ييجي ..


طبعا بعد الموقف أنا اتضايقت جدا .. مش عشان الموضوع نفسه لكن عشان اتعصبت علي الدادة وديه اول مرة اعملها في حياتي تقريبا إني اتعصب علي حد في سن والدتي وكمان هي غلبانة ومتعذبة في الكلية .. بس الموقف نفسه سواء التعب اللي كنت فيه او الغضب او الاحساس بالتفرقة خلاني ما قدرش احكم نفسي .. خلاني في حالة ضعف إني أقدر أسيطر علي قراراتي


المهم دكتور عمرو جيه الدادة اشتكيتله .. دكتور عمرو كالعادة بأسلوبه الرائع والمعلم بتهذيب .. قال كلمة واحدة إذا دعتك قدرتك لظلم الناس فتذكر قدرة الله عليك ..

حصل نقاش بيني ودكتور عمرو والبنات ودكتور عمرو .. علي الموقف

وذكرت البنات إن الدادة دخلتهم من قبيل الشهامة وضمنيا من كلامهم إني بما إني رجل يبقي من رجولتي وشهامتي لازم أسكت .. ده ما تقالش بس ضمنيا مفهوم

دكتور عمرو ما كانش يعرف إن البنات بيدخلوا أصلا واستغرب لما قولتله ..

بس طبعا اتذكر في الموقف إن من المساواة تطبيق القانون بشكل كام

اللي عاوز بقي أقف عنده هنا في الموقف ده هي نقطة مهمة .. أظن البنات أخدوا فكرة سيئة عني بعد الموقف إني الشاب اللي ما عندهوش مروءة .. والموضوع أنا مش حاطه هنا عشان أصحح فكرتهم عني وإني المتفرد أخلاقيا بين كل الناس .. ولا حاطه برده عشان أبرر موقفي للناس .. لإن حقيقة مش ده اللي يعنيني في الأمر

لإني كل اللي ضايقني ذاتيا في الموقف هو انفعالي علي الدادة والحمد لله لموضوع بيني وبينها خلص بإني اعتذرتلها بعد المحاضرة وهي قبلت اعتذاري .. وده فعلا اللي حسيت إني فعلا غلطت فيه بعد كلام دكتور عمرو


إنما أنا حطيت الموضوع عشان أقف عند معني معين كتير بنخلط فيه في مصر .. وكتير بيحصل تناقض رهيب في حاجتين كبار أوي


الشهامة والمساواة ..

نلاقي كتير جدا بيذكر المساواة بين الرجل والمرأة والأنظمة العلمانية كتير بتذكر إن المرأة في الغرب معززة وفي الشرق مهانة (ضمنيا عاوزين يفهموا الناس عشان الاسلام دين متخلف ..)

وفي وسط الخضم ده المرأة بقت قاضي مع غن ده شرعا لا يصح ولا يجوز .. وخلوا المرأة ضابط وخلوها في الجيش كمان .. وخلوها عامل حفر وخلوها .. كل حاجة تتخيلوها

وجيه طفح الغرب علينا بمبدأ المساواة .. مع إننا لو ركزنا كويس هنلاقي إن المرآة ظلمت لما بعدنا عن تطبيق مباديء الإسلام .. لأن الإسلام بيحفظها جوهرة مصونة عزيزة ملكة ..

وسط تداخل المواضيع وتضارب الفكر .. وغزو الغرب علينا بدأ يحصل خلط في المفاهيم .. والكلام ده أكدهولي كلام البنات يوم الخميس .. لما قالوا إن المعيدين بيعاملوهم إنهم أقل ذكاء من الشباب ومش من حقهم ياخدوا بونس ووو ..


وعاوز أقولهم .. عذرا .. الكلام ده مش صحيح .. قد يكون ربنا فضل الرجل بأشياء في القدرات العقلية والبدنية وفضل المرأة بأشياء أخري في القدرات العاطفية وغيرها .. لكن عاوز أذكركم بإن فيه حالات متفردة من النساء في مجال العلم

زي مدام كوري .. أول من اكتشف الإشعاع يعني نقدر نعتبرها أم العلوم النووية .. ودكتورة سميرة موسي تلميذة العالم الجليل مصطفي مشرفة واللي اغتيلت كذلك نتيجة لأبحاثها في مجال الذرة ..

بالتالي يبقي مبدأ المساواة لو عاوزينه يطبق زي ما الإسلام بيقول هيبقي فيه حدود لحاجات كتير ما ينفعش النساء يدخلوا فيها حفظا ليهم .. مش من ضمنها العلم والله أعلم .. يعني من حقهم التعلم والمشاركة في التعليم والعلم وإلا هنلاقي مدرسات وطبيبات مسلمات منين ؟؟!! .. ولكن الحدود ديه وضعها الإسلام حفظا وتكريما للمرأة وليس إهانة ليها


وببساطة هقولكم لو إنتوا شايفين الحدود ديه متخلفة خلاص .. تعالوا بقي خشوا الجيش زينا زيكم وتعالوا كمان اشتغلوا كمسرية في الاتوبيسات واشتغلوا في المجاري والزبالة .. ايه رايكم .. مش المساواة ما ينفعش إطلاق الحكم فيها


طيب وكذلك طالما النساء بيطالبوا بالمساواة يبقي لازم المساواة تطبق كليا مش في الحلوة ماشي والحاجات الوحشة لأ ..

وهنا نيجي لموقف يوم الخميس .. ليه ما حصلش مساواة في المنع أو السماح ..

يعني ليه حصلت تفرقة علي أساس الجنس إن البنات يخشوا والولاد لأ .. والله يعلم إن ده ما يهمنيش في حاجة .. يعني مشكلتي مش مع البنات لا حد يفتكر حاجة :lol:.. ولا زعلان إنهم دخلوا وانا لأ .. عشان أنا مش تافه أوي للدرجة ديه أنا تافه شوية صغيرين :khrbai:

لكن هنا اختلط مفهوم الشهامة بالمساواة .. وعاوزكم تفكروا معايا في الموقف ده يعني مش هفرض رأيي علي حد والصح هنوصله كلنا وانا هقبل بيه ونتفق عليه


مش من المساواة برده يا بشمهندسات إننا كلنا نعامل بشكل واحد .. يعني ليه فيه ناس سمحتلهم الدادة إنهم يدخلوا وزعلوا إننا اتكلمت في النقطة ديه وناس ما يدخلوش .. ليه زعلتوا لما اتكلمت في الحق (لو كنتوا زعلتوا يعني )


وهل فيه حاجة اسمها شهامة في تطبيق قانون .. ما هو ده اللي مودينا في داهية .. إن القانون بيطبق حسب مزاجنا ما يطبق علي الغني عشان هو غني وما يطبق علي القوي لإنه قوي .. وما يطبق علي الست سواء عشان فيه بعض الناس زي أغلب الشرطة عينهم زايغة او عشان الشهامة الغلط اللي في بلدنا

إنما الشهامة ممكن في إني أقوم لأختي في الاتوبيس واقعدها حقظا ليها من اللمس وغيره .. أو إني اساعدها بما حباني الله من قوة زي موقف سيدنا موسي في القرآن لما سقي لبنتي سيدنا شعيب .. هي ديه الشهامة .. مش إني أسمح بتطبيق قانون في حالة علي الشاب ولأ علي البنت

أنا عارف إن الموقف هنا صغير مش بالكبر اللي بتكلم عليه لكن هل كلامي صح ولا أنا متحجر الرؤية والتفكير ؟؟ ولا فيه بيني وبينكم تار لا سمح الله :lol:

أنا بس حبيت أأكد علي المعني ده ونوصل لرؤية واضحة نتحرك علي أساسها في حياتنا كلها ونبطل بقي الجهل بدينا وبالغزو الفكري اللي بيحصل علينا ونبطل خلط في المفاهيم .. وأنا قبلكم

[planète bleue]

أنا مزعلتش .. بالعكس حضرتك معاك حق .. لو الدادة دخلتنا .. يبقة لازم تدخلكوا .. القانون على الكل ..

وبصراحة الشهامة هنا ملهاش دعوة يعني .. وغير كدة كمان .. أنا مشفتش غير قلائل في هندسة عين شمس اللي بيهتموا بحاجة اسمها شهامة .. !

عامة موضوع البونس وكدة .. والمعاملة مختلفة .. ده حقيقي من بعض الناس في هيئة التدريس .. بدليل أن دكتور عمرو قال أن النقطة دي أثيرت قبل كدة في اجتماع من الاجتماعات ..

انتوا بس عشان ولاد مش هتحسوا أكيد بالنقطة دي ..

عامة حصل خير .. واحن مزعلناش ولا حاجة .. هو أنا بس استغربت الموقف لما طلعت عشان أول مرة أشوف حضرتك متعصب بالطريقة دي ..

[Kamal]

حصل خير .. أهم حاجة زي ما قولت إننا نتفق علي المعني ونطبقه ما بينا ... واللي بيحصل من المعيدين زي ما قلتم أكبر دليل علي عدم المساواة والابتعاد عن الفهم الصحيح للدين ..

[planète bleue]

اللي استغربتله جدا أن دكتور عمرو مش متخيل ايه النظرة اللي ممكن ينظر بيها حد للبنت في هندسة !

لدرجة أنه فهم حاجة غلط .. وأنا موضحتش كلامي عشان أنا متخيلتش أن الدكتور مش فاهم أن فيه ناس بتبص للبنت على أنها أقل من الولد في استيعابها للعلم..

بس على فكرة .. يعني والله لما الدكتور كان بيسألني اللي بيفكر بالطريقة دي يعني .. ايه قصده أو ليه بيفكر كدة ! ..

أنا مكانش عندي إجابة .. لأني ساعات كتير مش بقدر أفسر انفعلات معينةاتجاه مواقف معينة من ناس معينة ..

عروستي :lol:

بس هو بجد دكتور عمرو شخصية محترمة جدااااا .. :)

[AhmedElSayed]

وعاوز أقولهم .. عذرا .. الكلام ده مش صحيح .. قد يكون ربنا فضل الرجل بأشياء في القدرات العقلية والبدنية وفضل المرأة بأشياء أخري في القدرات العاطفية وغيرها .. لكن عاوز أذكركم بإن فيه حالات متفردة من النساء في مجال العلم

هو إيه اللي كلام مش صحيح ؟؟ هما بيتكلموا عن واقع حسينه مش حاجة تانية .. و أنا متفق معاك في باقي الجملة .. و لكن فيه ناس بتفكر بالطريقة ديه .. و بيفرقوا في المعاملة بين الولاد و البنات إعتقاداً منهم إنهن أقل ذكاء أو لأسباب أخرى.. و العكس صحيح لأسباب أخرى برضه :D

المهم إنك كنت متضايق من الموقف ده .. و حسيت بنوع من التفرقة العنصرية .. و في نفس الوقت ذكرت إن البنات بيعانوا من نفس الشئ بس لسبب مختلف.. ففيه نوع من المساوله هنا ..

و بالنسبة لمسألة المسواوه عموماً و إنهم يدخلوا الجيش و كدا :lol: - و أنا بسمع الكلام ده كتير - ف اللي أنا فاهمه من مسألة المساواه إنها مش مساواه مطلقة .. و لكن مساواه في قدر الإمكانيات المتاحة للطرفين و المفروض إن ده مفهوم ضمنياً .. يعني الأعمال الشاقة و اللي محتاجة تكوين جسدي مختلف و مايقدرش عليها إلا طرف واحد أكيد محدش بيطالب بالمساواه فيها .. إنما الأعمال اللي لا تتطلب ذلك فما المانع في المساواه بين الرجل و المرأة فيها ؟؟

و لما الواحد يبص من للموضوع من ناحية مختلفة هيلاقي إنه هو و المجتمع ككل مستفيدان من الموضوع سواء بشكل مباشر أو لأ.. يعني مثلاً المرأة العاملة دلوقتي ماهي بتساعد في تكوين و تحقيق مستوى أفضل للأسرة بمساعدة زوجها و بتساعد في تطوير المجتمع .. أنا عارف إن مش مطلوب منها أساساً مساعدة زوجها في أعباء المنزل .. و لكن ظروف المعيشة و الحياة حالياً بتفرض ده .. يعني مثلاً بدل ما الولاد ما يخشوا مدرسة حكومي ملهاش لازمة ، يدخلوا مدرسة خاصة عليها القيمة شوية .. و كله بيصب في الصالح العام و الخاص أيضاً..

و برضه من أكتر الأشياء اللي بتغيظني في الموضوع ده هو موضوع سواقة السيدات للعربيات.. ديماً بلاقي التعليق الأبدي هو "مايعدوا في البيت و يريحونا طالما مبيعرفوش يسوقوا" .. و مع إنني شايف إن الجزء التاني فيه شئ من الصحة :lol: إلا أن الجزء الأول إن دل على شئ فهو يدل على الأنانية أو قصر النظر .. لإن في الغالب السيدة اللي بتسوق بتكون رايحة تقضي مصلحة (تجيب العيال من المدرسة .. تزور مامتها .. تجيب للعيال اللبس .. إلخ) على عكس إن هناك نسبة ليست بالقليلة من الشباب و الرجال مثلاً بيسوقوا عشان يضيعوا وقت..

هناك ديماً تفرقة عنصرية من الطرفين و إن كانت من ناحية الرجال اكتر حتى في الأشياء اللي ممكن الطرفين يعملوها بدون أدنى مشكلة و زي ماقلت السبب في ذلك - أظن - هو قصر النظر و الأنانية و كذلك الثقافة السائدة..


و كمان يا عم كمال إنت عارف إن أغلب المشاكل في الكلية سببها شباب و بالتالي الدادة عندها الحق في إنها تخاف على المعمل مننا و تدخل البنات بس و تسيبنا برا :D

[planète bleue]

:)



و برضه من أكتر الأشياء اللي بتغيظني في الموضوع ده هو موضوع سواقة السيدات للعربيات.. ديماً بلاقي التعليق الأبدي هو "مايعدوا في البيت و يريحونا طالما مبيعرفوش يسوقوا" .. و مع إنني شايف إن الجزء التاني فيه شئ من الصحة :lol: إلا أن الجزء الأول إن دل على شئ فهو يدل على الأنانية أو قصر النظر .. لإن في الغالب السيدة اللي بتسوق بتكون رايحة تقضي مصلحة (تجيب العيال من المدرسة .. تزور مامتها .. تجيب للعيال اللبس .. إلخ) على عكس إن هناك نسبة ليست بالقليلة من الشباب و الرجال مثلاً بيسوقوا عشان يضيعوا وقت..


طيب هو البنت قبل ما تسوق .. مش لازم تتعلم السواقة ؟

يعني لازم تنزل تسوق في الشارع الطبيعي وفي الزحمة وكدة عشان تتعود قبل ما العربية تجيلها ..

الناس بقة بيتضايقوا ليه لما البنت تتعلم ! .. مش بدل ما تسوق أي كلام وأهو كله فوق دماغهم في الآخر !

وبعدين معلش يعني .. كلنا عارفين أن لما البنت يكون ليها عربيتها دي أكثر صيانة ليها مليون مرة بدل في المواصلات ..

بدل ما قلة القيمة اللي بتحصل في المواصلات دي !

والله حضرتك يا بشمهندس أول واحد أشوفه بيتكلم من وجهة نظر محايدة .. مش من وجهة نظره كولد

[planète bleue]

و كمان يا عم كمال إنت عارف إن أغلب المشاكل في الكلية سببها شباب و بالتالي الدادة عندها الحق في إنها تخاف على المعمل مننا و تدخل البنات بس و تسيبنا برا


هو أنا متهيألي عشان الأغلبية العظمى في الكلية ولاد بس ..

لكن مش عشان احن بنات ..

بس احن ممكن نعمل حاجات كتير برده :D

[AhmedElSayed]

لأ مش القصد :D
بس هزار الولاد في المعامل و لو مافيش دكتور أو معيد ممكن يبهدل الدنيا :D

[Mohammed Abdel Hamid]

لأ مش القصد :D
بس هزار الولاد في المعامل و لو مافيش دكتور أو معيد ممكن يبهدل الدنيا :D
معاك يابو حميد بس نوعية الهزار اللي أنت بتتكلم عنه ده أعتفد أن الناس مش بتهزره في المعامل خالص (على حد معلوماتي يعني :D )

بخصوص الموضوع كله بقى

احنا ساعات كتير بنكون متضايقين و نطلع غيظنا ده في حد تاني بالغلط ، علشان كدة لما الواحد يكون متضايق لازم ياخد جنب كدة لحد ما يهدأ ، الناس مالهاش ذنب في اللي احنا بنمر بيه يا عم كمال

وربنا يكرمك فعلاً أنك اعتذرت لها ، ربنا يكرمك يابني :)


.. أنا مشفتش غير قلائل في هندسة عين شمس اللي بيهتموا بحاجة اسمها شهامة .. !قاسية أوي الجملة دي :D

والناس والله لسة بخير بجد ، أقربها كان فيه واحد صاحبي مطرود من المعمل عندنا ، علشان كان ساند على ترابيزة

طب هو سند عليها ليه ؟

علشان كان كل الجروب اللي هو رايح يحضر معاه باشمهندسات ، و ماكانش ينفع يقعد و حد فيهم واقف

الراجل قعد مدة حلوة واقف ، لما تعب سند على الترابيزة

دخل المسئول و طرده :)

قد ما زعلت له انه انطرد

قد ما انبسطت لأننا عندنا رجالة ، و لو اختلفت على حاجات كتيرة في طلبة كليتنا ، لكن أقدر أؤكد ان الشهامة أكتر حاجة متواجدة فيهم ، بجد

بس الفكرة ان المواقف العادية مش بتبين

كتير أوي في السكاشن اللي في صالات الرسم بالاقي الشباب يقوموا و يدوا كراسيهم للباشمهندسات لو مافيش كراسي

مهما كان قسمهم ، شفت الكلام ده في ميكانيكا و مدني و كهربا ، يعني مش معتمدة على القسم .

بس كدة :)

ماكنتش ناوي أزعجكم

بس حسيت أن فيه حاجة بسيطة محتاجة تتوضح :)

[Mohamed Khairy]

السلام عليكم و رحمة الله

طبعا الموضوع اللي انتوا بتتكلموا فيه دلوقتي ده موضوع مهم جدا و كبير جدا برده ان احنا في الموضوع ده نقدر نغطي جميع جوانبه لكن ان شاء الله على قد ما نقدر ممكن نحاول نتكلم في بعض الحاجات

اولا: طبعا لا شك ان في مشاكل كتير في المجتمع كلنا بنعاني منها سواء الرجل او المرأه لكن المشكله الكبيره جدا اننا بزعامة اصحاب الافكار العلمانيه بقينا بنستمد جميع المفاهيم او اغلبها من الفكر الغربي اللي بيدعي ان هو عامل مساواه بين الرجل و المرأه و ان هو اللي ادى للمرأه الحريه و......الخ في حين اننا لو دققنا النظر هنلاقي ان هما عندهم مثلا احد مفاهيم حرية المرأه مثلا ان البنت مش عارف بعد 16 و لا 18 سنه من حقها انها تنطلق الى حيث تشاء و تعمل اللي هي عاوزاه و ممكن ما ترجعش بيتها الا في المناسبات و عادي جدا الاب و الام متفهمين .... في حين ان هما كده اذنبوا في حق بنتهم انهم سابوها في سن لم يكتمل فيه قوة الادراك لجميع مفاهيم الحياه و اقنعوها ان هي دلوقتي تقدر تعمل اللي هي عاوزاه لانها بقت ناضجه و هما اصلا ما علموهاش من صغرها الصح من الغلط لانهم اصلا فكرهم غير سليم بالمره
و طبعا في حاجات تانيه اكيد كلكوا عارفينها من المشاكل الاجتماعيه اللي عندهم و اللي مش هينفع طبعا اتكلم فيها و اللي كلها بتؤدي في الاخر الى اسر مشرده و ابناء تايهين في الحياه و كل واحد ماشي على حسب مزاجه و ما فيش طريق محدد عارف الواحد يمشي فيه و يطمن انه ماشي كده صح
طبعا علاوه على ان المرأه هناك بتعامل معاملة السلعه في وجهة نظري او بمعنى اخر شكل تاني لمفهوم العبوديه اللي الاسلام قضى عليه بس عاملينه بشكل تاني و تحت شعارات تانيه زي استغلال عاطفة المرأه و اقناعها بمفاهيم معينه للحب و غيره فييجي اي واحد يستغل العاطفه دي و بعد كده يشوف واحده غيرها يستغل فيها نفس العاطفه و هكذا...... (و لا داعي للخوض في تفاصيل اكتر)

في حين ان احنا في مجتمعنا (او بقايا المجتمع اللي لسه فاكرين المفاهيم الصحيحه) المرأه تظل جوهره مصونه ليس من حق احد التلاعب بها و لا بمشاعرها لحد ما ييجي الانسان اللي يستحقها و اهلها يرو فيه السمات الملائمه لابنتهم و هي ايضا ترى فيه ما يناسبها فتنتقل البنت الى من يستحقها و يكونوا الاسر المتوازنه المبنيه على الاخلاق و القيم الرفيعه و العقيده الدينيه السليمه

غير ان في حاجه مثلا الاسلام امرنا بيها و هي غض البصر و اللي لو تاملنا فيه هنعرف أد ايه الاسلام ده كرم المرأه ... يعني أحد الاشياء مثلا اللي اراها من حكم الموضوع ده (و اكيد الحكم اكتر من كده بكتيييير) ان المراه دي جوهره مصونه مش المفروض ان اي حد يقعد ينظر اليها نظرات جارحه او غيره.... و اللي طبعا لما اختفى المفهوم ده عند اغلب الشباب بقت البنت بتمشي في الشارع و طبعا الشباب المرميين في كل حته كل واحد بيلأحلوا كلمه و غيره و ده طبعا بيجرح البنت المحترمه جدا

طبعا دي حاجه من حاجات كتير ممكن نعمل فيها مقارنات لا نهائيه بين القوانين الوضعيه للبشر و بين المنهج الالهي الكامل الصالح بالتأكيد لجميع الازمنه و الامكنه

ثانيا : بالنسبه لقضية تعليم المرأه ............ طبعا لا شك ان تعليم المرأه شيء ضروري جدا و المجتمع محتاج جدا للمرأه المتعلمه زي ما محتاج للرجل المتعلم لأن لو حتى المجال اللي المراه هتتعلمه مش فرض كفايه عليها(لان في حاجات معينه بيكون فيها فرض كفايه على المراه زي الطب و التدريس و غيرهم بس طبعا مش عارفهم كلهم و مش عارف هل الهندسه منهم و لا لأ:lol:) لكن يكفي انها هي اللي هتربي الابناء بعد كده و هتكون مسؤله عن جيل طالع للبلاد و لازم يكون مدرك وواعي و قادر على تحمل المسؤليات لكن المرأه الغير متعلمه (مع احترامي الشديد لها لان امهات ناس كتير كده و كانوا افضل من غيرهم متعلمات في تربيه اولادهم ما شاء الله) بيتهيألي في الغالب هتكون اقل كفاءه من المتعلمه
لكن طبعا ده ما ينسيناش ان المفروض فيه ضوابط معينه المفروض تكون موجوده و اللي نتيجة غيابها اليومين دول بقى في بنات وشباب كتيييييييييييير بيروحوا الجامعه عشان يحبوا في بعض و يعيشوا اللحظه و ابقى سلملي على التعليم:sheesha::smoke:

اما بالنسبه لسوء المعامله للبنت من بعض الناس فده غير مقبول بالتأكيد ... و ان كنت اظن انه في كتير من الاحوال بيكون سوء المعامله راجع الي ان الشخص اللي بيعامل وحش هو بيكون طبعه كده لكن انتوا بتظنوا ده عشان المفاهيم اللي بتسمعوها كتير ان المرأه عندنا مظلومه و بره مبسوطه اخر حاجه:lol:

اخيرا : احب اوضح ان انا كده اتكلمت عن نقطه من بحر في الموضوع ده و احب ااكد اننا و الله لو رجعنا لاتباع الدين اللي ربنا نزلهولنا عشان نسعد في الدنيا و الاخره كل المشاكل اللي بنتكلم عليها دي هتختفي شيئا فشيئا

و ربنا جعل للراجل مميزات صفات و للمرأه مميزات و صفات و كل من الرجل و المراه يكملان بعضهما البعض لكن لازم كل واحد منهم يعرف ايه الحاجه المناسبه ليه و عشان نعرف الحاجه المناسبه اكيد هيكون اللي خلقنا هو اللي عارفها و هو سبحانه ما خباهاش علينا و قالهالنا في الكتب السماويه اللي نزلها لكن احنا اللي بنحب نتبع اللي بيتبعوا اهواءهم و بيبتدعوا قوانين من دماغهم

واحب انقل كلمه قالها واحد غربي بعد اما دخل في الاسلام: "الفرق بيننا و بينكم اننا ولدنا لا نعرف لماذا خلقنا و الى اين نذهب و ماذا بعد الموت و لكنكم ولدتم تعرفون لماذا خلقتم و الى اين تذهبون و ماذا سيكون بعد الموت" فهل نتخذ من لا يعرفون لماذا خلقوا و الى اين هم ذاهبون قدوة لنا في منهج حياتنا

و طبعا في نقطه كتيييييير جدا بيتحججوا بيها في اقتداءهم بالغرب و هو "أصل هما متقدمين و احنا متأخرين " ... أقوللوا ماشي يا شاطر ما احنا كنا متقدمين اكتر منهم و كانوا بييجوا يتعلموا عندنا اصلا زي ما احنا دلوقتي بنروح نتعلم عندهم (و انا عملت مواضيع قبل كده كتير بتدلل على كده بالوثائق التاريخيه)لكن اللي حصل ان اما جت فترات انهزام نتيجه عديمي الضمائر اللي كانوا بيتولوا حكم المسلمين بعد كده الغرب كان اخد العلم و طوره فاحنا لاقيناهم بقوا جامدين فروحنا نقلدهم في كل حاجه و لأن الانسان ميال لاهواؤه و شهواته فاخدنا منهم اللي بيتفق مع الاهواء و سيبنا العمل و الاجتهاد و التطوير ما اخدناهوش فبقى الحال زي ما احنا بنعاني دلوقتي

اسف على الاطاله و انا عارف انا الموضوع مش في مكانه بس انتوا اللي فتحتوا الملف الساخن ده:lol:

و السلام عليكم:)

[Mohammed Abdel Hamid]

مش فاكر سمعت الجملة دي فين بس كان الراجل بيقول على أوروبا : رأيت اسلاماً بلا مسلمين، وعندنا أرى مسلمين بغير اسلام

التقدم اللي هما فيه ده مش سببه التحرر و بتاع ، لكن سببه ان الناس دي بتتبع قواعد الاسلام في العمل ، زي النظام و الالتزام و خلافه

لكن عندنا ، كتير مش بيلتزم بالقواعد دي :S

[Λ7MD]

كمال .... أنت شهم بجد و عاجبني جدا

[Mohamed Khairy]

مش فاكر سمعت الجملة دي فين بس كان الراجل بيقول على أوروبا : رأيت اسلاماً بلا مسلمين، وعندنا أرى مسلمين بغير اسلام

التقدم اللي هما فيه ده مش سببه التحرر و بتاع ، لكن سببه ان الناس دي بتتبع قواعد الاسلام في العمل ، زي النظام و الالتزام و خلافه

لكن عندنا ، كتير مش بيلتزم بالقواعد دي :S
بالظبط كده يا محمد و هو ده اللي كتير جدا مش فاهمينه بس بياخدوا الجزء اللي جاي على هواهم ..... ربنا يهدينا جميعا

و بالمناسبه الكلمه دي كان قالها محمد عبده اللي كان محمد علي باعته مع الجاليه اللي بتتعلم هناك عشان يحافظوا على دينهم
لكن للأسف على حد علمي ان هو نفسه اتفتن و بدل ما يرجع يقول للناس ارجعوا التزموا بمباديء دينكم اللي بتحس على العمل و الاخلاق و كل ده رجع بافكار التحرير و الانفتاح و غيره و الله اعلم

[planète bleue]

حضرتك يا بشمهندس محمد قلت حاجات كويسة وصح

بس حاسة أن اللي حصل يوم الخميس ملهوش علاقة بكل ده :D

إلا لما حضرتك قلت أن كل حد رجل أو امرأة ليه صفات ومميزات ربنا خلقهم بيها .. ومينفعش حد يعمل شغل التاني ..

عشان كدة أنا بس عندي ملحوظة .. البشمهندس اللي قال احن عندنا جيش وبنتعب وكدة .. طيب يعني هل معنى كدة بقة أننا احن البنات نروح الجيش و الولاد يقعدوا في البيت يقوموا بمهام الست في البيت !

مفهمتش بصراحة ايه مناسبة الجملة اللي اتقالت

النقطة اللي بنناقشها واضحة .. مش كل حاجة أكيد البنت والولد متساويين فيها .. إنما لما نيجي نتكلم عن التعليم .. ايه اللي ممكن يختلف يعني !

لما أرفع ايدي وأطلب باستماتة أن المعيد يجاوب على سؤالي وأكون قاعدة في البنش الأول وأرفع صوتي على قد ما أقدر .. وبعدين ألاقي مفيش استجابة ! ..

وفي نفس الوقت لما ولد في البنش الأخير يرفع إيده بس ويجاوب عليه ..

C بقة ؟

الموقفين فارق ايه عند المعيد يعني ؟

لما أطلب بونس .. هتفرق في ايه !

مش فاهمة النقطة دي خالص أنا !

على فكرة جت في فترة والله والناس اتحسنت في النقطة دي .. بس بعد كدة رجعوا تاني !

بالنسبة لنقطة الشهامة .. أنا قلت أن فيه قلائل .. وعلى فكرة مش في الكلية بس .. في الحياة العامة كمان ..

ده أنا بشوف مواقف عجيبة والله !

[SHITOS]

حصل خير :)

[Λ7MD]

خلاث
الموضوع خلص

التوبيك مغلق للتحسينات بقي
كلوا يروح يشوف اللى وراه
:011:

[Mohamed Khairy]

حضرتك يا بشمهندس محمد قلت حاجات كويسة وصح

بس حاسة أن اللي حصل يوم الخميس ملهوش علاقة بكل ده :D


انا ما كنتش بتكلم عن اللي حصل يوم الخميس لأن ده موقف صغير و عابر:lol:
انما لما لاقيتكم بتتكلموا عن حوار المساواه و الكلام ده فحبيت بس اقول بعض الحاجات لأني بلاحظ ان المعظم عنده اعتقادات و مفاهيم مشوشه الى حد ما

و عموما برده حصل خير:)

[planète bleue]

بس كويس والله :)

دكتور عمرو كان بيسأل استفدتوا ايه من الريبورت .. ففيه بشمهندس قال أنا حسيت بقيمة الحاجات اللي بناخدها ..

وأنا قلت على فكرة أنا بقة محستش بحاجة خالص ..

فالدكتور قال خلاص بقة بدل ما يحصل ضرب :lol:

دكتور عمرو خد فكرة عن أن فيه حرب بين البنات والولاد :D

[Λ7MD]

انا مشترك

[planète bleue]

الاشتراك خلص خلاص

[فهد]

كويس الكلام ده
كل واحد لازم يطلع دروس مستفاده من اللى حصل

[Kamal]

ولا أنا كنت بتكلم عن موضوع يوم الخميس .. لأنه موقف صغير مش بكبر المفهوم اللي بنتكلم فيه .. لكن إحنا دايما بناخد من المواقف ديه دلالات ونبني عليها قناعات وأفكار ..

فلازم المعتقدات والقناعات والأفكار ديه تتبني صح .. وعشان كده حبيت نتكلم في المعني ده وكل واحد يخرج اللي في نفسه

زي ما قولت مبدأ المساواة لا يطبق بإطلاق .. لإن الرجل مميز عن المرأة في حاجات والمرأة مميزة عن الراجل في حاجات

ما بحبش كلامنا كله يبقي مبني علي تفكير شخصي بس .. فتعالوا نرجع نبص نشوف ربنا قالنا إيه

بصوا كده الآية ديه

http://www.elazhar.com/quran/image/4_032.gif

ولا تتمنوا ما فضل الله به بعضكم على بعض" من جهة الدنيا أو الدين لئلا يؤدي إلى التحاسد والتباغض "للرجال نصيب" ثواب "مما اكتسبوا" بسبب ما عملوا من الجهاد وغيره "وللنساء نصيب مما اكتسبن" من طاعة أزواجهن وحفظ فروجهن نزلت لما قالت أم سلمة : ليتنا كنا رجالا فجاهدنا وكان لنا مثل أجر الرجال "وسألوا" بهمزة ودونها "الله من فضله" ما احتجتم إليه يعطكم "إن الله كان بكل شيء عليما" ومنه محل الفضل وسؤالكم

وممكن ترجعوا للتفسير في الموقع ده رائع .. http://quran.muslim-web.com/sura/?s=4


لكن فيه طبقة كده بنتشارك فيها في المساواة زي تطبيق القانون زي ما قولت .. وده في رأيي لا محل للشهامة فيه

ده بشكل عام جدا مش علي موقف يوم الخميس لإنه صغير أوي وما فيش مشاكل إن البنات تدخل المدرج ولا لأ .. حفظأ ليهم يعني .. لكن أنا بتكلم بأعم الأشكال وزي ما حضراتكم عارفين إن فقها لا يطبق الحكم العام علي الحالة الخاصة ..

وأنا لست أهلا إني أحدد نوع الحالة خاصة ام عامة فبتكلم علي الحالة الاسهل وهي العامة ..

[planète bleue]

إذا كان كدة بقة يبقة أنا عندي كلام كتير :D

[SHITOS]

انا كان نفسى اقله اني استفدت استفادة ضخمة جداا فى كيفية التعامل مع الكيبورد و كتابه المعادلات .

[Islam Elshahat]

ده احنا على كده دكتور وجدي موفر لنا السلام الإجتماعي:lol:

[Λ7MD]

بس يا عم
مش ناقصين عين من أى حد
الموضوع مش ناقص أساسا

[planète bleue]

يعني احن هانحسد على ايه :D

[Λ7MD]

نَــــــــــــــعَـــــــــــــــــمْ
:lol:
على أيه !!!


بلاش
عشان العين برضو
:P :P :P

[planète bleue]

مع السلامة :P

[Λ7MD]

:birgits_giggle:
:harhar: