eng.Ibrahim El-Araby
04-20-2010, 11:19 PM
اعزائى الطلاب ازيكوا جميعا واتمنى ان تكونوا وفقتم فى امتحان المدترم واتمنى لكم النجاح بتقدير فى امتحان الفينل اولا احب اوضح لكم صورة سيئة جدا واجهتها فى السكاشن اللى بديها فى يوم السبت والاثنين من انتشار ظاهرة النقل للتقرير بصورة بشعة لدرجة ان جميع التقارير لها نفس الفورمات ولو غلطة موجودة فى واحد فهى عند جميع الاشخاص الا القليل منهم طيب هسال سؤال انت ليه بتنقل؟ ياترى مش عندك وقت ؟ طيب ماتحاول تنظم وقتم افضل وبدل ماتتفرج على التليفزيون او تلعب او تخرج وفر الوقت ده للمذاكرة ملحقتش علشان المد ترم ؟ طيب ازاى كان عليك امتحان ودخلته منغير ماتحل التقرير بنفسك مش فاهم فعلشان كده نقلت؟ طيب ليه محضرتش المحاضرة علشان تفهم حضرت المحاضرة وبرده مش فاهم ؟ طيب ليه مفكرتش فى المسائل ودورت على الحجات اللى انت مش عارفها ورحت سالت فيها الدكتورة او المعيدين للاسف شكل مؤسف للغاية ان جميع الطلاب ناقلين التقارير بصورة بشعة وللاسف ان اللى بينقل بينقل حجات غلط وياترى بيذاكر منها بعد كده وهتدخل بيها الامتحان وبعد كده تقول اصل انا منجحتش ياريت كلنا نفكر فى السبب من دلوقتى ونفكر ازاى نذاكر صح ونتعلم صح بزمتك مش عيب انك تنقل وتاخد درجة وانت مش فاهم طيب تاخد درجة على ايه طيب مابدل ماتنقل بص على التقرير وحاول تحله بنفسك واللى متعرفهوش اسال فيه فى السكشن او اسال المعيد اللى بيديك انت فاضى امتى ورحله واساله فى كل اللى مش عارفه تبعا لما سبق فللاسف سابلغكم جميعا قرار تم الاتفاق عليه من اول السنة ولكن رافة بكم كنا نتغاضى بعض الوقت ولكن من الاسبوع القادم لا تغاضى فى ذلك كل من ينقل تقرير لو نحس باى حال من الاحوال او اى صورة من الصور انوه منقول تكون الدرجة صفر للتقرير بالكامل نقل سطر زى نقل التقرير كله فحتى لو مسالة واحدة فقط منقولة والباقى محلول بنفسك برده صفر ارجوا الالتزام بهذه التعليمات ومتاسف جدا انى ببلغكم كده ولكن كل هذا لمصلحتكم من اجل انكوا تكونوا مهندسين بجد مش مهندس اسم وخلاص اعرف حقوقك كويس وواجباتك عايز تفهم من حقك اننا نفهمك وانك تسال بس قبل ماتسال عن حقوقك اعرف ايه هى واجباتك اللى لازم تلتزم بيها حضور المحاضرة فى غاية الاهمية قرائة التمارين قبل السكشن والمحاولة فيها تحضير الاسئلة قبل السكشن وسيتم الاجابة على جميع تساؤلاتكم مهندس/ ابراهيم العربى