feedback for 2nd year electrical

[amrsaad]

السلام عليكم و رحمة الله و بركاته
في البداية أحب أقولكم تعريف بسيط عني
الاسم : عمرو سعد محمد
سنة التخرج : 2009
الترتيب : الثاني
بداية التعيين : 1-2-2010
اول مواد ادرسها : نظم التشغيل و الكنترول
و طبعا انتم بالاضافة لسنة تالتة أول دفعات ادرس ليها ... :D

كفاية كده ..... :D

المهم كنت عايز اعرف رأيكو بصراحة في كل حاجة في الفترة اللي قضيتها معاكو
علشان انا الجيش بتاعي في شهر 4 القادم

يا ريت كل واحد يعبر عن كل اللى جواه بصراحة و مفيش اي مشاكل
أكيد رأيكو يهمني علشان أستفيد من أي أخطاء انا عملتها علشان الدفعات القادمة متعانيش من نفس الأخطاء ...
و يا ريت اي حد عندو اي مشاكل في المادة يقولي علشان اسيبكو و أنا مستريح
و لو حد مش فاهم حاجة انا معنديش اي مانع اشرحها ليه ....
في انتظار مشاركاتكم


feel free to say what you want

http://www.h3sonline.com/forums/Emotions/E2%20-%20Y%20o%20l%20k%20s/have%20a%20nice%20day.png

ملحوظة مهمة: أنا بطبيعتي مبحبش أضايق حد و هادي الى حد ما بس انتو يا سنة تانية بتخرجوني عن شعوري في السكاشن :Angry: و ساعتها بتلقائية ممكن اي رد فعل يصدر مني و أكيد بعضكو جرب كده :^^:

حاجة تانية انا فعلا متضايق من تصرفاتكو اثناء الكويز .... بس مش حقول غير حاجة واحدة .... ما عند الله لا ينال بمعصيته .... اوعوا تفتكروا الغش بينجح

[مــــاجدة]

احم ... طبعا ربنا يكرم حضرتك على المبادره الطيبه دى ويجازيك عنها كل خير
بس هل حضرتك تحب التعليق يكون هنا ولا ف رساله خاصه ؟؟

[amrsaad]

احم ... طبعا ربنا يكرم حضرتك على المبادره الطيبه دى ويجازيك عنها كل خير
بس هل حضرتك تحب التعليق يكون هنا ولا ف رساله خاصه ؟؟
زي متحب

[ReeVo]

انا بجد متضايق جداا ان حضرتك زعلان مننا
بس انا عن نفسي مغشتش الحمد لله
وأتمنى متكشن بجد زعلان مننا
وفعلا زي ما قولت في التوبيك التاني حضرتك مش بتديني في السيكشن :Dللأسف بجد كان نفسي أحضر مع حضرتك والله
وأحب أشكر حضرتك على المبادرة ده مرة تانية

وياريت كل الناس تشارك في التوبيك

[totatot14]

كلام جميل
أنا حضرت مع حضرتك في محاضرة الكويز بتاعت الاربع الاولى والسيكشن المجمع اللي بعدو
وعلى فكرة انا فهمت بمنتهى السلاسة
الا اني كنت متنرفزة من الدوشة والناس اللي بتتكلم و (بتغش)
واتغاظت أكتر لما حضرتك قولت ان الناس لو ما بطلتش دوشة حضرتك هتمشي (طب في ناس مؤدبين وعايزين يفهمو ..ذنبهم ايه)
فاااا مع حضرتك صلاحيات حازمة وهية مش معمولة للأذية لا سمح الله ولكنها معمولة لحماية الناس( اللي عايزة تفهم واللي بتذاكر وبتبذل مجهود و بتحل من غير ما تستعين بصديق) اللي هية مسئولية .

بس في الاخر انا فهمت بالعند في الناس اللي عملت دوشة:P

[MoNaa]

موضوع جميل جدا :)

هو حضرتك مش بتدينى فى السكشن بس انا حضرت سكشن مرة وكان عندى صعوبه انى اركز عشان الصوت والدوشه
وكنا بنسمع حضرتك بصعوبه شويه

بس فهمت بنسبه معينه الى حد ما

[m.osama]

رديت فى رساله خاصه:D

:):)

[Ahmed Sanad]

السلام عليكم ورحمة الله وبركاته,,

توبيك جميل جدا من حضرتك بجد :)

ياريت كل الناس تهتم بالـــ Feedback من الطلبة كده :)

[Akram Mohamed Seif El Dine]

فكرة جميلة جدا من حضرتك
و لكن للاسف حضرتك ما تدينيش فى السيكشن
و جزاك الله خيراااا

[samer ba7r]

ديه حاجه كويسه جدا منك يبشمهندس:)
وان شاء الله تفيدك فى السنين القادمه

[zidane 10]

السلام عليكم ورحمة الله وبركاته,,

توبيك جميل جدا من حضرتك بجد :)

ياريت كل الناس تهتم بالـــ Feedback من الطلبة كده :)
على فكرة احنا مش قصدنا ننرفز حضرتك بس الطريقة اللى بنتعلم بيها ( المحاضرة غير السيكشن ) هى اللى مخلاينا كده

[Emily]

The first section was good.......but that's because I was sitting in the front.......since then I can hardly hear because of the noise

[MiShOoO]

ya bashmohandes bgd shokran 3ala enk ehtamek b ra2yena bgd ... :D:D
bs ana fhemt kol el sec> elly a3dt fiha odam b2mana enta rabena y3awadak 5er bs NA2SAk 7aga 1 ...
TKON SHDED SHEWAYA MATETSAHELSH 3shan elly gay yfham mesh gay 3shan el 3'yab w plz el3'i el 3'yab w e3mel zay manta bte3mel keda quiz so3'ayar awi keda b3d mateshra7 a7san bkter l2n nas kter bygo only 3shan el 3'yab keda mesh hayego w elly a3ed yfham w tedy daragat bera7tk :D

[engmohamed]

و عليك السلام يبشمهندس
1-صوت حضرتك منخفض شوية مما يجعل الطلبة البعاد أو أللى ورة ميسمعوش كويس و بالتالى يكلموا بعض و هذا من أهم أسباب الدوشة
2-طيبة حضرتك و تبسمك دائما و هذه ميزة و لكن فى بعض الأحيان محتاجة شدة شوية و تكشيرة علشان فية ناس تخاف و لا تختشيش فهؤلاء مينفعش معهم الأبتسامة و التغاضى عن بعض أفعلهم أللى هضيع علينا المادة دية وربنا يهديهم
و السلام عليك ورحمة الله بركاتة

[A7med]

شكر ايا بشمهندس على التوبيك ده و اهتمامك بالدفعات الجاية و أنا هاقولك رأيى اللى هيكون صريح و رخم بس هى دى الحقيقة و الرأى اللى حضرتك ممكن تستفيد منه :
من أهم السكاشن اللى بيديها المعيد او حتى الدكتور بتكون أول سكشن اللى المفروض يعمل فيها first impression كويس و حضرتك ما عملتش اى impression خالص الصراحة
1 - المعيدين الكبار زى بشمهندس هيثم او بشمهندس نبيل لما دخلو لنا اول سكشن فى اولى ما دخلوش خبط لزق فى المادة لأ عرفنا على نفسه و بعد كدة عرفنا تقسيمة المادة و هنشتغل ايه و ايه ال objective و لحد كدة ده مستوى المعيد العادى اللى المفروض يتعمل , لأ هما كمان زودو الحاجات اللى هيا فعلا مهمة زى هنستفيد ايه من المادة دى فى الحياة ..تطبيقات عملية للمادة ..المادة دى مهمة لاقسام ايه ..و غيره و بكدة بيخلو الطالب يتهيأ نفسيا للسكاشن الجاية و يحب المادة .
2 - طبعا كويس ان حضرتك تكون طيب و ما بتزعقش لكن فيه حدود يعنى ما ينفعش حضرتك تسمح للناس تتكلم و انت بتتكلم لان ده بيخلى السكشن زى السوق و مهما كان صوت حضرتك عالى او واطى برضه محدش هيسمع المفروض حضرتك تفرض سيطرتك و انت بتتكلم كله يسكت و الا اللى يتكلم يطرد بالزوق حتى و طردت الناس كلها و فضل عشرة عايزين يسمعو يبقى احسن
3 - فيه برضه هزار يتقال و هزار ما يتقالش يعنى حضرتك تقولنا انا خريج 2009 و هاضيعكو معايا دى حاجة غريبة ( ده اللى انا سمعته من ورة ممكن تكون ما اتقالتش كدة) بتبين عدم الثقة بالنفس حتى لو حضرتك عندك ثقة عالية فى مادتك فكلام زى ده يقلل ثقتنا فى حضرتك
4 - م نالناحية العلمية فما اقدرش احكم الصراحة الا فى حاجة واحدة ان حضرتك مالكش ستايل معين ... يعنى مثلا بشمهندس نبيل بيبسط الموضوع على الاخر و يشرح كتير و ما بيكتبش على السبورة الا شخبطة .. م /هشام بيحب يكتر اوى فى كل التفاصيل كانك ادام دكتور .. م/هيثم و م/رامى مذاكرين و فاهمين كويس جدا جدا و بيلخصو الموضوع على الأخر و بعدين بييجو يقولو فى السكشن الملخص المفيد . و كل واحد و مدرسته بس ان اما شفتش لحضرتك حاجة تميزك عن اى معيد تانى .

بس ده كل الى عندى و يا ريت يكون رأيى الصادم ده مفيد لحضرتك و مع كل الاعتذار لو تجاوزت حدودى .

[mostafahalawa]

only try to b clear & don't try to simulate and to get the character.we like u as our friend