اعتزار لبشمهندس عمرو باسم سيكشن 9 و 10

[عاشق الجمال]

بجد يا جماعه لازم نعتزر لبشمهندس عمرو علي الاحراج الي سببناهولوا النهارده في سيكشن الهيت ( الاثنين 22/3/2010 الفتره الرابعه )

علشان بجد هوا انسان يستحق الاحترام والتقدير بجد انسان قمه في كل حاجه وميستهلش مننا كدا.


طبعا عايزين تعرفوا الي حصل ( انا هقول الخلاصه :
البشمهندس لما دخل لسه بيقول طلعواالشيت وادواتكم وحلوا المسئله الاولي في الشيت ولسه هنخرج علشان مش معانا ف دخل الدكتور وقال الي (معهوش الشيت+الجداول +المحاضرات +الاله )يطلع بره ف طبعا السيكشن كله خرج بالاجماع بس وطبعا لو دي غلطط حد ف دي غلتطنا مش غلتط بشمهندس عمرو بس كدا)


اسفين يا بشمهندس

:hema::hema::hema::hema:

[عمر طه طه]

شعور نبيل

[Bim Bim]

فعلا اسفين يا بشمهندس

[som3aa]

على فكره يا ويلر الكلام ده على سكشن 9 و 10 و 11
والتلاته اطردوا
وفعلا ياريت بكره فى المحاضره نشهد شهاده حق فى حق الباشمهندس عمرو

[ZFT]

شهادة حق من اكتر المعيدين اللى فعلا الواحد هيفضل فاكرهم بكل خير خلال تواجدة فى الكلية دة وحتى بعد الكلية بشمهندس عمرو

بجد يا شباب لازم تأكدوا للدكتور انها غلطتكوا للعلم انا فى سكشن مش بيدرسلوا الباشمهندس عمرو

[عاشق الجمال]

على فكره يا ويلر الكلام ده على سكشن 9 و 10 و 11
والتلاته اطردوا
وفعلا ياريت بكره فى المحاضره نشهد شهاده حق فى حق الباشمهندس عمرو

والله عندك حق ياسمعه بس نقوله ايه؟

[عاشق الجمال]

شهادة حق من اكتر المعيدين اللى فعلا الواحد هيفضل فاكرهم بكل خير خلال تواجدة فى الكلية دة وحتى بعد الكلية بشمهندس عمرو

بجد يا شباب لازم تأكدوا للدكتور انها غلطتكوا للعلم انا فى سكشن مش بيدرسلوا الباشمهندس عمرو

والله عندك حق يابشمهندي والاكتر اني لما جيت اعتزرله بعد ده كله كنت حاسس انه متضايق علشانا وعلشان السيكشن متشرحش بجد مش لاقي حاجه اقولها عنه

[som3aa]

طب نجيبله هديه اى حاجه

وبكره فى المحاضره
ولا بلاش اما نشوف رده فعل الدكتور الاول

[عاشق الجمال]

طب نجيبله هديه اى حاجه

وبكره فى المحاضره
ولا بلاش اما نشوف رده فعل الدكتور الاول

تجيب للدكتور ولا لبشمهندس عمرو.؟

[3obad]

يا جماعه هى مش نظرية هدايه و ورد لو بتفكروا فى هديه هى تكون مذكرتنا وحل الشيت كله
والمره اللى جايه يكون معانا كل حاجه خاصه بالماده
بس احنا نستاهل

:hema: واكتر كمان :hema:

[som3aa]

والله يا جماعه الواحد ميخفيش انه كان مقصر
بس انت متخيل ان حد معاه الاربع حاجات وناسى الاله
فاطرد
اصلا كان فى ناس معاها كل حاجه بس قالت يا نعيش عيشه فل يا نموت احنا الكل

[darsh]

بكرة ممكن نقول للدكتور اننا فعلا غلطنا وكنا بنعتمد في السكشن علي الفهم الاول وبعد كده الحل مع المعيد

ونفهمه اننا كان معانا الحجات بس مش كلها

ونفهمه ان البشمهندس ما لوش ذنب ساعتها ممكن يحس اننا تفهمنا الوضع والبشمهندس ما حدش يؤذيه

[3la2 2l_Din]

بلاش أول جملة دي يا درش دي مش في صالح المعيد على فكرة

[darsh]

بلاش أول جملة دي يا درش دي مش في صالح المعيد على فكرة

انا ديمقراطي جدا

حنقول كدده يعني حنقول :D

[3la2 2l_Din]

As U Like:D

[LOGAN]

صح عندكم حق لازم نعتذر للمهندس عمرو

انا كنت فاكر ان انا معايا الحاجه كلها بس طلعت ناسي المحاضرات

[eye]

الدكتور مش عايز شرح اصلا ف السكاشن خدوا بالكم من النقطة دى
بس والله حرام السكشن اللى ضاع ده و م/عمرو مالوش ذنب طبعا
ده واحد طاحن نفسه علشانا بجد............. احنا اسفين يا باشمهندس والله

[عاشق الجمال]

يبقي كدا احنا متفقين من حيث المبدا

اولا نعتزر لبشمهندس عمرو كلنا وياريت حتي الي مش من السكاشن بتاعه النهارده يشكره علي الاقل علشان ميحسش ان اخره تعبه معانا ان احنا نعمل معاه كدا بس هوا عنده سكاشن بكره؟

ثانيا : الصراحه ثانيا دي مش مقتنع بيها اوي ان احنا نروح للدكتور ونحاول نلاقي عذر علشان الصراحه احنا ملناش عذر
هنقوله ايه؟

[عاشق الجمال]

الدكتور مش عايز شرح اصلا ف السكاشن خدوا بالكم من النقطة دى


للاسف الكلام ده صح اوي

[eye]

هو احنا ممكن نكلم الدكتور بس ده ف حالة واحدة لو الدكتور خد اى اجراء مع م/عمرو مع انى مش بيتهيالى ان الموضوع ممكن يكبر كده بس منروحش للدكتور دلوقتى ونعك ف الكلام يعنى يوم ما نروح نبقى اتنين او تلاتة نروحله ف مكتبه ونكون متفقين هنقوله ايه اما بالنسبة ل م/عمرو ف ده لازم كلنا نعتذر له و المرة الجاية نجيب حاجتنا كاملة عشان الموقف ده ميتكررش

[عاشق الجمال]

الحمد لله

انا رحت النهارده للبشمهندس عمرو واعتذرتله تاني بالنيابه عننا وقالي مفيش حاجه اصلا ومفيش احراج ولا حاجه المهم ركزوا انتوا في مزاكرتكم

والله انا بقترح نعمله تمثال ف نص الكليه علشان بجد الكليه دي مشافتش ولا هتشوف زي تاني خالص هوا والبشمهندس عاصم كمان