مع السلامة يا منتدى [الأرشيف] - منتدى هندسة عين شمس

Amedo

10-10-2009, 11:39 PM

أولا ألف شكر للباشمهندسة al amira على طردها ليا من المنتدى بأسلوب مهذب
ومش هطول

كدة خلاص الحكاية خلصت
وأنا قضيت أوقات جميلة في المنتدى القديم
انما الظاهر لما الدنيا كبرت كدة هيحصل مشاكل كتير
والحمد لله انها حصلت معايا بدري عشان أبقى عارف من أولها النظام الجديد التعسفي ده

عملت الموضوع ده مش عشان حد يقولي استنى أنا خلاص خدت القرار ومش هرد في الموضوع ده تاني
حبيت بس أسلم على الناس اللي عرفتهم عن طريق المنتدى وماحصليش شرف معرفتهم برة المنتدى

سلام

Saad Saleh

10-10-2009, 11:49 PM

جزاكم الله خيرا عن الموضوع ...

بعد إذنك هرد في التوبيك دا بصفتي عضو إدارة المنتدى

واضح إن حضرتك مقرتش القانونين دول كويس

1 - عند التواصل مع فريق عمل المنتدى يرجى اتباع التدرج الإداري

2 - إدارة المنتدى ترحب بكل اقتراح و كل نقد موضوعي يدفع للأمام وترفض أي تجريح أو إهانة رفضا قاطعا

القانون الأول .. معناه إن حضرتك كعضو , بتتعامل مع المشرفين اللي هما عماد المنتدى و قوامه
و الواسطة بينا و بين الأعضاء ..

لا قدر الله حاجة ضايقتك .. هتبعت للمشرف تبلغه ..

لا قدر الله المشرف ضايقك .. عندك 9 مشرف عام تقدر تبعت لأي واحد فيهم تبلغه

لا قدر الله محدش من دول أخدلك حقك .. تقدر تبعت لواحد من اتنين تشتكي ليهم , اما العبد لله أو Kamal
اللي بيمثلو إدارة الأقسام العامة و الدراسية

لا قدر الله , الاتنين دول طلعو زي اللي قبلهم , مفيش قدامك غير إنك ترفع كفك لله

لو حضرتك معملتش اللي فات دا .... مع كامل احترامي ليك

لا يحق لك بأي شكل من الأشكال .. إنك تحط توبيك تقول فيه ان الإدارة ظلمتك و المنتدى تعسف معاك

و أنا شخصيا بعتبره مخالف , و بعتبره إهانة شخصية ليا

و القانون التاني , بمقتضاه ...
فعناوين التوبيكات فيها مشكلة

مع العلم ...

إني مشفتش لسة أي توبيكات لأن أحد إخواني في الإشراف بلغني على الموبايل إني أدخل ع المنتدى اشوف في ايه ..

و لسة داخل حالا مشفتش حاجة إلا التوبيك دا

بالتالي ...

مضطر اخالف اجراء الاشراف العام و اظهر التوبيك للناس

و مضطر ارد عليك و اقولك الرد دا ...

و اقولك دلوقتي قدامك اختيار من اتنين ...

الأول : إن تتجاوب مع عضو الإشراف العام اللي اتكلم معاك بمنتهى الاحترام و الأدب , , و لو حصل أي تقصير منه ... و ثبت التقصير دا لا شك إن العضو دا هيتحاسب و حقك هيرجع

التاني : لو مش هتقدر تتعامل مع الفريق الإداري بنفس الطريقة المنظمة اللي بيشتغلو بيها .. فحضرتك هتعز جدا على كل الناس اللي كانت بتحبك في المنتدى

المرة دي المخالفة , انا هعتبرها عن جهل
و الإهانة في حقي الشخصي .. أنا مسامح فيها

جزاكم الله خيرا

تم غلق الموضوع