اعتراض حاد(هام)

[appozy2508]

يا جماعة مين فيكم راضى عن قرارات الكلية و قرارات الجامعة ؟
:011:
مين شايف انه من الصح يقرفوا ناس تعبانة و شقيانة عشان تخدمنا لوجه الله مش اكتر ؟

حد يقدر يعدى فى الرياضة من غير سكاشن ؟
:harhar:
حد يقدر يفهم الكروتة اللى بتحصل فى المحاضرات عشان المحاضرة اتقلبت سيكشن و محاضرة فى وقت واحد ؟

لو فضلنا كده تفتكروا هنطلع فاهمين حاجة فى الكلية دى ؟
:petlya35ch:
مش شايفين انه ظلم علينا ميكونش فيه سكاشن فى الترم ده بالذات اللى فيه كمية معتبرة ؟
:z3rt
يعنى مش كفاية اللى حصل فى الترم الاول و الظروف اللى ضيعت علينا كذا محاضرة فى الترم الاول ؟
:hurt:
انا مش مبسوط و مظنش ان فى حد مبسوط

عندى اقتراحات هسيبكوا تناقشوها براحتكم

1-كل الطلبة اللى فى الكلية يمضوا على اعتراض على الاحوال دى و يطالبوا بتسهيلات
(سكاشن مجمعة-حلول دليل تنزل- تخفيف مستوى الامتحانات لحد ما يجى حد يسندنا زى كل سنة)

2-كل الطلبة فى الكلية يقفوا فى مكان واحد زى وقفة احتجاجية كده

3-الطلبة يمتنعوا عن الحضور (بلاش تهييس الكل هيستندل و هيحضر وش)

احنا لازم نعمل حاجة بجد و لعلمكم الحاجات دى بتتعمل فى جامعة القاهرة و فعلا طولوا الوقت بين الامتحانات فى الكليات اللى اعترضت و كفاية اللى ضيعناه الترم الاول

لو فى حد فيكم راضى عن النظام دلوقت ميعملش حاجة و يسيبها تخرب
الحل فى ايدنا او على الاقل ممكن نساعد نفسنا احسن من كده

يا ريت حد يسمعنى و يا ريت تاخدوا قرار سريع فى الموضوع ده عشان فى الغالب حتى لو جالنا معيدين مش هيكونوا بكفاءة النجوم اللى كانوا عندنا

يلا بينا نبتدى

[m.tarek]

نفس الموضوع المطروح على الساحة فى أقسام كهربا ومدنى وميكا ..ممفيش سكاشن رياضة

نفس الرد اللى هقوله .. هو د.نهى لما سألنها قالت إن الموضوع هيتحل قريب إن شاء الله ..

وإن المشكلة إن شاء الله فى طريقها للحل ..

وإن شاء الله مش هنضطر نفكر فى الاقتراحات اللى اتقالت دى ..

بس فى حاجة ،،

لما الدكاترة بيحطوا الامتحان أكيد هيكون محدد بالنسبة لهم إن الموضوع المشروح فى المحاضرة هو ده اللى متوفر للطالب بس .. بالتالى مش هيكون الموضوع زى الأول لما كانوا بيشرحوا ويحددوا مسائل معينة تتحل فى السكشن ..

بالتالى الموضوع ممكن ميكونش سئ أوى بالدرجة اللى شايفها ..

بس كان ليا تعقيب على حلولك اللى طرحتها دى ..



2-كل الطلبة فى الكلية يقفوا فى مكان واحد زى وقفة احتجاجية كده

3-الطلبة يمتنعوا عن الحضور (بلاش تهييس الكل هيستندل و هيحضر وش)


رقم 2 ..ولا ليها أى لزمة من وجهة نظرى . يمكن عشان مش بحب طريقة الاعتراض دى ..
بس إن شاء الله فعلا الموضوع هيتحل قريب جدا كمان ..قول يا رب

رقم3.. أه طيب وبعدين لما مناخدش رياضة ..هنفهم فى باقى المواد إزاى ..
الرياضة مهياش مادة كده بنعمل فيها حاجات عشان الرياضة والسلام ..
المشكلة إن الكلام اللى بيتاخد ده مهم لباقى المواد ..والموضوعات اللى عندها الترم ده بالذات ..

عامة قول يا رب وزى ما قلت د.نهى قالت إن الموضوع هيتم إن شاء الله ،
وأنا أول واحد نفسه يحل الموضوع ده .. وكنت هكلم فعلا الدكتورة على سكاشن مجمعة وكده ..

ربنا يستر

[SHeR!F]

طارق جاب الخلاصة
بالذات في الحتة دي



لما الدكاترة بيحطوا الامتحان أكيد هيكون محدد بالنسبة لهم إن الموضوع المشروح فى المحاضرة هو ده اللى متوفر للطالب بس .. بالتالى مش هيكون الموضوع زى الأول لما كانوا بيشرحوا ويحددوا مسائل معينة تتحل فى السكشن ..

بالتالى الموضوع ممكن ميكونش سئ أوى بالدرجة اللى شايفها ..

[sho3a3]

ya gama3a yom al 7akoma ba sana fa ana 2al2ana an al mawdoo3 da yatawaaal 3ashan kada ana baa2ayad mawdoo3 al section al mogama3 7ata law 7al mo2akaaaaaaaaat

[appozy2508]

ya gama3a yom al 7akoma ba sana fa ana 2al2ana an al mawdoo3 da yatawaaal 3ashan kada ana baa2ayad mawdoo3 al section al mogama3 7ata law 7al mo2akaaaaaaaaat

بجد ده بالظبط اللى بقول فيه

موضوع ان احنا نتظبط مش بعيد اوى

و بعدين ما هو بسم الله ما شاء الله الترم الاول امتحانه كان اغرب امتحان شفته فى حياتى

فى ناس هتقول سهل فانا مش هنكر هو سهل بس و هنشوف كلنا السهولة بتاعته فى النتيجة :toky2:

انا برضه مش موافق على الاقتراحين التانيين و اول اقتراح مفيهوش مشاكل على ما اظن

مفيش مانع نطلب سكشن مجمع من الدكتورة اونبعت ورقة ممضى فيها اسامينا للعميدة بده

عشان فعلا يوم الحكومة بسنة و لاحظووا ان دايما السكشن بيجى فى الاخر و فى حتة مش بتتقال

دلوقت عندنا حتة فى الاول مش هتتقال فى السكشن عشان اتقالت فى المحاضرة و حتة فى الاخر مش هتتقال عشان الوقت
:harhar:

[AmrMonsteR]

مش ذنب حد عشان نزعل,,,,
دى ظروف المفروض نستحملها و نشوف هنعمل ايه؟؟ بالإضافة لإن الكلية بتحاول تتصرف برضه...
يعنى انا طبعا الظروف مش عاجبانى,, لكن مش زعلان من الكلية لأنه مش ذنبهم, دى ظروف مفروضة و هم بيحاولوا على قد ما يقدروا انهم يحلوها,,, و احنا كمان بنفكر معاهم,,,,
يعنى بنشتغل مع بعض..
ماظنش اننا لو ضغطنا عليهم,, هنستفيد. و شكرا

[عاصم]

سلام عليكم
بص يابنى اقلك حاجة :D

و بكلم بجد و الله مش كلام و خلاص
انا حاسس ان معظم الدكاترة اللى ادانوا لحد النهاردة من ساعة مدخلنا الكلية دى كان همهم مصلحتنا
و لو حقول "معظم " فدى ممكن تمشى على اعدادى
لكن بتهيألى من ساعة مدخلنا كهرباء و بتهيألى الدكاترة معاملتهم فعلا كويسة جدا ..
انا برغى و بقول كده ليه
عشان بتهيألى هما فعلا حاسيين بالأزمة و اكيد بيحاولوا جاهدين يحلوها .
يعنى معتكدش كان باديهم يحلو المشكلة قبل كدا و كسلوا مثلاً .
بس ده ميمنعش ان ممكن نوصل اقتراحات للدكاترة
زى اقتراح محاضرة مجمعة " اضافية" يديها معيد او دكتور للمجموعة مثلا.
و جزاكم الله خيرا

[محمد انور]

السلام عليكم
انا مقدر إحساساك
بس انا مش معاك
انا شايف ان مفيش مشكله طول ما المشكلة علي الكل يبقي مفيش مشكله
يعني مثلا ان الأمتحانات صعبه دي مش مشكله لانك مش بتخش تمتحن لوحدك
و مفيش سكاشن يبقي برضه علي الكل -محدش هيتدرب علي حل مسائل زياده _علي الكل برضه
انا شايف المشكله تكون مشكلة لو هي فردية يعني واحد بس هو المتضرر
و يا ريت لو حد يعرف مشكلة البشمهندس احمد البرقوقي ايه ؟؟
يقول بس يكون واثق من الكلام
علشان لو علي حسب ما سمعت
يبقي البشمهندس البرقوقي عنده مشكله لوحده و لو في ايدينا حاجه يبقي فعلا لازم نساعده
لانه كان بيموت نفسه علشانا و من اكتر الناس المحترمين في الكلية
فانا شايف ان دي دلوقتي المشكله
و لو محتاجين نعمل وقفه او منحضرش محاضرات او حاجه من الي انت كاتبه هتكون علشان الراجل ده

[AiR]

لو سمحت عندى اعتراض كبير على كلمة الكروته الى فى المحاضرات

مستوى شرح د نهى و د مشيرة متغيرش عن الترم نهائياً و الدكاترة بيتعبوا اوى بجد بجد

جرب اقف فى مكانهم 5 دقايق بس

متخليش الحماسة تاخدك اوى كده فى الكلام

و متاكد ان هيئة تدريس المادة زيك مش راضياً ابداً عن الى بيحصل

بس بص لازم تفهم المشكلة نابعة منين عشان تبتدى تقرر نعمل ايه

يعنى مثلاً لو المشكلة كانت فى ان البشمهندس احمد البرقوقى سافر هنقف وقفه احتجاج !!!!!!

لو تقدر توصلنا للبة الموضوع تبقى عملت خير و اكيد كلنا وراك

[فلورندا]

انا شايف المشكله تكون مشكلة لو هي فردية يعني واحد بس هو المتضرر
و يا ريت لو حد يعرف مشكلة البشمهندس احمد البرقوقي ايه ؟؟
يقول بس يكون واثق من الكلام
علشان لو علي حسب ما سمعت
يبقي البشمهندس البرقوقي عنده مشكله لوحده و لو في ايدينا حاجه يبقي فعلا لازم نساعده
لانه كان بيموت نفسه علشانا و من اكتر الناس المحترمين في الكلية
فانا شايف ان دي دلوقتي المشكله
و لو محتاجين نعمل وقفه او منحضرش محاضرات او حاجه من الي انت كاتبه هتكون علشان الراجل ده





انا مع الراي ده فعلا

[eng. mora]

سلام يا باشمهندسين..

أنا بصراحة السكشن بالنسبالي كان هو المنفذ وفي الرياضة بالذات لأن المحاضرات نظرية جدا جدا ولازم نشوف مسائل بتطبق قدامنا عشان الموضوع مايكونش نظري ومش محسوس..


أنا كنت قريت في مكان ما على المنتدى اقتراح انه لو الموضوع ده لا قدر الله ماتحلش أو اخد وقت إن احنا نطلب من الدكاترة انهم يعملوا على الأقل سكاشن مجمعة أو لو في وقت يعملوا زي دكاترة الميكانيكا في اعدادي ويدوا السكاشن لأن المحاضرة لوحدها مش هاتكفي أن دكتورة مشيرة ودكتورة نهى يشتغلوا محاضرة وسكشن مع بعض لأن المنهج مش صغير للدرجة يعني وانا شايفة بصراحة ان ده احسن حل..

وربنا يسهل ويحل الموضوع ده قريب ان شاء الله

[appozy2508]

السلام عليكم

و لو محتاجين نعمل وقفه او منحضرش محاضرات او حاجه من الي انت كاتبه هتكون علشان الراجل ده


البشمهندس ناقصله ورقة من الادارة
المفروض فيه حاجة محتاجة تتمضى و المفروض انه ميشتغلش الترم الاول عشان الورقة دى

انت عارف انه بيعمل كل ده تطوع ؟

و فى الاخر رئيس الجامعة اصدر قرار ان اللى مخلصش ورقه يتمنع من دخول السكاشن لحد ما يخلصه

بالنسبة للكروتة فمش قصدى عدم امانة
د\مشيرة ربنا معاها و يصبرها و يجازيها خير على اللى بتعمله معانا و يشهد انها و د\ نهى مقصروش
المشكلة ان المحاضرة اتحولت لمحاضرة و سكشن و الايقاع بقى سريع

فيه طلبة يا بشمهندسين مش بيلحقوا يقروا اللى على السبورة من كتر السرعة

يمكن كروتة كلمة قوية

بس لو لاحظتوا باقى الناس هتلاقوا ان اللى بيكتبوا فى محاضرة د\نهى قلّوا
و كل ما أسال حد يقوللى مش فاهم و مش عشان الحسد على فكرة

الكروتة هنا مش عدم امانة بس ضغط فى الشغل
الايقاع زاد و مش لازم ندافع و خلاص
قلتوا انكم معترضين على كل اللى قلتوا ده شئ جميل و انا مش بقول انكم غلط بالعكش رأيكم عجبنى

لو فعلا عايزين تنفذوا حاجة و الكلام ده مش مجرد تكاسل ممكن نجمع توقيعات ولا اى حاجة و نقدم الطلب ده للعميدة أو رئيس القسم فى الكلية او نبعت لده نسخة و للعميدة الاصل

و طبعا انا مقدر وجع القلب اللى بتعمله دكتورة نهى
بجد ربنا يديها الصحة و بجد كلهم على راسى من فوق

بس نعمل حاجة عشان منضيعش
ماهو مش عشان الكل ضايع يبقى كده نتبسط و نقول اطمنوا ده علينا كلنا و هما هيراعوا ده

ليه احنا منقومش بحاجة تنفع ؟

ليه منساعدش بعض و نساعد الراجل اللى وقف جنبنا ؟

و ليه منطلبش ان الورق بتاعه يخلص و نطالب بسكاشن ؟

ولا مش من حقنا نطلب ؟

[eng_sahar]

ya gma3a el moshkla akbr mn enna n2ol en e7na 5las el kalam dh 3la el dof3a kolha f el2mt7an hygy sahl,,,el moshkla en e7na f3ln hyb2a na2sna 7agat kter awi f el fhm 3ndna ...y3ni b sara7 eng/elbar2o2i a7sn 7d kan byshr7 math ana shofto y3ni 5osara kbera awi bgd lena eno maydenash...rbna m3ah mn aktr el nas el mo7trma f el kolia,,,w f3ln el mo7adart msh hatkfy l2n el course kber dh tb3n msh m3nah en el drs msh kwysen ,,l2 5ales bs elwa2t msh bykfy

[Omnia]

بصوا يا جماعة
مبدأيا المشكلة مش فى الامتحان خالص لان الدكاترة اكيد عارفين و مراعيين ايه اللى بيحصل
ثانيا انا كلمت دكتورة نهى فى موضوع السكشن المجمع ده و للاسف قالت ان ده مش هينفع لان الكليه مفيهاش غير 3 معيدين رياضة وهم يدوبك على اد اعدادى و كل واحد فيهم بينزل 5 ايام فى الاسبوع فمش هينفع سكاشن مجمعة

[AMR HEMA]

يا شباب خلاص فاكس سكاشن خالص

عندى حل حلو

نشوف مجموعة مكونة من 5 او 6 اشخاص من المجموعتين يتناقشوا معا كل اسبوع ويعملوا ملخصات ويجمعوا مسائل بأفكار حلوة وينزلوها بعد كده حلولها ونظبط مع الدكاترة وكده

وانا متطوع انى اكون واحد من ال6 عشان انا عندى مرجع حلو وفيه مسائل جامدة بحلولها بجميع الأفكار وجميع المستويات

[appozy2508]

http://h3sonline.com/forums/up//download.php?filename=fdcd18e041.rar


على ما تفرج

سكاشن مدنى للرياضة السنة اللى فاتت بتاعت رامى فاروق