المساعد الشخصي الرقمي

مشاهدة النسخة كاملة : طلب هاااااام من سكشن 1 و 2


AMR HEMA
03-02-2010, 05:39 PM
يا بشمهندسين سكشن 1 و 2

دلوقتى احنا سكشن 7 و 8 عندنا يوم الأحد سكشن اليكترونيكس ال رابعة وسكشن ميجر الأولى يعنى هنضيع وقت كبير اوى

فكان عندنا رجاء منكم انكم تبدلوا سكشنكم وتخلوه الأحد الرابعة واحنا نكون الخميس الأولى يا ريت بجد تساعدونا يا بشمهندسين

يا ريت تعينوا مندوب لكم ويروح معى للمعيد ونغير المعيدين

وشكرا لكم
علاء
03-02-2010, 05:42 PM
يااااااا ريييييييت يا جماااااااعة بجد هتعملوا فينا جمييييييييل كبييييييير اوي
بجد هنضيع وقت كبيييير واحنا قاعدين ال 2 و ال 3 فاضيين ( هنلعب كورة و بلايستيشن ) :D

يا ريت تعملوا فينا الجميل دا

وانا متاكد جدااا انكم رجاااااااااااااااااااااااااله وهتثبتوا انكم كدااااااااا
ahmed youssef
03-02-2010, 05:50 PM
طبعا مفيش شك ان احنا نحب نساعدكم , لاكن صعب ان احنا يبقى عندنا سكشن الليكترونكس الاولى ونخليه الرابعة بعد الرياضة والبرمجة والدوائر يوم الاحد , فى حين ان انتم ممكن تغيرو معاد سكشن الميجر و تحضرو مع بتوع يوم الخميس وانا عرفت ان الحل ده متاح , وطبعا سعتها هتنزلو على رابعة على طول , وفى هذه الحالة لن ينضر احد , خصوصاً ان الكترونكس كانت عندنا الاولى ازاى نخدها الرابعة
علاء
03-02-2010, 05:54 PM
ازاي نحضر على الرابعة على طوووول
صعبببببب هيضيع وقت
انت عارف المواصلات عاملة ازاي في ميعاد المحاضرة الرابعة نااااار

اما لما نروح الاولي ونروح بعدها المواصلات هتبقى رايقة ونروح اسرع
ومش هنضيع وقت
انتو كدا كدا عليكوا لحد التالته مش هتفرق الرابعة يعني في زحمة المواصلات
ahmed youssef
03-02-2010, 05:58 PM
انتو كده بقيتوا بدوروا على الرفاهية :D المهم ان محدش ينضر وده حل انكم تنزلو على رابعة احسن مكان عندوكو الاولى و الرابعة يا ريت نساعد بعض مش نضر بعض :D
AMR HEMA
03-02-2010, 06:15 PM
بس يا بشمهندس احنا لو نقلنا الميجر هنكون سكشنين وبكده الفهم هيقل ده غير ان الرابعة هتضيع بجد الوقت جامد اما انتوا لو خدتوا الرابعة مش فارقة كتير اوى ف حيث انكم هتوفروا انكم تصحوا بدرى الخميس
ahmed youssef
03-02-2010, 06:21 PM
نصحا بدرى الخميس ونفهم كويس ولا نخدها الرابعة ونفهن نص نص !!! .... , انت نفسك قلت ان لو سكشنين الفهم هيقل فى حين ان الالكترونكس بردو سكشنين ؟؟ !!!!

يعنى برضو حرام ان يبقى عندنا سكشن الليكترونكس ويتنقل الرابعة بعد ما كان الاولى لأن ده هيقلل الفهم خصوصاً ان الليكترونكس أصلاً سكشينين

انما لما تحضروا ميجر الخميس الاولى هتبقوا كده سكشينين عادى وفى الحالة دى يبقى المشكلة انحلت
بدوووون ما احنا نضر
علاء
03-02-2010, 06:32 PM
اماكن الميجر معمولة لسكشن واحد زي 323
اما الالكترونيكس معمولة ل سكشنين زي 319
هيبقى حرام ناخد مع سكشن تاني في الميجر هنبقى زيادة والله على السكشن
ززي سكشن المساحة الترم الاول

خليكوا رجااااااااااااااااااالة بقى :D
z_rmylove
03-02-2010, 06:33 PM
هى هى يا بشمهندس انت كده كده عندك محاضرات يوم الخميس لحد الرابعة فانت ممكن تعكس تحضر 3 محاضرات يوم الخميس وتصحى براحتك عشان تفهمهم كويس وتحضر 4 سكاشن بدل اربعة يوم الاحد هى هى على فكرة يا بشمهندس
z_rmylove
03-02-2010, 06:33 PM
لو فى حاجة فى كلامى غلط حد يقول
AMR HEMA
03-02-2010, 06:36 PM
كلامك صح يا بشمهندس

مفيش عند 1 و 2 اى ضرر

اما احنا هيبقى ضررنا كبير لأن الميجر مينفعش يتنقل عشان المكان والله فكده هنضيع وقت كبير جدا

عايزين منكم مساعدة يا شباب
z_rmylove
03-02-2010, 06:38 PM
يلا بقى اعملوا موقف رجولة عشان نوقف جنبكم وقت الحاجة
ahmed youssef
03-02-2010, 06:42 PM
اكيد انك خليتنى افضل اعيد لحد الرابعة يوم الخميس ويوم الحد رغم ان كنت هبقى لحد التالتة بس يوم الحد وكمان هتقصر على مادة اللكترونكس الى كنت هخدها يوم الخميس الاولى وانا فايق لسه وفريش و العكس لما اخدها يوم الحد بعد 3 سكاشن رخمين يعنى اكيييييد مش هيا هيا

والله لو كانت هيا هيا مكنش حصل اى اعتراض اكييييد لأن اكيد مش هنقف قدام مصلحت غيرنا لاكن دون التأثير على مصلحتنا خصوصا انكم ادمكم حل تانى يحل مسكلة دى بس انت بدورو على الحل الى يرضيكم انتم ويأثر علينا احنا اكيييد
مش هيحصل حاجة ابدا لمل تنزلو على رابعة مشكلتكم هتيتحل ومحدش هيتأثر
AmrMonsteR
03-02-2010, 06:43 PM
خلاص يا أولاد شكلهم مش موافقين!
علاء
03-02-2010, 07:08 PM
يعني ايه مش موافقين يا عمروووووووووو

:D

ان شاء الله هيوافقوا دول حبايبناااااااا

وبانتظار اراء باقي سكشن 2


هما رجااااااااااااالة وهيوافقوا ان شاء الله
Ahmed Ali
03-02-2010, 10:57 PM
معلش يعني المنطق اللي بتكلموا بيه
هو ان كل واحد عايز مصلحته وخلاص
فمن مصلحتنا برده ان ميبقاش سكشن الكترونكس الرابعه يعني
بعد برمجه ورياضه ودواير يعني أتقل أربع مواد في يوم واحد
ده أنهي عاقل يقبل بكده وفي ايده انه ميبقاش كده
غير كده الأولى اللي مش هتتحضر يوم الخميس دي محدش هيستفاد بيها
مين هيستفيد ان الأولى فاضية وعنده تلت محاضرات بعديها
انما الحد لما تروح التالته هيبقى أفيد طبعا

خلاصة الموضوع عشان نخلص
انتوا ليه رابطين نفسكوا بسكشن 1 وسكشن 2
ليه متنقلوش سكشن الالكترونكس بتاعكوا الخميس الأولى في أي مكان تاني غير المكان بتاعنا
أكيد في أماكن فاضية يعني
ليه تضروا الطرفين وفي حل يعني
AMR HEMA
03-02-2010, 11:10 PM
يا احمد مينفعش المعيد قال مينفعش عشان مفيش اماكن خالص ومينفعش غيركوا

احنا متأسفين يا احمد

معلش طلب ممكن تشيل الموضوع ده يا احمد
Ahmed Ali
03-02-2010, 11:23 PM
يا احمد مينفعش المعيد قال مينفعش عشان مفيش اماكن خالص ومينفعش غيركوا

احنا متأسفين يا احمد

معلش طلب ممكن تشيل الموضوع ده يا احمد

متأسفين على ايه ؟
موضوع وطرحتوه وخلاص
عادي يعني

والمعيد قال مفيش أماكن
انتوا شفتوا ؟
ليه متشوفوش انتو أماكن ومتأكد باذن الله انكم هتلاقوا يعني
الكلية كلها مش هتبقى مليانه اليوم ده الأولى يعني
ده مستحيل أصلا
لو دورتوا أكيد هتلاقوا
ومستعدين ندور معاكم يا عم
:D
AMR HEMA
03-02-2010, 11:25 PM
شكرا يا ابو على

دوروا انتوا بقى :P
ahmed youssef
03-02-2010, 11:26 PM
متأسفين على ايه ؟
موضوع وطرحتوه وخلاص
عادي يعني

والمعيد قال مفيش أماكن
انتوا شفتوا ؟
ليه متشوفوش انتو أماكن ومتأكد باذن الله انكم هتلاقوا يعني
الكلية كلها مش هتبقى مليانه اليوم ده الأولى يعني
ده مستحيل أصلا
لو دورتوا أكيد هتلاقوا
ومستعدين ندور معاكم يا عم
:D
tamam ya a7mad we isa ya2dero yawoslo le 7al kwayes lehom men gher may2ser 3la 7ad
Ahmed Ali
03-02-2010, 11:36 PM
شكرا يا ابو على

دوروا انتوا بقى :P

ندور مندورش ليه
:book:
AMR HEMA
03-03-2010, 12:09 AM
هات كده الصفحة 325 هتلاقى ف اخر سطر مكان كده اسألى عنه وحياتك
AMR HEMA
03-03-2010, 12:10 AM
هنهرج بقى

انا مش هنزل بمستوى رتبتى كهيلبفولتيم الى رتبتك كمشرف عام :P :P :D
انت عارف انى ممكن ابندك بس عشان صاحبى بلاش
Ahmed Ali
03-03-2010, 12:14 AM
خليك انت الأحسن كهيلب تيم ومتهزرش معايا
:D
عشان انا هطلع أهزر معاك بس بطريقة تانيه
:D
وكفاية تهييس بقى بدل ما حد ييجي يقفلنا الموضوع ده
:D
علاء
03-03-2010, 12:52 AM
انا متاكد انكم رجاله

دورا بقى :D
طرحاوى عربى
03-03-2010, 01:41 AM
السلام عليكم ورحمة الله وبركاته
انا بيتهيقلى ان المعيد قالنا الخميس الاولى عشان تقريبا بقول تقريبا ها ان هو الى بيدى الخميس الاولى عشان نسلم الاسينمنت ليه مش عشان الاولى مفيش مكان وربنا يكرم هو بصراحه احنا منرضاش ضرركم ولا انتوا ترضوا ضررنا لذلك فكرت فى حل جديد ليه مندورش على مكان كبير ناخد الاربع سكاشن مع بعض انا عارف مكان كبير دى معناها مدرج بس اصل احنا بناخد البرمجه فى مدرج ةاحنا سكشنين 7و8 بس وعارف كمان ان الاولى عادة بيكون فى محاضرات بس مش هنخسر حاجعه لما نسأل حتى على الاقل نظام الصوت فى المدرج ممكن يكون افضل لان انا بنام على صوت المعيد ده لان بيتهيقلى صوته واطى شويه على العموم ان شاء الله كلنا نسعى ونحاول نسأل على مدرج فاضى من ال8 مدرجات او مش شرط مدرج ممكن حاجه من الدرجات الضيره شبه الى بتاخد فيها مجموعه به كده لان بعض الاقسام لما بتنقسم لفروع بتاخد معظم محاضراتها فى مدرجات زى دى فى تقريبا اتنين عند معمل الكيميا وواحد جنب 319 الى اصلابناخد فيه الحد الرابعه وكده يعنى
واسف على الاطاله
والله ولى التوفيق
و السلام عليكم ورحمة الله وبركاته