ما تحتاجه من منهج إعدادى .

[معتز عادل]

اتفضلوا جزء محاضرات اعدادي المطلوب مننا:
http://www.mediafire.com/?sharekey=e772b50b3919db96ab1eab3e9fa335caa5cb035f cb567e29

فاعل خير بعتلي الرابط ..

[عاصم]

سلام عليكم و رحمة الله و بركاته
الدكتور قال فى الحاضرة اننا حنحتاج حجات من السنة اللى فاتت فأنا ححاول اكتب اللى اعرفه هنا عشان الكل يستفاد :victory:

بصو هوا مبدئيا تفتكروا الـ flow chart و بتهيألى ده عادى يعنى مفيهوش مشكلة
و بردوا انواع المتغيرات و كل واحد بيسجل اد ايه فى الميمورى و الحدود بتاعته
و ايضا تقتكرى ال signed و ال unsigned
مثال سريع بس :
signed char : حجم 1 بايت من : -127 الى +128
unsigned char : حجم 1 بايت من : 0 الى 255
و ال char عموما هوا متغير بيقبل منك حرف واحد و هوا اصغر متغير موجود
و فى حاجات كتير طبعا زى long , int , string , double , short

احنا مش بنحفظ موضوع الحدود ده دح و خلاص :hehehe:
بس عشان مينفعش نعين متغير مثلا و نديله قيمة اكبر منه , عشان ده حيطلع خطأ فى البرنامج

و برده مينفعش نكبر دماغنا و كل الأرقام نعملها double أو long مثلا و نقول ده حياخد اى رقم عشان ده متغير كبير ,,, الكلام صح بس تخيل المتغير الواحد حيكون مساحته 8 أو 4 بايت كدا انت بتكبر البرنامج بتاعك على الفاضى
ده اصلا المفروض تقلل المساحة لأن اى مشروع بسيط بيبقى ممكن 300 -- 500 سطر كود
فعشان كده لازم نعرف المتغيرات دى بالظبط .

عشان نعرف عدد الاحتمالات جوا اى متغير بنعمل 2 باور (n.o of bits )
و ال byte فيه 8 bit
كده باقى تعرف كل متغير اد ايه
int 4byte //ملحوظة : الـ int بيتغير حسب نوع ال processor المستخدم على جهازك و بيتسمى machine dependant num
short 2byte
long 4byte
double 8byte

---------------------------------------
برده المفروض يا جماعة تكونوا عارفين يعنى ايه جملة loop سواء ب while أو for

و دول بنستخدمهم عشان نعملل تكرار أو حلقة مغلقة جوا البرنامج
for بتكون لعدد محدد
while بتكون مفتوحة لغاية ما شرط معين جوا البرنامج بيتحقق و الشرط ده انته اللى بتحدد حسب
مسار برنامجك .
// ملحوظة : لم يتم تدريس جملة while فى اعدادى , بس سايبها عشان اكيد حنتعرضلها بردوا

و برده جملة if
و دى بتكون بتعمل بيها اختيار بيين حاجتييين أو اكتر و ده مع استعمال else , else if
------------------------------------
و بردوا لو حد يتذكر كلمة ال array :toky2:
و دى بتبقى زى منظومة من عناصر بتربطهم ببعض و بنرتبهم حسب index number
بتهيألى احنا مشوفناش موضوع الربط ده و احنا فى اعدادى بس بتهيألى ممكن ناخده السنادى عشان أصلا أقوى حاجة فى ال array هيا ال 3d array و دى حتخليكوا تشددوا فى شعركم حبتين :hehehe:
------------------------------------

عموما انا معلش محطتش أمثلة فى الجمل دى عشان انا مشتغلتش C قبل كده
بس اطمنكم برده انا اشتغلت C++ , C# , action script , jave script
كل واحدة ال syntax مختلف جدا ,, بس الفكرة واحدة بنسبة 95 %
فالموضوع بجد لذيذ جدا و يا رب تبقى سنة حلوة علينا
----------------------------------

أخيرا بعتذر معلش لو فى حاجة مش مفهومة و لو عندى غلطات يا ريت حد يقولى عشان اصححها
أو اى حد من الدفع القديمة يقول عشان الكل يستفيد .
و لو حد يحب اشرح حاجة تانية ححاول أرد عليه لو أعرفها .


--------------------------------------------
و بعد إذن معتز محروس (مصرى)
هوا حاطط اللينك ده ,
http://www.mediafire.com/?sharekey=e772b50b3919db96ab1eab3e9fa335caa5cb035f cb567e29

فى رد على موضوع :
http://www.h3sonline.com/forums/showthread.php?t=12270

و دى محاضرات على الجزء المطلوب
جزاكم الله خيرا عنا

// منصحش حد يراجع جزء الرسم اللى فى المحاضرات دى عشان معتقدش حيتكرر و مش ذو اهمية اوى

-------------------------------------------

[eng. ahmed montasser]

شكرا يا بشمهندس علي مجهودك الكبير.........

[Amr Elsehemy]

تمام جدا ..

ربنا يكرمك (:

[shadowman]

طيب بما انك اشتغلت C++ , ايه الفرق بينها و بين ال C

[AmrMonsteR]

شكرا جدا :)

[winter sonata]

انا مش فاكره اي حاجه
كل ده خدناه في اعدادي
شكرا يا با شمهندس وربنا يستر

[فلورندا]

اولا شكرا
بس معلش ح اسال سؤال رخم هو حضرتك عرفت الحاجات الي محتاجينها من اين

[Amr Elsehemy]

ما هى محاضرات السنة اللى فاتت بتاعة البرمجة فى اعدادى .. فيها احنا محتاجين ايه بالظبط ..

و البشمهندس هنا شارح و ضايف حجات عليهم ..

[عاصم]

طيب بما انك اشتغلت C++ , ايه الفرق بينها و بين ال C

و الله يا سيدى انا مش حدعى اننى خبير , بس هوا زى مالدكتور قالك C is a low language level
and C++ is a high level
و اصلا ال C++ هى لغة مشتقة من الـ C

بص عشان اقربلك الصورة , احنا لما بنكتب بنستدعى حاجات متخزنة فى ملفات زى ال stdio.h
تمام
الحاجات دى منها حاجة اسمها classes دى تقدر تقول عليها عائلة كاملة بتحتوى على انواع اكواد .
تمام كده معايا :D

انت ان شاء الله فى المستقبل تعرف تعمل class و تسميه باسمك و تحط اللى عايزه فيه :hehehe:

انا بقول الكلام ده ليه !!!!
عشان ال C++ ما هى الا لغة ال C بعد ما تم اضافة classes كتير عليها عشان تبقى سهلة لغير المتخصصين فى التعامل معها و ايضا عشان تعمل تحسينات للغة و تسهلها

لو حضرتك جبت compiler بتاع C++ , و جربت تكتب عليه C حتشتغل , و لكن العكس لأ

أرجو اكون وضحت كلامى :D

[shotorio]

شكرا ولكن اول جزء حاسس انى ماسمعتش عنه قبل كده

[عاصم]

اولا شكرا
بس معلش ح اسال سؤال رخم هو حضرتك عرفت الحاجات الي محتاجينها من اين

لأ مش رخم و لا حاجة :D
بس هوا محض استنتاج مش أكتر عشان دى مش حاجات اصلا
دى مجرد أساسيات و مشتركة فى جميع لغات البرمجة ,, يعنى مستحيل تكتبى مثلا و انتى متعرفيش تعملى loop or conditions او تعرفى متغيرات

[عاصم]

شكرا ولكن اول جزء حاسس انى ماسمعتش عنه قبل كده

موضوع ال signed ده تفتكر لما كنا بنعمل جدول بيبقى بينرى و كنا بنقول بنحجز أول خانة للإشارة

و بالنسبة لموضوع ازاى نقلل المساحة و الكلام ده ,, ده مخدنهوش فى ال course بس انا قولت اقوله عشان دى حاجة مهمة يعنى لو مثلا بنعمل web application كده انت بتقل تحميل الصفح عند الناس اللى بتستعرض موقعك ,, فدى نقطة مهمة فى تحكيم الجودة . بس مكنتش فى الكورس
اسف اننى موضحتش الكلام ده عشان لو كنت لخبطت حد

[shadowman]

و الله يا سيدى انا مش حدعى اننى خبير , بس هوا زى مالدكتور قالك C is a low language level
and C++ is a high level
و اصلا ال C++ هى لغة مشتقة من الـ C

بص عشان اقربلك الصورة , احنا لما بنكتب بنستدعى حاجات متخزنة فى ملفات زى ال stdio.h
تمام
الحاجات دى منها حاجة اسمها classes دى تقدر تقول عليها عائلة كاملة بتحتوى على انواع اكواد .
تمام كده معايا :D

انت ان شاء الله فى المستقبل تعرف تعمل class و تسميه باسمك و تحط اللى عايزه فيه :hehehe:

انا بقول الكلام ده ليه !!!!
عشان ال C++ ما هى الا لغة ال C بعد ما تم اضافة classes كتير عليها عشان تبقى سهلة لغير المتخصصين فى التعامل معها و ايضا عشان تعمل تحسينات للغة و تسهلها

لو حضرتك جبت compiler بتاع C++ , و جربت تكتب عليه C حتشتغل , و لكن العكس لأ

أرجو اكون وضحت كلامى :D


مممم...اعتقد الصورة وضحت شوية ,انا فعلا كنت عايز الفرق عشان لاحظت ++C منتشرة اكتر .....ثانكس

[فلورندا]

و بردوا انواع المتغيرات و كل واحد بيسجل اد ايه فى الميمورى و الحدود بتاعته
و ايضا تقتكرى ال signed و ال unsigned
مثال سريع بس :
signed char : حجم 1 بايت من : -127 الى +127
unsigned char : حجم 1 بايت من : 0 الى 255
و ال char عموما هوا متغير بيقبل منك حرف واحد و هوا اصغر متغير موجود
و فى حاجات كتير طبعا زى long , int , string , double , short





معلش انا مش فاهمه الجزئيه ده وعاوزه افهمها

[عاصم]

معلش انا مش فاهمه الجزئيه ده وعاوزه افهمها



بصى يا ستى , لما بتعرفى نوع أى متغير بيتحجزلوا مكان فى الميمورى ,, تمام

كل نوع بيحجز حجم معين من الميمورى عشان يخزن فيه
يعنى لو قلنا ;int x
كده احنا حجزنا فى الميمورى 2 byte
و ده بيساوى 2*8 bit
16bit

عدد الاحتمالات بقه اللى ممكن احطها فى x هوا( 2 مرفوعة اس 16)
يعنى max حيساوى 65536 مكان
تمام كده
لو احنا شغالين ارقام موجبة بس unsigned
يبقى الأرقام اللى ممكن يخزنها X ---- من 0 الى 65535 (عشان الصفر معانا)

لو شغلين signed
يبقى الأرقام اللى ممكن يخزنها X ---- من سالب 32768 الى موجب 32767

جربى تحطى أكتر من كده حيدى error
أرجو اكون عرفت أوضحهالك

// تم تصحيح الخطأ فى الأرقام و اشكر محمود حسان على تنبيهى

[فلورندا]

انا فهمت بس عندي كام سؤال؟؟؟؟؟



كل نوع بيحجز حجم معين من الميمورى عشان يخزن فيه


تقصد ايه ب نوع ؟



عدد الاحتمالات بقه اللى ممكن احطها فى x هوا( 2 مرفوعة اس 16)



احتمالات ايه ؟



يبقى الأرقام اللى ممكن يخزنها X ---- من سالب 32768 الى موجب 32768




32768ده جه من اين ؟





جربى تحطى أكتر من كده حيدى error



ده اجربه فين ؟

[فلورندا]

معلش انا مش فاهمه الصفحه ده ؟؟؟

[عاصم]

نوع قصدى int , long , double هما مش بيخزنزا قد بعض بالظبط
حتلاقينى كاتب فوق كل واحد مساحته قد ايه كقيمة قصوى
---------------------------
احتمالات يعنى ارقام يعنى ممكن تحطى من رقم كذا لرقم كذا لاحظى انا بدى مثال على الـ int
اللى قولنا بيحتوى على 16 bit

16^2 = 65536 حتقولى اشمعنى اتنيين
عندنا 16 مكان فاضى ممكن نحط فى كل مكان 0 أو 1
و فى الاخر نترجم البينارى
نوصل انهم 65536 رقم ,,, من ضمنهم الزيرو
------------------------
32768 ده نص ال 65536 عشان حناخد نص الرقم للموجب و النص للسالب
------------------------
ال error حيجى فى ال compiler اللى المفروض تكونى نزلتيه دلوقتى على جهازك
زى ال visual studio أو ال C turbo لو جهازك ضعيف

[فلورندا]

انا فهمت بس
الint تقصد الاعداد الطبيعيه ؟

طب يعني ايه long , double ??

[عاصم]

double بتكون للأعداد اللى فيها كسور ( الاعداد الحقيقية) و مساحتها 8 byte
long بيكون للأعداد الصحيحة و مساحته 4 byte

[فلورندا]

طب هي الطريفه الي اتعلمناه في الكتابه في اعدادي هي زي السي برده ؟؟؟؟؟

[فلورندا]

هو الshort ده الاعداد النسبيه ؟؟؟؟؟؟؟؟؟؟

[عاصم]

لأ الكتابه مختلفة ,
و الـ short هوا للأعداد الصحيحة بس حجمه 2 byte و فى فرق على فكرة بينه و بين الـ int بس انا مش فاكر كان ايه صراحة :D

[فلورندا]

هو الطريقه الي كنا بنكتب فيها في اعدادي ح تبقه نفسها في السي ؟؟؟؟؟

وياريت حد يجوبلي علي المشاركه ال17؟؟؟؟؟؟؟؟؟

[عاصم]

بصى على المشاركة ال 18 و 23 :D

[فلورندا]

مالهم!!!!!!!!!!!!!!!!!!!!!!!!!!

[عاصم]

المفروض اننى رادد فيهم على سؤالينك

[عاصم]

أو وضحيلى ايه اللى مش مفهوم بالظبط فى الردود عشان اجاوب

[فلورندا]

هو الطريقه الي كنا بنكتب فيها في اعدادي ح تبقه نفسها في السي ؟؟؟؟؟

وياريت حد يجوبلي علي المشاركه ال17؟؟؟؟؟؟؟؟؟


هما دول السؤالين

[عاصم]

هما دول السؤالين

طيب :D

1- لأ الكتابة مختلفة و كل لغة مختلفة عن التانية فى الكتابة بشكل كبير تقريبا .


2- بالنسبة للسؤال بتاع مش فاهمة الصفحة دى .. هوا فيه حاجات كتير مكتوبة و فى كذا مشاركة
فياريت الجزء اللى عايزاه تعمليله اقتباس عشان مش عارف انهى جزء اللى ارد عليه .

[فلورندا]

طب معلش اسمها ايه اللغه الي اخدناها في اعدادي

[فلورندا]

والصفحه الي انا قصدي عليها موجوده في المرفقات في المشاركه ال17

[محب الدين]

اللى اخدناه فى اعدادى هو qbasic

[عاصم]

أولا احنا كنا بنشتغل QBasic

ثانيا بالنسبة للملف المرفق :
هوا بيقولك دى الحروف و الأرقام اللى بنسمى بيها ال identifier أو الاسم اللى بعد الـ keyword بتاعت المتغير
int X
هنا X هيا ال identifier

مينفعش الاسم يبتدى ب 2 أو @#% مثلا
لازم حرف ABCD
يعنى لو سمتيه A231654as صح
و مينفعش يبقى فيه @#%#&^$* خالص

حاجة كمان الـ Qbasic is case insensitive

يعنى ahmed زى aHmED متفرقش الحرف capital و لا لأ

بينما الـ C is case sensitive حتلاقى ان A ده مش هوا a يعنى لازم تكتبى اسم المتغير بطريقة واحدة

زائد بيقولك مينفعش تسمى متغير باسم keyword اللى هيا كلمات محفوظة و ممنوع استخدامها زى :
include , main , int و هكذا

[عاصم]

تم تعديل أول مشاركة على أساس معلومات قالها الدكتور فى محاضرة الثلاثاء
23/2/2010 بالنسبة للمتغيرات .

[محب الدين]

احسن حاجة ان الدكتور شرح كلام كتير من اللى كنت كتبه لانى مكنتش فاهم من اللى كاتبه حاجة :toky2:

[عاصم]

:D

[eng. ahmed montasser]

السلام عليكم ورحمة الله وبركاته.....................

دي محاضرة النهارده بس مكتوبه علي برنامج الword كتجربه.....................ان شاء الله تكون كويسه وتنفعكم و ياريت اعرف رايكم فيها هنا............


جزاكم الله خيرا.....................مستني اراء الجميع